Tarimo kasih banyak Asrul Agin Sutan Batuah,
Iko palajaran bahaso nan rancak. Iyo mungkin pamakaian kato-kato ko babeda
di tiok daerah. Kini takana di ambo, di Ampek Angkek (Biaro, Balai Gurah,
Lambah, Panampuang), lai tadanga di ambo kaduo kaduo "pambayan" jo
sambayan" lai tapakai.
"Sambayan" tampakno marupokan istilah nan "umum" dalam Bahaso Minangkabau,
dan lah diadaptasi dan diangkek manjadi "sembayan" dalam Bahaso Indonesia
dan Bahaso Malayu. Dalam katigo bahaso ko "sambayan" (Minang) dan
"sembayan" (Indonesia, Melayu) memang ambo caliak aratinyo "madu",
urang-urang padusi (baduo atau labiah) nan suami mareka ciek laki-laki tu.
Istilah "Pambayan" di Ampek Angkek tadanga di ambo dipakai samo aratinyo jo
"sembayan" ko, madu, diantaro urang-urang padusi nan samo lakino nan surang tu.
Istilah "Pambayan" nan ciek lai di Ampek Angkek, dipakai juo saroman
dipakai di Banuampu manuruik katarangan angku tu; "urang masuak",
suami-suami dari padusi-padusi nan badunsanak.
Ambo caliak dalam Kamus Bahasa Indonesia indak ado istilah "pembayan" doh.
Dalam Kamus-kamus Bahaso Malayu, ado istilah "pembayan" tu nan disinonimkan
jo "biras" dan "besan" tapi aratino balain, samo jo "ipa" Caro Awakno.
Sakitu nan tampak di ambo untuak samantaro.
Karano awak lai duduak baduo-jo-batigo di Lapau ko, kito danga pulo
katarangan dari adidunsanak nan lain. Misano dari Ampek Angkek Canduang ado
sadang duduak di suduik tu, Angku Lembang Alam, Angku Taufik, Angku Elthaf,
Angku Darul. Dari Banuampu lai banyak pulo, misano nan sadang duduak di
suduik tu tampak Angku Amzar Bandaro, Angku Bandaro Labiah. Baa pulo
pamakaianno Tilatang, di Maninjau, Palambayan, Alahan Anggang.
Sudah tu kito mintak pulo katarangan untuak verifikasi dari Nagari-nagari
sakuliliang Minangkabau ko. Baa pulo di Pandai Sikek, di Padangpanjang, di
Gurun, di Simabua, di Sumaniak, di Lintau, di Pek Ten (Mungka, Kubang, Koto
NanOmpek, Koto nan Godang, Payo Basuang). Baa pulo di Sulik Aia, Solok, di
Piaman, Sungai Limau, Gasang, sarato jo di Pasaman.
Lain lubuak lain ikannyo. Mungkin istilahnyo samo tapi pamakaiannyo
balain-lain. Samo-samo kito tunggu mandanga kaba.
Salam,
--MakNgah
#47801 From: Asrul Agin Sutan Batuah <[EMAIL PROTECTED]>
Date: Tue Jun 27, 2006 8:12 am
Subject: [EMAIL PROTECTED] Pambayan Vs Sambayan
MakNgah,
Di kampuang ambo (Banuhampu), bapambayan tu aratino urang nan bini no
baradiak
kakak.
Jadi, ambo bapambayan jo suami adiak bini ambo.
Tapi kalau padusi, jo bini lakino nan lain (madu), namono sambayan.
Mungkin di Biaro lain yo, lain padang lain bilalang, padohal tetangga ya?.
he.. he..
[EMAIL PROTECTED]
Sjamsir Sjarif <[EMAIL PROTECTED]> wrote:
Takana dek MakNgah carito urang bapambayan ko dahulu
dari kawan nan eteknyo bapambayan baru.
Suatu pagi Etek kawan ko bangih-bangih se ka pambayan baru
(Bini Mudo laki etek tu).
No virus found in this outgoing message.
Checked by AVG Anti-Virus.
Version: 7.1.394 / Virus Database: 268.9.4/375 - Release Date: 6/25/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
