Assalamu'alaykum w.w. antah kok babeda pandapek, kok diambo iyo mangko sen no ha 1. ambo picayo ka pangurus DAMI 2. kok lai pulo di ambo saketek banyakno, sato pulo ambo, kalau indak tantu jo tanago atau pamikiran ambo sato, atau saindak-indakno lai sato jo do'a 3. karano hanyo badahulukan salangkah, batinggikan sarantiang kapado pangurus, mangko jikok tasuo di nan bukan, talangkah pado nan indak, tantu capek pulo kito manyintak baok suruk, ibaraik hanyuik capek dipintehe, kok luluh capek basilami, dan sadapek mungkin tantu Sabalun hanyuk lah bapintehi, sabalun luluh lah basilami, aratino, kito caliak-caliak juo langkah jo tarajang, kito bari paga-pagano, jan sampai talangkah ka nan indak elok 4. taruhlah DAMI malangkah, jan baranti pulo sampai disiko apo lai kasuruk pulo kabulakang caro nan baitu kalau di ambo, kadang-2 banyak juo pamikiran nan timbua kalau ado urang nan mambuek suatu kegiatan, 4 buah tanyo nan paralu dijawek sabalun urang tu sato maiyokan : 1. apo kagiatan nan di buek tu ?? lai rancak ndak ? 2. kalau lai rancak, tibo pulo ciek lai tanyo : Sia tu nan dibalakangno ??? 3. kalau lah jaleh urangno, raso lai dipicayo, tambah pulo tanyo tibo : apo pulo mukasukno maadokan kagiatan tu ? kajadi presiden pulo ano ndak ? 4. tarakhir, : lai ka dapek bagian den tu ndak ??? sakitu dari ambo, indak untuak dipadebaikkan doh, tapi kok lai taranuangkan Wassalamu'alaykum w.w. Bandaro Labiah
Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
