Assalamu'alaikum warahmatullaahi wabarakaatuhu. Ambo sakaluarga sato pulo ciek maucapkan salamaik manjadi inyiak ka sanak Lembang Alam. Tantu diiringi jo doa semoga cucu nan baru dianugerahkan Allah SWT ko, dibawah asuhan inyiak Lembang Alam jo urang gaeknyo berhasil manambah barisan anak-anak saleh dibawah tantangan barek arus globalisasi nan mahantui satiok urang tuo dimaso kini jo nan kadatang, apolai dapek cucu laki-laki sakali duo.
Walaupun ambo baru sakali basuo jo sanak Lembang Alam dilapangan tennis Ruspau wakatu mandiskusikan kalanjutan Rantau Net dulu, apo lai dari postingan baliau nan banyak banafaskan agamo, ambo yakin baliau akan dapek anugerah cucu-cucu nan saleh kelak. Amin ya rabbal alamin. Bagi kami nan di Pasisie lai ado pulo istilah inyiak, disampiang istilah lain sarupo kakek, pak gaek jo ayek. Dalam kaluarga ambo dari pihak bapak kami manyabuik inyiak, diabadikan dalam namo arisan " Inyiak Taruko" sabab baliau daulu dikenal sabagai ulama, kami sapakaik untuak mawarisi sifat jo sumangek kaulamaan baliau. Baitu pulo dari pihak ibu ambo kami manyabuik inyiak ka ayah baliau. Istilah inyiak ado pulo dipakai urang gaek-gaek untuak ganti manyabuik harimau dimaso saisuak wakatu pakuasi dijaman dikaja-kaja patroli Balando sekitar tahun 1948/1949. Disiang hari kaluarga kami acok manyuruak kasarang harimau, kalau tadanga aum harimau urang-urang nan gaek maucap, "jauah-jauahlah dulu inyiak,kami mabaok anak cucu" sambia malilikkan aka kalimpanang dikapalo jo talingo. Barangkali Inyiak Sunguik lai ado pulo pangalaman sarupoko. Wallahu alam. Sakali lai salamaik berbahagia. Wassalam, A.A.Bandaro Pahlawan ----- Original Message ----- From: "Muhammad Dafiq Saib" <[EMAIL PROTECTED]> To: <[email protected]> Cc: "boes" <[EMAIL PROTECTED]>; <[EMAIL PROTECTED]> Sent: Tuesday, June 27, 2006 8:53 PM Subject: [EMAIL PROTECTED] Inyiak > Assalaamu'alaikum wa rahmatullaahi wa barakaatuhu > > Ambo indak basuo jo inyiak kanduang ambo doh. Baiak inyiak kanduang dari > fihak bapak maupun inyiak dari fihak ibu, walaupun nenek (enek) lai basuo > kaduono. Baa kasiah inyiak ka cucu tantu indak jaleh di ambo doh, sabab > indak panah ambo rasoan. Inyiak sapasukuan lai ado, nan ambo imbau inyiak > juo, tapi indak inyiak nan tapek bana. Balain pulo saketek pado itu ado > pulo > inyiak Sunguik nan di Santa Kuruih, lawan badiskusi awak di Palanta ko, > nan > ambo himbau inyiak juo. > > -------------------------------------------------------------- > UNTUK DIPERHATIKAN: > - Hapus footer dan bagian yang tidak perlu, jika melakukan Reply > - Besar posting maksimum 100 KB > - Mengirim attachment ditolak oleh sistem > ========================================================= -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
