Assalamualaikum w.w.
Pak Chaidir, Cucunda Reza, sarato para dunsanak nan lain,
Manyalo ambo saketek. Suatu hal nan alah lamo juo jadi paratian ambo adolah:
apo forum nan bisa kito gunokan kalau kito nio babana-bana mambahas dan
maambiak kaputusan tantang Minangkabau sabagai suatu suku bangso ?
Maambiak risiko dibangihi baliak dek babarapo dunsanak kito urang Minang,
ambo ingin juo menunjuak samacam HKBP di Tanah Batak, walau indak sadonyo urang
Batak jadi anggota HKBP tu. Dalam HKBP nampaknyo alah basatu unsur adat jo
ugamo sacaro malimbago. Kalau kito bisa basipakaik dan malimbagokan ABS SBK,
kakuartannyo nanti hampia sarupo jo HKBP di Tanah Batak tu. Cumo ambo sampai
kini maraso heran dan galinggaman, mamikiakan baa mako susah bana marumuskan
dan malimbagokan ABS SBK ko, sahinggo Ananda Rahima kudian manjadi patah salero
untuak manindalanjuti karajo baiak tu. Sakadar catatan untuak pak Chaidir,
sacaro diam-diam HKBP tu alah mampunyoi smacam DAMI nan sadang dirintis dek pak
Chaidir. Di Komnas HAM ambo paranah manangani konflik intra HKBP ko, dan tahu
agak saketek tantang kamampuan dan kekuatan keuangan organisasi iko.
Baa urang awak ? Kito urang Minang diaja sajak ketek untuak iduik
sanagari-sanagari, tanpo adonyo limbago usali nan batingkek supra-nagari,
sahinggo sadar atau tidak, susah bana maajak bapikia tingkek Minangkabau. Jo
kato lain, struktur sosial kito urang Minangkabau sangat 'terfragmentasi'.
Struktur ko tantu ado eloknyo, tapi nampaknyo indak mustahil ado pulo
mudharatnyo, antaro lain susah bana mambangun efek sinergi nan diparalukan
kalau kito ingin malakukan suatu karajo gadang. Bak kato Angku Razali Nazir,
salamo ko kito hanyo bisa mangarajokan 'nan kenek-kenek' sajo. Padohal dalam
dunia maso kini, paliang tidak membangun 'jejaring' adalah suatu keniscyaan
untuak bisa batahan. Gebu Minang kini mancubo mambuek dan mengoperasikan
organisasi model jejaring itu. Mari kito doakan agar barhasil.
Insya Allah,
Ambo kini sadang tamanuang-manuang mamikiakan hal ko.
Wassalam,
Saafroedin Bahar (69th)
chaidir latief <[EMAIL PROTECTED]> wrote:
ass ww
cucu ambo syahreza dan para dunsanak
Masalah Minang alah rumit seperti banang kusuik Lakukanlah apo yang dapek
dilakukan AAGIM manecekkan mulailah dari yang ketek dengan apo yang mampu
dilakukan oleh diri sendiri dan sekarang juo
Kalau apo yang Reza caritokan itu dapek dimulai dari NAGARI Reza sendiri Apo
yang Reza rasonyo mungkin mengambil peran Kalau diberbagai NAGARI ado Reza Reza
seperti itu insyaalah barangsua angsua kito akan membangkik batang trandam
Ambo memang sedih indak ado perubahan dan yang berani merobah Karupuak Sanjai
semaso ambo masih di Bukittinggi tahun 1944 ( 62 th yl )masih seperti itu juo
baik bentuknyo masakannyo kemasannyo dll Generasi Rezalah yang harus tampil
mengadakan perubahan perubahan
Tarimo kasih
Ch N Latief Dt Bandaro 78
"M. Syahreza" wrote:
Assalamu'alaikum wr.wb.
Kini, duo baleh tahun kamudian barulah ado urang gadang sandiri nan saroman
namuah mambanakan kaba ko ka tampek umum manganai soal kamiskinan nan
disawok-sawoki dek Urang Awak ko. Mudah-mudahan "Budaya Mangapik Daun Kunyik"
nan agak kareh dalam masyarakat awak dapek diarahkan manjadi "Budaya Marangkuah
Dado", budaya pandangan nan manyadari nasib kehidupan
masyarakat kito sandiri nan sabananyo; maengong kasuok jo kakida mambulancikkan
mato mancaliak realitas, baa sabananyo nasib masyarakat kito nan banyak.
Usahlah kito mancaliak kaateh sajo, ka langik lapeh panuah bintang gemerlapan,
mambanggakan Urang Awak mamproduksikan anak-anak rancak pamimpin-pamimpin
nasional nan santiang-santiang dsbnyo tu, sahinggo kito mungkin lupo kenyataan
sahainggo kaki sipatu bakilek tu tapijak cirik mayak, cirik ayam tagadayak.
Syukurlah lah ado urang gadang nan namuah tajago dan mambanakan Pokok Padang
Salamo ko kito salalu bangga dengan hasil kesuksesan tokoh nasional atau
pengusaha-pengusaha sukses asal Minangkabau. Apolagi kalau tokoh/pengusaha ko
sakampuang pulo jo kito..Pasti banyak nan manjua namo tokoh/pengusaha tu untuak
ota atau usahonyo, ado yang mangaku kamanakan lah...dunsanak lah, dll...Kalau
untuak hal elok syukurlah tapi kalau untuak hal-hal yang mambuek namonyo buruak
Wallahu Alam, Padohal tokoh/pengusaha tu sorang alun tantu kenal jo yang manjua
namonyo tu. Tapi kito jarang batanyo ka diri sorang baa mangko urang tu bisa
sukses...
Mungkin lai sapakaik kito, bahawasonyo kito tu harus banyak baraja dari
proses/pengorbanan yang bisa mambuek tokoh-tokoh/pengusaha-pengusaha ko
berhasil...kito hanyo tahu kalau tokoh-tokoh/pengusaha-pengusaha ko kalau
usahonyo alah eksis dan sukses...tapi kito jarang tahu baa pengorbanan mereka
(darah, karingek jo aia mato) untuak kesuksesannyo tu...Padohal pengorbanan
mereka tu manjadi sukses yang paralu kito pelajari dan diambiak sebagai pedoman
kito...
Salah satu yang mambuek ranah mangkin tapuruak..iyo dek kurangnyo informasi ka
ranah tu...tentang perubahan, tentang kemajuan teknologi, tentang pelayanan
konsumen, dll
Jadi hal-hal iko yang mambuek degradasi moral jo wawasan urang di ranah kurang
tamotivasi untuak barubah dan cendrung kaku jo dunia mereka sendiri. Jadi
budaya yang ditampilkan kebanyakan Susah Orang Senang dan Senang Orang Susah.
Buliah dicaliak tiok pulang rayo, di nagari balomba-lomba manggili parantau
untuak mangaluakan/manyumbangkan dana untuak nagari...tapi dana ko akhirnyo
ndak jaleh kama dibalanjokan dan kama habihnyo..dan indak ado laporan
pertanggungjawabannyo dari urang ranah.
Kalau nio kito marubah nasib urang di ranah, paelokilah dulu birokrasi
pemerintahan jo karakter negatif yang alah menjadi image negatif pendatang
tentang urang di ranah. Dan perantau maagiah informasi tentang perubahan,
tentang kemajuan teknologi, tentang pelayanan konsumen, dan buka jalur
distribusi dan pemasaran hasil produksi orang ranah...misal makanan
tradisional, hasil tenun, kerajinan RT, hasil industri kecil.
Misalkan se..karipik balado...alun banyak perantau yang nio buka jalur
distribusi karupuak balado ko di rantau tampek perantau mangakeh jo bakureh.
Dan indak lupo pulo diagiah pulo informasi ka urang ranah baa perbedaan dan
caro maagiah nilai raso ka suatu produk urang ranah. Misal untuak buah
baguak/emping/malinjo...di ranah urang hanyo tahu mambuek karupuak
malinjo/emping...samantaro di Jawa ado yang alah mabuek biji malinjo ko jadi
kipang. Atau di campua jo biji-biji nan lain manjadi keripik beraneka raso.
Kemudian pengolahan tampuruang jadi briket tempurung...iko potensi yang gadang
dan mudah caro maolahnyo di ranah tu...hanyo kito paralu agiah wawasan jo
informasi briket yang bantuak ma yang bisa ditarimo pasar ekspor...
Untuak barubah ko mamang paralu usaho kasado urang di rantau jo di ranah, ndak
cukuik niat se...Jadi jan dibiakan sajo urang diranah bacakak jo
dunsanak-dunsanaknyo dek pakaro harato pusako tinggi.."Pusako yang elok
ditinggakan ka generasi kito mandatang tu adolah ILMU dan kesiapan untuak
beradaptasi jo perubahan zaman kato rang gaek ambo. Dek beliau ndak bisa
maninggakan pusako untuak anak-anaknyo".
wassalam
Reza
---------------------------------
Want to be your own boss? Learn how on Yahoo! Small Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
