Assalmu'alaykum w.w. Kok iyo si tapuang kanji Tantu lai kajadi parakek Kok dicubo nak mangaji Batamu juo dibaliak nan tasurek Tatukiak jajak mandaki Kok manurun tasidorong Usah lah dicubo nak mauji Hadok kapado urang baru jolong Baa dek sabab nan baitu Caliak pidoman ka nan sudah Dek ano sagalo tahu Pantang di ano nan ka kalah Sabalun niaikno nak no sampai Suruk salangkah jadi pantangan Lah jaleh indak bisa dibilai Nan barang tatap basorongan Di politik ano tahu Di adat ano cadiak pulo Pokokno sagalo tahu Baitu pulo pakaro agamo Kok tibo sudi siasek Atau pun tagua jo sapo Jo dalia (dalil) ano maambek Nan bana di ano sajo Hampia sarupo jo sagalo bijak Indak ka dapek kito manukuak Sikola jo pangkaik nan ano panggak Urang lain ibaraik antimun bungkuak Martapura lapeh tabiang tinggi Kini oto lah di batu rajo Tando lah tibo wakatu mugarik Daulu asa nan urang cari Kini sikola nan urang tanyo Baitu pituah nan ano pacik iko nan ka ano ago kok itu nan ka ano bali dek maraso punyo sadono sagalono bisa dibali Tapi samantang pun baitu Indak gapuak mambuak lamak Ado juo nan ka ditiru Diambiak sado nan rancak Wassalamu'alaykum w.w. Bandaro Labiah *baciloteh surang
Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
