Ambo cubo pulo maningkahnyo seketek lai, manjalang tukang tibo : 1. Pengaruh poligami terhadap tempat penguburan sipelaku.
Aaaa...iko iyo sangat mungkin. Karano setiap anak dari masing-masing istri akan merasa berhak untuk menguburkan Bapaknya ditempat mereka. Apolai si kamanakan, yang akan merasa yang paling berhak dan sekalian mereka menyatakan berada pada posisi penengah. Tapi itu dek gengsi tadi. Kalau keluarga tsb cukup istiqomah, biasonyo lai " Abih cupak jo ba karilahan" kecek rang tuo saisuak. Jadi tagantuang kasapakatan basamo indak ado pemaksaan yang sampai menimbulkan pertentangan karano gengsi itu. Untuak kito samo-samo perhatikan. Poligami jaman dulu, indak sa heboh kini do. Walau ado ciek-ciek urang nan ba pambayan itu saling bagarumeh dan elo ma-elo abuak. Umumnyo mereka menerima kondisi itu. Apolagi kalau pelaku adolah Urang Alim/Buya/Syech sarato para Datuak/Pangulu Andiko. Untuak urang alim ko keceknyo yang mereka butuhkan adolah bibit atau keturunan sajo sehingga para Buya indak paralu sibuk untuak ma-mikiakan balanjo anak-bininyo. Bahkan nan agak lain untuak para Buya ko. Bukan inyo nan datang manggiliri istrinyo. Tapi istrinyo nan bagiliran datang ka suraunyo. Mirip jo Pakubowono Rajo dari Solo nampaknyo. Rasaki para baliau ko kadang sabana elok. Karano waiting lah cukuik panjang dan supayo stock istri tatap ampek, tapaso stock lamo dilapeh supayo barang baru bisa diproses he......he..... Nan agak sadiah kalau para anak sempat bacakak (kalau samo laki-laki) atau berkasih2an ( kalau berlainan jenis), dek karano inyo indak tau bahaso inyo ba dunsanak Lagi pulo keadaan maso itu sabana manunjang, para Bapak tidak begitu dituntut tanggung jawabnyo dalam soal materi. Persaingan hidup indak bagitu barek. Kaparaluan indak talalu banyak. Urang bali baju dan makan randang umumnyo hari rayo sajo. Baju indak paralu sa lamari, cukuik duo tigo halai sarato kain saruang sajo Para suami iko sabana sanang,karano mereka cuma "Rang Sumando" yang hanyo manumpang lalok sajo dirumah bininyo. Datang malam- pagi lah cigin katampek dunsanaknyo. Nan batangguang jawab panuah adolah Mamak terhadap kamanakannyo. 2. Kalau soal harato pusako. Rasonyo indak akan bapangaruah untuak barabuik tampat penguburan ko. Antaro anak jo kamanakan. Mungkin indak baitu bapangaruah, sabab urang-kampuang umumnyo memahami ma nan pusako tinggi dan pusako randah. Jadi kalau raso malunyo masih tinggi inyo indak barani macam2. Kalau antaro anak dari istri yang berlainan, bisa timbua silang -sangketo seandainyo kalau semasa hidupnya almarhum alun ado pambagian nan jaleh untuak harato gono-gini. -----Original Message----- From: [EMAIL PROTECTED] [mailto:[EMAIL PROTECTED] On Behalf Of hanifah daman Sent: Thursday, July 06, 2006 2:30 PM To: [email protected] Subject: Re: [EMAIL PROTECTED] Pandam Pakuburan (mohon penjelasan) Hanifah kambangkan saketekli partanyaan dih: 1. Apo mungkin ado pangaruah urang awak dulu nan suko ba Poligami? 2. Atau ado pangaruah Harato Pusako? -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
