Iyo Ipah, (Rangkayo Hanifah), rancak bana tu tanyo Ipah dari macam rgam
istilah-istilah namo pena (pen name) MakNgah nan agak misterius tu.
Di Lapau awak ko memang ado MakNgah, ado Nyiak Sunguik, ado Nyit Sungut.
1. "MakNgah" agak biaso sajo perannyo, umua indak tatakok, namun
postiangnyo banyak juo barisi kato malereng nan tasirek.
2. "Nyiak Sunguik" agak labiah tanang, umua tabayang gaek, mungkin agak
bijaksano saketek dari MakNgah, labiah banyak kato-kato tasalek dalam
postiangnyo nan paralu dibaco diantaro barih.
3. "Nyit Sungut" ko, perannyo agak NyetNyet (Caro Rusia) kiro-kiro saroman
"menyet-menyet" keceknyo, kadang-kadang tembak langsuang, indak banyak mek
malereng doh. Kadang-kadang diangko urang agak batere-tere (saroman panah
Ipah komentari "agak mancimeeh" :), namun peran menyet-menyetnyo tu agak
elok juo barangkali, indak sintiang indak mantiko amek doh. :)
Jadi dalam Postiang MakNgah ado kieknyo, tagantuang namo samaran nan maa
nan manando tangani di bawah postiang tu, MakNgah, Nyiak Sunguik, atau Nyit
Sungut, perannyo agak babeda-beda.
Samaran Nyiak Sunguik tu kaluanyo wakatu email ambo [EMAIL PROTECTED]
CATS sabananyo Computer and Telecomunication Services University of
California Sana Cruz. Jadi pakai nama Kumis sadang Cats aratiny oKucing,
mukasuiknyo manjadi Kumis Kucing, Caro Awaknyo Sunguik Kuciang, diubah
sajo jadi samaran Nyiak Sunguik atau Inyiak Sunguik. Lamo Urang di Lapau
mangiro Inyiak Sunguik ko sabana barantiang sunguiknyo. Sasudah Rang Lapau
batuka-tuka foto katahauan foto Nyiak Sunguik indak tampak sunguiknyo. Katu
ditanyokan urang,Nyiak Sunguik manjawab, yo, kalau mantun, Nyiak Sunguik
nan indak basunguik tu malah ...
Sabalun tu di banyak postiang MakNgah batando -- "Hambo" di bawahnyo. Jadi
banyak urang maimbaukan Uda Hambo. Istilah "hambo" ko memang ado rasionyo
pulo. Di bagian Selatan Agam Tuo (rasonyo tamasuak Banuampu Sungai Pua jo
Ampek Koto) rasonyo panggilan "Ambo" ko samo pamakaiannyuo jo "Tuan" di di
Agam Tuo Utara (Kurai Tigogaleh, Ampek Angkek jo Tilatang Kamang). Memang
dalam Caro Awak, MakNgah mamakai Ambo untuk marefer ka diri, indak
bersaya-saya atau baaden-aden doh, tapi baambo-ambo. Tapi istilah "hambo"
tu MakNgah ambiak mulonyo dari namo samacam Tarian Rakyat (Folk Dance) dari
Scandinavia nan MakNgah sanangi. MakNgah suko gammal dans (folkdance dari
Skandinavia). Wakatu di Scandinavia dulu baraja manari dan acok manari,
sahinggo diimbaukan urang pulo Tropical Viking. "Hambo" (Minang), "Hamba"
(Melayu) arek hubuangannyo djo "Humble" (Inggirih) dan kasukoan tarian
Hambo dari Scandinavia, sadonyo agak malakok dalam pancaran pambawoan
kahidupan MakNgah nan sederhana.
Sakitulah dahulu, panjang mek caritonyo beko.
Salam,
--MakNgah
Re: [EMAIL PROTECTED] Wayang Padang di Taman Ismail Marzuki - Bumi Teater; Lah
Dalang
Thu Jul 13, 2006 7:14 am
hanifah daman <[EMAIL PROTECTED]>
[EMAIL PROTECTED]
Ass Wr Wb Mak Ngah
Sato manyolo ciek dih.
Kalau di kampuang hanifah
DALANG = PANDIA
Tantulah rang padang bausao mailak manggunokan kato2 iko.
Oh ya
Nyit = ??
Nyiak = kakek / opa
Sungut = wajah tidak suka / kecewa
Sunguik = kumis
Nyiak sunguik = kakek kumis
Nyit Sungut = apo mak ngah ???
Wass
Hanifah
Sjamsir Sjarif <[EMAIL PROTECTED]> wrote:
Salam,
--Nyit Sungut
.
No virus found in this outgoing message.
Checked by AVG Anti-Virus.
Version: 7.1.394 / Virus Database: 268.9.10/386 - Release Date: 7/12/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
