Wa'alaikum salam wr wb
Dave, komen tantang 'kiktenggi.
Mumpung ari Akaik, sadang langang.
* Kapasa ateh kalau dari "Utara-Timur" (Biaro) iyo agak babega,
karano kampuang cino - pasa taranak lamo, satu jalur / searah.
Kalau liwat diateh WOWO, io harus yakin kopling oto
elok, kok tangguang2 bisa suruk dek karano curam dan
belok patah.
* Nasi kapau.
Ambo biasono kalau makan nasi kapau, io caro nan usali ;
Baturuk bana, basalingkik dipasa lereng. Dibakeh
pasa dagiang, disitu kini pondok2 nasi kapau.
Makan caro dulu, salingka panci2 lauk-pauk.
Amai2 ( ado juo gadih2) duduak ditangah, maambiak'kan
samba jo sanduak panjang.
Sambia makan kok ado nan kurang, tunjuak maa nan katuju,
lansuang disanduak'an . Ado juo 2 lapak " ni Lis".
Batua, untuk manuju Nasi Kapau di pasa lerengko,
harus "berjuang" di jln pasa lereng nan sabana sampik
dek penggalas, dan bagadincik jo urang lalu.
Apolagi kalau hujan, becek. HATI2 dompet jo tas.
Ambo ado kodak hidangan nasi kapau usali ko
* Hari pakan Rabaa - Sabtu, rasono indak ado li.
Lah data sen hari. Hari2 nan rami adolah hari libur.
Pulang kapatangko, 21-26 Mei 2006, io "tagamang" wak
bajalan di pasa pakain muslim di tingkek duo pasa ateh,
sabana langang, ciek baduo sajo urang nan lalu.
* Toko supenir
Pusat supenir ( gadang tokono), nampakno grossier
utk pkl pulo, ado di "Pasar Wisata" dakek janjang 40.
Disiko arago io pas, indak di mark-up dulu.
Disampiang toko supenir ko ado toko kaset, cd
juo producer cd.
* Mambali oleh2 makanan pas antaro jjng 40 dan pasa batingkek.
HATI2 bana, pareso bana. Rasono rancak / labiah fresh
di Jambu Ayie - Bangkaweh arah Padang Lua
* WC
Dijanjang Gudang masih ado WC "antik" paninggalan Ulando.
Sampai awal 80an (kalau ndak salah) WC ko masih mamakai
pusuang, kini lah mamakai lampu listrik
Kok dikana2, thn 40an dulu Ulando pun lah mamikiagan
paturasan umum ko.
* BIM. Ojek.
Bagi nan "back-pack" turis.
Dari terminal ke tapi jalan raya ojek Rp 10.000,-
Sebaliknyo dari jln raya ke terminal Rp 5.000,-
Di tapi jln raya ko bisa ditunggu / lah manunggu bus
ke "Minangkabau Darek" ( bkt, solok, pyk, lbk basung)
Wass
'mak Ban
~~~~~~~~~~~~
> -----Original Message-----
> From: Muhammad Dafiq Saib
> Subject: [EMAIL PROTECTED] Pulang Kampuang
>
> Itulah saketek laporan pulang kampuang ambo salamo ampek malam pakan
nan
> lapeh.
>
> Wassalamu'alaikum,
>
> Lembang Alam
>
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
