Assalamualaikum w.w. Ananda Dt Marah Bangso, ado nan takano di ambo ciek. Barangkali kalau sagalo posting nan manganai satu subyek bisa kito kumpuakan, dan kiro himpun dalam CD-ROM, akan manjadi bahan kajian nan rancak bana. Misalnyo tantang ABS SBK, tantang pabandiangan urang Batak jo urang awak, tantang adaik bajapuik di Piaman, atau tantang sudagar Minang. Rasonyo alah banyak nan boneh-boneh. Himpunan komentar Ananda bisa kito masuakkan ka satiok topik tu. Baa pandapek Ananda? Wassalam, Soetan Madjolelo (69th)
[EMAIL PROTECTED] wrote: Pak Saaf, ambo copy pastekan komentar ambo untuak hal nan samo tapi balain judul di RGM GM, apo bana kurangnyo kito dari suku Batak tu .... Assalamu alaikum,wr,wb. Dunsanak Sutan Mudo, partamo kito buek RGM GM ko nan mangana-an mambuek catatan kaki seperti nan di bawah ko adolah Mak Darul. =========================================================================== > Sanak nan samo mancinto ranah Minangkabau, nan samo marindukan Minangkabau > bangkik manjadi jaya baliak. Marilah awak susun tanago basamo, awak > sinergikan daya dan kemampuan nan awak miliki. Ado ciek nan paralu awak > kana: urang awak nan bisa, iyo samo bakarajo, tapi indak bisa bakarajo > samo. Bisa ndak awak ubah fenomena ko? Awak pasti bisa. Mari sinsiangkan > langan baju. > > Rang Dapua Milis Grup GM =========================================================================== Nyatonyo kini ........, apo nan disinyalir dek Mak Darul ko hampia terbukti, kalaupun indak 100 %. Makonyo dulu pernah ambo mananyo-an, apo alah pernah dilakukan riset psichologi masalah iko di urang awak ..... ??? Apo nan salah dari peri laku hiduik kito dalam keseharian, apo tingkek percayo diri kito nan terlalu over atau raso indak picayo kaurang lain nan mambuek susah bakarajo samo .... ??? Atau ...... hal nak takuruang dilua dan taimpik diateh itu nan mambuek kito selalu saroman itu ...... ??? Wallahualam bissawab ... Marilah kito merenung ............ Wassalam, HM Dt.MB (baru maumua 9 tahun labiah bilo dietong dari 40, patokan hiduik nan subananyo) > Dunsanak Taufiq Rasyid dan Hanifah Daman yth. > > Ambo juo tagalitik mancaliak jauahnyo beda kinerja suku batak jo urang > awak di pentas daerah dan di tingkek nasional. Masalah ko muncua patamao > kali sawakatu ambo maluncuakan buku ambo di Padang bulan Oktober 2004. > > Ambo satuju jo pandapek dunsanak Taufiq, bahaso motivasi untuak maju > dari urang Batak sangaik kurang, didukuang jo 'network'-nya nan samo > kuaiknyo. Manuruik panglihatan ambo, network uang Batak ko batumpu ka > adat 'dalihan na tolu' dan untuak urang Batak Kristen, dipakuaik pulo > dek organisasi gereka HKBP. > > Itu nan ambo risaukan sawakatu ambo mambandiangkan tatanan sosial urang > Batak jo urang awak. Kito indak punyo tatanan nan bisa manggadiangkani > 'dalihan nan tolu' , sabab masyarakat kito nampaknyo indak dirancang > untuak basatu saroman urang Batak, tapi untuak hiduik surang-surang atau > sakalompok-sakalompok. Mungkin itu sababnyo mako pak Darul mangatokan > bahaso kito bisa samo-samo bakarajo, tapi indak bisa bakarajo samo. > > Ambo sabana ta-obsesi untuk mancari caro baa mampasatukan potensi urang > awak nan bajumlah k.l. 5.4 juta ko, di Ranah dan di Rantau. Manuruik > ambo, parsatuan urang awak ko harus dibangun sajak nan paling adasr, > yaitu jo manjabarkan dan manindaklanjuti ABS SBK sabagai jati diri > Minangkabau. Itu kok iyo kito baiyo bana. Namun ambo sabana > taheran-heran, sawakatu Ananda Rahima dari Cairo manucubo untuak > manindaklanjutinyo dari pandangan Islam, baliau bagai 'dikaroyok' > rami-rami, sahinggo kini alah patah sumangaik, indak amuah manaruihkan > usaho tu lai. Syukurnyo ambo dapek kaba bahaso ado Dunsanak kita lain di > Bukik Tinggi nan basadio manaruihkna bangkalai ko. Alhamdulillah. > > Kalau lai dapek dana panalitian nanti, ambo ingin maajak babarapo kawan > ambo untuak maadokan panalitian antropologi untuak mambandiangkan suku > Batak, Minangkabau, jo Melayu Riau, khususnyo dari kinerjanyo dalam > hiduik babangsa jo banagara. > > Sakianlah dahulu kaba dari ambo. > > Saafroedin Bahar (69th) -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Yahoo! Messenger with Voice. Make PC-to-Phone Calls to the US (and 30+ countries) for 2ยข/min or less. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
