--- In [EMAIL PROTECTED], [EMAIL PROTECTED] wrote: > > Waalaikumsalam,wr,wb. > > Uda Zul Amry di Jimbaran Bali, apo alah pulang baliak ka Jimbaran ?? ? > Maa carito Uda pai ka nagari kami Sulik Ayie nan Uda caritokan di SMS ?, > apo ado nan bisa di info kan di milis ko untuak menarik minat turis > domestik atau turis mancanegara singgah ka nagari kami, apo ado foto2 nan > bisa di titip ka West-Sumatra.com sebagai hasil picture hunting nan Uda > lakukan pado saat libur atau pulang ka kampuang baru2 ko. > > Wassalam, > HM Dt.MB (49+) > Rang Sulik Ayie di Bumi Sriwijaya. Sanak M Datuak Marah Bangso yang ambo hormati :
Assaalamualikum wr.wb : Sulik Aie memang salah tujuan napak tilas ambo dalam rangka pulang kampuang kapatangko . Dengan bermodal referensi Datuak Marah Bangso malalui HP iyo lah pai pulo ambo kasitu . Untuk mancapai Nagari Sulik aie ambo naik ojek sewaan dari Solok , mukasuiknyo bia nak pasai bajaln jalan dan laweh pamandangan , maklum lah ojek indak baatok . Untuak mancapai nagari Sulik Aiea ambo maambiak jalan babelok start dari Saok Laweh , taruaih ka Lainang , Ampang Kualo , Aripan yang terkenal objek wisata Angin Berembus , Taaman Soeharto , Aripan dan maambiak jalan pintas lewat Nagari Pasilihan dan Tanjuang Alai taruiah ka Sulik Aiea . Ado objek dan panorima nan sangek rancak yang alun tergarap yaitu di Nagari Pasilihan kito bisa maliek danau Singkarak dari katinggian , sulik lah ambo mambayangkan kaindahannyo , mungkin samo pulo dengan pamandangan danau Maninjau dari Ambun Pagi . Sasampai di Sulik Aiea nan partamo ambo cari adolah kantua wali negari sasuai jo anjuran Datuak Marah Bangso , mako bacarito lah ambo disinan bahaso ambo adolah konco arek dek datuak Marah Bangso nan bakarajo di Pusri Palembang ( maaf ambo agak baduto snek karano nan sabananyo ambo alun pernah basobok sakali juo jo Datuak awaktu ) . Dek f Pak wali nagari ( kabatulan pak wali lagi ka Padang ) ambo diantakan ka Rumah mamak kanduang Datuak bana dan bacarito lah kami sarupo urang nan lah akrab bana . Sudah tu baliak ambo ka kantua walinagari dek lah tibo wakatu makan siang mako ambo cari rumah makan dan kabatulan dimuko kantua walinagari lai ado rumah makan / warung ketek dengan menu goreang ayam balado jo gulai bungo sampelo atau kalikih ( ditampek ambo disabuik pituka ) . Sudah makan taruih malanjuikkan perjalanan malalui Jambatan Baatok ( mungkin salah satu ciri khas nagari Sulik Aie jambatan sajo diagiah atok ) , lewat Rumah Gadang duo puluah satu ruang . tujuan akhir adolah gunuang Merah Putiah . Sabalun nyo sumbayang Zhuhua sabanta di Musajik Raya Nagari Sulik Aie . Untuak mancapai puncak Gunuang Merah Putiah mesti melewati janjang yang disabuik Janjang Saribu karano jumlah anak tangga setelah ambo etong memang saribu buah yang diresmikan pemakaiannyo oleh Mantan Gubernur Hasan Basri Durin Tahun 1994 dan marupokan sumbangan masyarakat Sulik Aie yang tagabuang dalam organisasi SAS ( Sulik Aie Sepakat ). Untuk mancapai puncak bukit Merah Putiah memang diperlukan tenaga ekstra dan kondisi badan yang prima , dan alhamdulillah ambo lai berhasil mencapai puncak bukiktu dibawah terik matahari yang panas . Dari puncak kita bisa saksikan panorama alam yang sangat luar biasa indahnya . Sayang sekali keindahan alam yang ambo abadikan dengan tustel yang memakai film tidak ada yang jadi akibat kesalahan teknis dan insyaallah dilain wakatu ambo ingin babaliak lagi kamari . Pulang dari Sulik Aie ambo pulang malalui jalan nan lain via Tanjuang Balik ( Tapi dalam papan nama dipinggir jalan tertulis Tajuang Balit ) , Tanjuang Alai , Paninjauan , Aripan terus ke Solok . Wassalam : zul amry piliang di Jimbaran Bali -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
