Angku Asrul Agin Sutan Batuah, Karano ambo mambaleh postiang jo caro copy and paste, mangko ado nan salah latak dalam postiang sabalunno. Baitu juo tapabiakan sajo namo angku tanpa panggilan di muko no. Kini sudah ambo baco, jo maoh ambo peloki lakeh pulo ambo pintehi. Kok ka mangutip, tolong kutip posting nan iko, bukan nan sabalunno. Tarimo kasih.
Salam, --MakNgah ================== Re: [EMAIL PROTECTED] Sikola Tinggi (Talinyia), jongkeh Fri Jul 28, 2006 1:54 am Asrul Agin Sutan Batuah <[EMAIL PROTECTED]> Angku Asrul Agin Sutan Batuah. Katu ambo pulang partamu kali tahun 1985 sasudah 20 tahun mahilang dari Kampuang, banyak urang dan anak-anak nan kalinjang-kalinjangi mandanga kecek ambo. Banyak nan mangecekan indak picayuo no marantau sajauah tu. Indak barubah kecek do doh, kecek Rang Kampuang taheran-heran. Bahkan adiak ambo tasambua galakno katu ambo mananyoan dima jongkeh? Alaa Uda, kecekno, kalua bana panaruahan lamo mah yo, indak tantu di anak-anak aa aratino "jongkeh" tu kini. Indak ado "abuak" urang nan "bajongkeh" jo basega kini lai doh, kini "rambuik" urang lah "basikek", kecekno. Tabasuik lo galak ambo, dahulu abuak disega jo jongkeh, gigi bagunda. Dahulu sawah nan "basikek" sabalun balindih, sudah tu dicucuakan baniah dek urang padusi batanam, manyonggeng, mairik-irik pariuak bainsuik-insuik ka bulakang di sawah... Kini, rambuik jo gigi nan basikek ... Salam, --MakNgah >Kamanakan Razi, >.... >Sambia manyalami ambo, cucu mangicek: Nyiak, Farid pai sikola dulu yo nyiak. >Assalamu'alaikum. >Ambo jawab: Wa'alaikum salam, hati-hati di jalan yo, biko talinyia. >Eeh.. ano indak pai lansuang sikola, tapi babaliak ka rumah dan batanyo ka ibu >no: Bu.. bu.. a tuh artino TALINYIA. >Dijawek dek ibu no: Talinyia tu artino Tagiliang. >Bayangkan Razi, urang dikampuang banyak nan lah ilang bahaso no. > >Kalau ambo pulang kampuang (mungkin dunsanak lain mantun pulo), kalau awak >mangicek pasti urang kampuang banyak nan tagalak, karano bahaso nan awak pakai >tu iyo bahaso nan awak tinggakan dulu, banyak urang kini nan indak tau lai >arati >no. Kalau awak mangicek kawan-kawan lamo iyo bana lapeh taragak no, mereka >banostalgia ka jaman sangkek ketek saisuak. >Jangan-jangan urang kampuang harus pai ka rantau untuak mampalajari bahaso >Minang ko. he.. he.. he.. > >Wass, >[EMAIL PROTECTED] -- No virus found in this outgoing message. Checked by AVG Anti-Virus. Version: 7.1.394 / Virus Database: 268.10.4/402 - Release Date: 7/27/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
