Assalamu'alaikum wa rahmatullahi wa barakaatuhu,
Angku Syahril, Manuruik riwayat, katiko sasudah takluk Makkah (Futuh Makkah), Rasulullah SAW basabda ka panduduak Makkah, sabda baliau, 'Wahai panduduak Makkah, sempurnakanlah shalat kalian, karena kami sedang musafir.' Katiko itu, kalau panduduak Makkah shalat bajamaah dibalakang baliau, mako ka panduduak Makkah disuruah manyamparonoan shalat mareka samantaro baliau jo anggota rombongan baliau nan datang dari Madinah, manyingkek-an (mangqasar)shalat baliau. Aratino indak bagai paralu saragam niaik antaro imam jo makmum do. Memang manjadi sulik bagi urang nan biaso baikrar sabalum takbiratul ihram jo nan mareka sabuik baniaik, jo mambaco 'Ushshalli fardhu......' dst. Iko tamasuak kaji nan batambah-tambah manuruik kayakinan samantaro ulama. Dan memang pulo iyo sulik jadino, manokalo katiko sabalunno awak alah baikrar 'ka sumbayang 'Asar, 4 rakaaik, jadi makmum, lillahi ta'ala dst' sarupo nan dibaco dek urang nan biaso ba ushali tu, lalu tibo-tibo awak dijadian urang imam. Niaik shalat adolah nan di dalam hati, indak paralu di kumandangkan pulo jo ikrar tadi tu, saharusno. Kalau ibadah shalat awak indak dibatehi jo niaik atau ikrar nan manjadian sampik taditu, harusno indak jadi masalah kalau ado urang 'masbuk' maikuik ka awak, atau ba makmum ka awak. Baitu pulo sataruihno, katiko awak alah salasai, ano masih manyambuang shalatno, ado lo urang masbuk pulo ka no indak ado juo alasan mangecek-an salah. Sabab, masbuk, atau datang kudian manjadi makmum itu sah dalam shalat, samantaro kakuranganno disamparonoan sasudah imam awak salasai jo maucapkan salam. Parnyataan kawan angku Syahril nan dari Libanon tu mangecek-an indak tau shalat apo nan sadang dishalatkan urang tantu balabiah-labiahan pulo. Dan niaik tu adolah untuak awak masiang-masiang. Jadi niaik awak indak ka mampangaruahi bagai niaik urang lain do. Contoh ekstrim no, ado urang sadang shalat sunah, tibo urang masbuk kano. Indak musti bagaino malarang urang tu do, sabab shalat sunah no adolah untuakno, shalat wajib urang nan bamakmum ka no tu adolah untuak urang itu pulo. Ado hadits Rasulullah sarupoko. Dari Yazid bin al aswad, bahwasanya ia pernah shalat Shubuh bersama Rasulullah SAW. Sesudah Rasulullah selesai shalat, ada dua orang yang tidak shalat, maka beliau suruh panggil mereka, lalu dibawa mereka dalam keadaan gemetar daging rusuk mereka. Sabda beliau kepada mereka; 'Apa yang menghalangi kamu berdua turut shalat bersama kami?' Jawab mereka; 'Kami telah shalat di tempat kami.' Sabda beliau; 'Jangan kamu berbuat demikian. Apabila kamu telah shalat di tempatmu, kemudian kamu bertemu imam yang belum shalat, maka hendaklah kamu shalat bersamanya, karena yang demikian itu jadi shalat sunnah untuk kamu.' Itulah sabagai tambahan pamikiran sajo. Wassalaamu'alaikum, Lembang Alam --- [EMAIL PROTECTED] wrote: > Assalamualaikum Wr. Wb., > > > > Barusan ambo sumbahyang ashar jam 16.00, waktu > sholat mungkin jam 15.30, > jadi kebiasaan di Jakarta mungkin yo, yang tadinyo > makmum (mungkin > bagabuang pado rakaat ka 2) ambo jadikan imam dengan > manapuak pundaknyo > (imam partamo alah salasai), bantuaknyo maagiah aba2 > ka imam bahaso ado > makmum dibalakang. St. Lembang Alam St. Lembang Alam __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
