Waalaikumsalam w.w. Ananda Hanifah, Tantang strategi karir ambo ? Nan jaleh memang indak ado jejaring Minang, karano pado dasarnyo urang awak kan bakarajo nafsi-nafsi. Jejaring kaum, suku, jo nagari jaleh tabateh bana ruang geraknyo. Jejaring Jawa jo Batak kan indak mungkin pulo dipakai karano kito indak urang Jawa dan indak pulo urang Batak. Jadi baa? Nan ambo praktekkan adolah mambina dan mangambangkan kemampuan profesional ambo sacaro optimal, dan manjago reputasi sarato integritas pribadi ambo jan sampai baceno. Sagalo janji, gadang ketek, ambo upayokan untuak mamanuhinyo sacaro cermat dan taliti. Kalau ambo katokan iyo, aratinyo iyo, kalau ambo katokan indak aratinyo indak. Ambo indak -- atau alun -- pandai 'baminyak aia'. Papatah Minang nan paling marisaukan ambo adolah: "angguak anggak, geleng amuah, dalam duo tangah tigo, unjuak nan indak babarikan". Ambo mandanga papatah ko sawakatu ambo jadi Sekretaris Umum LKAAM di Padang tahun 1966-1972 dahulu. Tagak bulu kuduak ambo mandanga 'pantun ciluah' ko, dan kambaiaklah jan ado katurunan ambo nan basipaik saroman nantun. Rasonyo itu nan -- sabagian -- manyababkan ambo diagiah amanah manjabat babagai tugas, tamasuak sabagai staf ahli jo jadi asisten menteri di Sekretariat Negara salamo 10 tahun, dan jadi komisaris utamo babarapo BUMN salamo kurang labiah 10 tahun pulo. Alhamdulillah ambo alun panah malamar atau malakukan manuver-manuver untuak mandapek jabatan. Ambo diminta dek kawan ambo nan kudian manjadi Menteri Sekretaris Negara Moerdiono sajak tahun 1972 untuak mambantu baliau, tapi ambo baru masuak tahun 1989, karano ambo indak amuah maninggakan kasatuan sawakatu ambo sadang diparalukan. Baitu juo sawakatu ambo batugeh dii Komnas HAM sajak tahun 1995. Sawakatu Komnas HAM dibantuak baru dan anggota lamo nan basadio dipasilahkan ikuik dek DPR RI tapi pakai syarat 'fit and proper test', ambo basadio dan ambo panuhi syarat tu sacaro tabukak di muko Komisi II DPR RI tahun 2002. Dalam batin ambo basikap kalau luluih alhamdulillah, indak luluih juo alhamdulillah, tapi sadonyo ambo pasiapkan habis-habisan. Ambo paliang indak suko baspekulasi, sajak sikola dulu. Dalam bakarajo samo jo urang awak -- nan manuruik pangalaman ambo banyak bana nan mampraktekkan 'pantun ciluah' di ateh -- ambo pakaikan sajo caro bapikia tentara, yaitu ambo siapkan samacam 'rencana kontinjensi' nan akan ambo pakai kalau rencana nan alah disapakati tu indak dilaksanakan dek dunsanak kito nan lain . Jadi ambo salalu punyo duo rencana: Rencana A nan disapakati rami-rami dan Rencana B sabagai 'rencana kontinjensi' kalau Rencana A tu indak bajalan. Pangalaman ambo manunjuakkan bahaso sabagian gadang nan bajalan adolah Rencana B, karano Rencana A hampia salalu indak ditapati dek dunsanak kito. Ado-ado sajo alasannyo. Mungkin itu pulo nan manjadi panjalasan dari gajala nan diliek dek pak Darul, bahaso urang awak bisa samo-samo bakarajo, tapi indak bisa bakarajo samo. Mungkin dek takuik takicuah. Ambo memang maraso nyaman bakarajo samo jo dunsanak kito urang Jawa, urang Batak, atau urang dari daerah lainnyo, nan nampak di ambo indak banyak bana nan jadi pangikuik 'pantun ciluah' ko. Tantu sajo ado mareka nan di bawah standar, tapi prosentasenyo indak sabanyak di urang awak. Karano itulah ambo manyimpulkan ado 'something wrong' jo disain masyarakat kito, nan manuruik panglihatan ambo adolah pado indak jalehnyo paradigma ABS SBK, baiak pado tataran norma maupun pado tataran limbago jo praksisnyo. ABS SBK mustinyo hebat karano marupokan kombinasi antaro sistem nilai partikular jo sistem nilai universal. Itu makonyo ambo dorong taruih wacana ABS SBK ko nan sempat taganang sasudah Ananda Rahima patah sumangaik di-'karoyok' dek para dunsanak kito nan lain. Untuang sajo ado Pak Darul urang Kiktenggi nan mangibarkan baliak bandera wacana ABS SBK ko. Kalau indak, tantu alah masuak kotak pulo. Wassalam, Saafroedin Bahar
hanifah daman <[EMAIL PROTECTED]> wrote: Ass Wr Wb Bapaf Saaf, mamak Asrul, mamak Lembang Alam dan dunsanak kasadono yth Bapak Saaf Usia bapak jo hanifah tapauk 25 tahun . Kito sabintang pak, samo-samo LEO he he he. Hanifah suko pulo mambaco tulisan Leila Budiman. Kadang-kadang wakatu mambaco pandaritaan urang, baru awak bisa marasokan kalau awak mungkin labiah baruntuang dari urang lain. Tarnyato disamping bapak hebat dilua rumah jo sagalo atribut nan indak bara urang nan manyandangno doh dan jo kasibukan nan bajibun, bapak di rumah adolah bapak / suami yang bijak dan panyayang. Ka kami rakyaik badarai sen, bapak indak lo sombong doh. Bapak jawek saluruh tanyo hanifah mulai dari nan umum sampai nan agak pribadi, padahal bapak indak kenal jo hanifah doh. Ck ck ck ndak nampak kakurangan bapak doh. Mudah-mudahan nasehat nan bapak agiahkan, manjadi palajaran bagi kami nan mudo, dan manjadi amalan bagi bapak handakno. Amin Nasehat bapak tantang marancang karir gon nan sangaik paralu ditiru di nan mudo-mudo. Kalau lai bacito cito supayo sahebat bapak, otomatis awak mesti maniru sikap bapak. Umumno mantun sikap nan dipakai oleh urang nan berhasil nan pernah hanifah tanyo atau caliak, Profesionioal, jadi diri sendiri, dan bahagia malakukan pekerjaan . Dalam badines, pagangan pokok ambo adolah 'all out', habis-habisan.Artinyo ambo indak saparo-saparo. Ambo mampasiapkan jasmani, rohani,pikiran, parasaan, jo harato bando nan ado untuk malaksanakan tugeh jo tangguang jawab sapanuah-panuahnyo dan sabaiak-baiaknyo. Dima ado kasampatan, ambo tambah pandidikan ambo, baiak pandidikan formal maupun pandidikan non formal dan informal. Tapi intinyo ambo raso indak salah, yaitu haruih basikap profesional, dan manjago kualitas dari sagalo nan kito karajokan. Allah swt alah maagiah kito badan sehat, dan anggota badan nan langkok, sarato utak nan hebat untuak marancang iduik kito. Sadonyo anugerah Ilahi ko paralu disyukuri. Baa caronyo? Dipakai dan dimanfaatkan sacaro optimal. Indak buliah caliah, indak buliah bamaleh-maleh. Harus basyukur dan pandai-pandai mancaliak hikmah di baliak sagalo pangalaman.Positive thinking. Kalamahan urang awak nan nampak dihanifah adolah Indak Bisa Karajo Kareh Tanpa Pamrih. Umumno sabalun bakarajo di ituang dulu untuang rugi. Kalau indak kabalabo doh, maleh tibo. Kalau rang Jawa, karajo lu, tunjuakkan loyalitas lu untuak itu mereka pun tahan bagadang sampai tangah malam dan indak paduli hari libur. Kalamahan jawa, kalau mangicuah indak surang-surang doh, tapi lewat jejaring pulo, iyo kan pak? CV ambo? Jan He he he sabagianno lai disimpan mak gogel, antarono: mantan staf ahli mensesneg, mantan komisaris PT Semen Indaruang. Takana lo ciekli nan paliang paralu lo di kami nan mudo, yaitu STRATEGI. Hanifah alah sabuik kalau rang batak dan rang jawa punyo jejaring nan bagus. Rang Jawa indak namuah babagi doh, rang batak namuah babagi kalau ano maliek untuang nan gadang dibaliak itu. Nah urang Minang kan indak punyo jejaring doh. Baa strategi bapak bisa masuak sampai jadi staf ahli atau jadi anggota Komnas Ham? Rasono ndak mungkin pakai jejaring jawa. Apo bapak pakai jejaring batak? Mudah-mudahan bapak indak keberatan manjawekno. Mamak Asrul Tarimo kasih ateh kado nan mamak kirimkan. Suasana rumah jadi romantis dan penuh kasih sayang kalau kado dun bisa diterapkan. Iyo kan mamak? Kado dun acok talupoan katiko anak-anak masih ketek-ketek, dek sibuk mauruih anak, atau sibuk mauruih karir, dll. Ndak taraso babarapo hari nan lalu, usia perkawinan hanifah genap 20 tahun. Oh ya mamak juga LEO yang akan baulang tahun tanggal 1 Agustus iko, daripado lupo bialah kaduluan. Salamaik Ulang Tahun nan ka 56, semoga mamak bisa marancang karir nan kaduo untuak mahadok-i maso pensiun. Amin Mamak Lembang Alam Salah satu caro mambantuak watak anak dari ketek adolah manyakolahkan anak di TK Alquran atau TK Islam sajak baumua 4 tahun. Lalu ditaruihkan ka TPA atau SD IT. Anak-anak gon dimasa remajano cendrung pulo mancari wadah untuak manukuak ilmuno di bidang agamo jo caro mambantuak kalompok ROHIS di sekolah. Itu sen dulu dari Hanifah, talabiah takurang mohon maaf. Wass Hanifah Damanhuri --------------------------------- Do you Yahoo!? Next-gen email? Have it all with the all-new Yahoo! Mail Beta. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
