Waalaikumslam w.w. Ananda Hanifah, Tantang pangkaderan, ambo indak sacaro khusus mambuek kader untuak urang awak, sadonyo anak buah ambo ambo palakukan sacaro samo, indak ado anak kanduang indak ado anak tiri. Karano karajo sambilan ambo adolah jadi dosen, sagalo nan mudo-mudo ambo anggap kader ambo. Kalau ado anak mudo kito urang Minang nan khusus mintak masukan dari ambo, ambo basyukur bana, umpamonyo sawakatu KMM Jaya maminta masukan dari ambo jo Buya Masoed Abidin dan Bapak Amir MS di TMII babarapo ukatu nan lalu. Sanang bana hati ambo. Dalam bakarajo ambo co itu juo. Sagalo anak buah -- tanpo mamandang suku, ras, ugamo, atau nagari asa -- ambo dorong untuak maju, antaro lain malalui malanjuikkan sikola. Ado contoh ciek. Ado patugeh 'cleaning service' anak Wonosari nan maantakan aia minum ambo tiok pagi dan mambarasiahkan ruang kantua ambo di Sekneg. Sawakatu ambo tahu inyo tamatan SMEA, ambo sponsori untuk masuak ujian pagawai nagari, dan ambo dorong malanjuikkan sikola. Babarapo kali gagal ujian, tapi ambo 'hasuang' taruih. Untuang inyo lai bakamauan kareh. Kini inyo alah S1 dan jadi pejabat di Sekretariat Kabinet ! Sabalun itu inyo ambo masuakkan ka panitia haji, sahinggo inyo alah jadi haji pulo. Sopir ambo ambo masuakkan kursus komputer, dan inyo nan mangetik rapi disertasi ambo di UGM. Jadi, Ananda Hanifah, rasonyo 'track record' ambo indak buruak bana, walau indak pulo spektakuler bana. Salain itu, ambo ado kabiasaan ciek lai, yaitu mancari pangganti ambo dalam tugas, sahinggo kalau ambo mandapek promosi, indak ado halangan untuak kalanjutan dinas. Misalnyo kini, tahun muko habis maso jabatan ambo di Komnas HAM. Sajak kini alah ambo cari tokoh-tokoh nan ka malanjuikkan apo nan alah ambo rintis, indak surang tapi tigo urang. Mareka ko alah ambo paringekkan bahaso akan malalui duo kali 'fit and proper test'. Jadi indak pakai KKN doh. Sadonyo 'syiratal mustaqim' sajo. Wassalam, Saafroedin Bahar
hanifah daman <[EMAIL PROTECTED]> wrote: Ass Wr Wb bapak Saafroedin Bahar yth Nasehat bapak untuak karir alah lumayan rasono. Mokasi banyak yo pak. Oh iyo pak takana lo ciek li, dek alah di singguang sanak reza, itu tuh tantang PENGKADERAN. Kayakno bapak takanai ciek du ndak? he he he Batua kato sanak reza, kalau rang jawa atau suku lain salalu mamikiakan sia kaganti sasudah mereka bakuaso. Atau dima si anu kadilatakkan du eh?, Bilo paralu buek unit baru nan isino beko iyo konco-konco mereka sen. Katiko bapak jadi atasan, baa kok bapak indak mangkaderkan urang minang? ( memang kapatang bapak alah manyabuikkan labiah nyaman bakarajo jo suku lain). Kan diantaro nan panciluah pasti ado juo nan jujur, pintar dan bisa diasuah? Saroman bapaklah. Tapi kabanyakan nan pintar dan jujur gon pantang maambiak muko, itu ciek nan mambuek rang Minang kalah dari rang jawa, karano rang jawa sangaik pandai manyanangkan hati atasan. Kali bapak terlena ya? Maaf kalau hanifah salah tebak. Bapak Saaf Iko tantang politik. (Soal Banuhampu hanifah indak sato maurus doh, sekedar tau sennoh,. Pamikiran bapak tadi alah hanifah sampaikan kamamak di banuanet nan suko mambahas tantang banuhampu.) Ado lo konsep Pantau (bada2) - Ambu2 (dikumpuakan nagari nan miskin samo nan miskin, nan kayo samo nan kayo). Apo bapak pernah mandanga konsep tersebut? Baa manuruik bapak konsep sarupo itu du? Bilo konsep itu bagus, dan bilo konsep itu indak manusiawi. Iko sen lu, talabiah takurang mohon maaf Wass Hanifah Damanhuri --------------------------------- Groups are talking. We´re listening. Check out the handy changes to Yahoo! Groups. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Talk is cheap. Use Yahoo! Messenger to make PC-to-Phone calls. Great rates starting at 1¢/min. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
