Angku Taufiq sarato Rang Lapau nan Basamo, Sanang ambo mandapek gambaran pandangan makro dan mikro dari Kampuang Awak dalam soal aliran-aliran ko. Inyiak Canduang adolah pulo Anggota Konstituante, Mak Haji Zainal (PSII, Biaro), Kak Amah (Rangkayo Rahmah El Junusiah, Padang Panjang), Angku Zamzami Kimin (Batuhampa, Pek Ten). Kak Una (Rangkayo Rasuna Said) manjadi tokoh nasional. Sudah tu anak Nyiak Canduang jadi anggot DPR.
Dicaliak sacaro mikro, dari sagi Tuo-Mudo, aliran lamo-baru, di Kampuang Kito (di Ampek Angkek Canduang) tumbuah bairiang badakok-dakokan. Misanyo garih ulama ko kito talusua dari Tuangku nan Tuo (di Kototuo), Tuangku Cangkiang, Tuangku Batutaba, di era Hitam-Putiah, taruih Sjech Mohamamad Chatib (Kototuo, kuat di Makah) di awal abad duopuluah. Angkatan barikuik, Inyiak Canduang, Uwo Haji Latih (H. Latif Sjakur, Balai Gurah), Haji Mansjur (Panampuang), kini tingga surang nan aktif Uztaz Nazir (Kototuo). Dalam pandangan mikro di Ampek Angkek Canduang masyarakat tumbuah dengan harmoni sabagai pantulan dari motto supra nagari Ampek Angkek nan "saitiak saayam, saanak sakamanakan, sadanciang bak basi, saciok bak ayam." Suasana ko tampak tabayang dapek taruih ka nan labih mikro ka rumah tanggo Angku Taufiq Rasjid (sabagai produk terakhir)testimoni nan dapek dijadikan data pangatahuan sosial untuak maanalisa masyarakat kito. Kalau di Balaigurah, Uwo Haji A. Latif Sjakur dahulu mambuek surau sikola baliau di Sicamin, antaro Biaro jo Ballaigurah, dakek paangahan antaro rumah amak jo rumah bako ambo. Tapi surau tu tabaka indak panah dapek diganti. Kok nan di Panampuang, ko dapek Angku Taufiq mancaritokan Haji Mansjur jo Surau baliau di Gantiang (Panampuang) tantu lah batambah rancak data kito untuak urang di lua karano indak banyak tahu urang lua tantang baliau. Ambo raso Angku Taufiq dapek mangatangahkan tradisi oral tanang baliau, karano antaro Lurah jo Gantiang kan indak bajauahan doh. Wakatu ambo ketek-ketek sikola di Pakan Kaluang acok ambo caliak urang pai suluak ka Gantiang ka Surau Haji Mansjur. Ambo lupo apokoh namo baliau Haji Mansjur atau Haji Maksum? Salam, --MakNgah > Re: [EMAIL PROTECTED] Syeikh Sulaiman Ar-Rasuli >From: Rasyid, Taufiq (taufiqr) - view profile >Date: Fri, Aug 4 2006 2:30 am >Email: "Rasyid, Taufiq (taufiqr)" <[EMAIL PROTECTED]> > >Tambahan info soal Perti jo Inyiak Canduang ko : > >Diawal masa orde baru, Perti ko agak lindok saketek, karano KH >Sijaduddin Abass dll tokohnyo dianggap dakek jo tokoh ORLA. Tapi >kemudian Tarbiyah Islamyah didakek-I dek Golkar. Sahinggo anak Nyiak >Canduang ko bisa jadi anggota DPR RI. > >Soal kaum Mudo jo kaum Tuo, kabatulan rang gaek padusi ambo alumni >Tarbiyah Canduang dan sempat jadi guru pulo disitu, Inyiak jo Nenek >ambopun urang Perti sahinggo sumbayang tarawiah nyo iyo 20 rakaat. > >Tapi bapak ambo termasuk murid tuo dek Prof Mahmud Yunus / Kaum Mudo di >Batusangka. Sabalunnyo baliaupun baraja di Canduang, tapi dek maraso ado >yang ingin dirubah. Baliau pindah sikola ka Batusanggka. Sahinggo pola >ibadatnyo memang agak beda jo kaum tuo ko, sudah tu baliau bagabuang jo >PSII. > >Walaupun antaro kaum mudo jo kaum tuo ado nan tajadi gejolak. >Insyaallah dirumah kami kondisi iko lai indak bapangaruah.- -- No virus found in this outgoing message. Checked by AVG Anti-Virus. Version: 7.1.394 / Virus Database: 268.10.5/406 - Release Date: 8/2/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
