Assalamu'alaikum wrwb, Belakangan di milis awak ko mambahas topik kemunduran grafik urang awak di Pasa Tanah Abang dan Cipulir.
Ambo akan cubo mangamukokan pandapek ambo sebagai urang nan bergerak di bidang garment. Posko ambo bukan di Tanah Abang tapi sepak terjang urang tanah abang taruih ambo ikuti. Manuruik ambo mundurnyo dominasi urang awak tsb biang masalahnyo adolah mambanjirnyo produk CINO nan masuak sacaro legal dan ilegal ka indonesia. Produk dari CINO haragonyo JAUAH LABIAH MURAH dibandiang barang nan diproduksi urang awak dgn konveksinyo. Dulu urang awak mambuek barang surang dgn mendirikan beberapo unit bengkel konveksi.Disiko urang awak bisa manggaleh tanpa modal yg besar atau bisa beromset puluhan kali lipat dibanding modalnya sendiri. Caronyo....: Kain bisa bahutang salamo 3-4 bulan... Accecories bisa bahutang 3 bulan... Proses produksi 1 bulan ......... Penjualan barang pakai tempo 1 bulan... Jadi urang awak bisa mamacik pitih sanang Tapi kini..... Harago barang dari cino labiah murah daripado dibuek surang. Misalnyo urang awak tapokok sarawa anak2 Rp200.000/lusin, sedangkan barang dari cino bisa tapokok Rp150.000/lusin dengan design dan packing yang jauh lebih bagus. Akhirnyo urang awak indak bisa menyaingi produk cino tu. Sedangkan Urang Cino nan jadi pesaing utama urang awak di Tanah Abang salamoko bisa capek ganti haluan dgn mengimpor barang dari Cino. Mereka punyo akses dan fasilitas nan labiah banyak untuak bisa manjua barang produk cino di pasa Tanah Abang. Keadaan diatas diperparah lai oleh banyaknyo pasar/mal nan baru bamunculan dan tersebar disagalo penjuru, baik di jakarta maupun di daerah. Urang manggaleh kini alah banyak bana. Kini untuak balanjo urang indak paralu harus ka Tanah Abang atau cipulir. Baa caronyo supayo urang awak bisa bangkik baliak..? Tolong sampaikan ka talingo Pemerintah supayo barang dari Cino indak bisa bebas masuak ka indonesia. Ikolah tugas dari Tokoh minang atau nan katonyo Intelektual minang nan punyo akses ka pemerintah untuak ikut MEMIKIRKAN dan BERAKSI.... Sakian pandapek dari ambo, Wassalam, Puarman St Saripado(38th) Jakarta --- Syafruddin Ujang <[EMAIL PROTECTED]> wrote: > Assalamualaikum, ww. > Satahun nan lapeh, kami jo babarapo kawan parnah > menggagas semacam seminar atau lokakarya mancari > permasalahan kemunduran dominasi rang awak di > babarapo pasa di Jakarta ko. Topiknyo: "Pedagang > Tradisional di Tengah Badai Globalisasi". Nan ka > manjadi pambicaro banyak, tapi tibo mancari biaya > kami pingsan. Kalau untuk lokakarya atau seminar > tantu paralu snack dan makan siang, foto kopi > makalah dan honor pembicara. > > Kami merencanakan hasil seminar itu > disarikan/dibukukan, indak lapeh hao baitu sajo. Lai > dicubo basaru ka kawan-kawan nan di tanah abang tu. > Kami samulo mangiro, dek lai ka mambicarokan > nasibnyo, kok lai namuah manyumbang agak saketek. > Eh, ruponyo ncik dulu. Yo, bubarlah rancanatu. > > Tapi dunsanak jan salah manduga pulo. Prinsip kami > nan manggagas acaratu tetap saparati pemilik Warung > Nasi Padang. Mancari makan dengan memberi urang > makan. Bukan mandari makan dengan mamakan urang > lain. Aratinyo, seminar tu indak untuak mancari > makan bagai doh dek kami, tapi sebagai mancari > solusi dari kemunduran nan tajadi di kalangan > pedagang tradisional awak tu. > > Dari seminar tu, kami baarok indak sajo dapek > maungkap persoalan di sakitar pasa. Tapi nampak pulo > dampak nan dirasokan dek dunsanak awak yang mambuka > usaho konveksi di kawasan Cipulir nan kini makin > maratok. Dan, dari pertemuan itu, awak minta ado > solusi. Apokoh pola tradisional masih paralu > dipertahankan, atau harus dikombinasi agak saketek. > Sabananyo, rang minang ndak paralu takuik jo > globalisasi tu deka karano niniak moyang awak alah > mangatokan dalam petuah adatnyo. "Alam takambang > jadi guru". > > Wasalam > Sutan Mudo. > > > > Saafroedin BAHAR <[EMAIL PROTECTED]> wrote: > Assalamualaikum w,w, > > Lai buliah ambo banyalo? Ambo bukan urang dagang, > tapi sakadar pangamat awam sajo, nan tamasuak cameh > mancaliak mundurnyo peranan urang awak, dari Pasa > Senen ka Tanah Abang dan Blok M, dan kini > nampak-nampaknyo alah ka mundur pulo dari duo pasa > tu antah kama. > > Samo jo angku-angku nan lain, ambo juo batanyo, > baa mako baitu ? Jawab nan nampak di ambo adolah > sakadar kasan-kasan pribadi surang-surang dan > panjalasan nan juo panjalasan pribadi surang-surang. > Indak ciek juo nan didukuang jo data statistik nan > bisa kito kaji kecenderungannyo dan kita telaah pulo > apo jalan kaluanyo, baiak untuak mahambek kemunduran > tu maupun untuak maambiak paluang nan tabuka. > > Sabananyo indak sarik bana mangumpuakan data > statistik ko. Kok hati amuah, data tu taserak > dima-dima tingga mangumpuakan sajo, apolagi banyak > anak-anak mudo kito nan ahli ekonomi jo ahli > statistik. Nan jadi soal: baa mereka kok indak > basalero mangkaji ko, padohal dalam bidang lain > mereka santiang-santiang. > > Sakali lai izinkan ambo batanyo: 1) apo koh > sabananyo nan salah di awak ko ? 2) apo indak paralu > kito mintak nan mudo-mudo mulai mangumpuakan dan > manganalisis data statistik padagang urang awak di > DKI ko dan apo saran mereka supayo kito indak mundur > taruih? > > Wassalam, > Saafroedin Bahar. > > Z Chaniago > wrote: > Assalamu'alaikum WW > > Angku Dt Bandaro....iko juo masih sabateh > wacana....nan di ambo indak ka > maaja tantara babarih doh...., ambo di Tanah Abang > cuma pernah jadi anak > buah dan tukang kantau..... dan kini manolong > mancarikan kain untuak ka > dikirin ka Aua Kuniang..... > > (kuduang di siko)... __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
