----- Original Message ---- From: Saafroedin BAHAR <[EMAIL PROTECTED]> To: [email protected] Sent: Monday, August 14, 2006 12:41:12 AM Subject: Re: [EMAIL PROTECTED] Peran Laki-laki Minang >>>
Wassalamualaikum w.w. Ananda Hanifah, Kito harus patuah ka petunjuk moderator, karano tu posting Ananda ka ambo karek sampai tingga nan paralu sajo, khususnyo alamat, supayo jaleh Ananda nan ambo tuju. 1. Tantang baa mako peranan mamak labiah gadang dari bapak, ambo pun indak tahu bana baa asa muasanyo, kan kito indak punyo sejarah tatulis, tapi ambo duga mungkin sakali memang takaik jo gala dan harato pusako, baiak dalam kaum maupun suku. Baa juo mamak kan sasuku jo ibu kito, baliau dapek tugas antaro lain manjago harato pusako kaum jo suku, sadangkan bapak -- walaupun batali darah jo kito -- pado dasarnya tatap urang lain, dan akan tatap balain suku jo ibu kito dan jo kito sandiri. Peranan bapak sebagai 'urang sumando' kan sacaro normatif memang tidak kukuh, hanyo sabagai 'abu di ateh tunggua.'. Sacaro pribadi ambo sajak ketek maraso hal iko aneh, karano labiah mamantiangkan harato daripado urang. Lai pulo sacaro indak sadar sistem iko indak mandorong timbulnyo raso tangguang jawab laki-laki ka anak jo isterinyo, dan indak mandorong timbulnyo sabuah kaluarga nan diajakan dek ugamo Islam, karano fungsi bapak manuruik adaik Minang saisuak -- dalam istilah urang kini -- adolah hanyo, atau tautamo, men-'trigger' fungsi reproduksi dari isterinyo. Daulu bapak indak wajib maagiah nafkah, karano alah dijamin dek harato pusako dan dikelola mamak; indak wajib pulo mandidik anak karano anak disuruah lalok di surau. Walaupun nampaknyo alun banyak bana urang awak nan sacaro taruih tarang mangatokan iko, namun kenyataan kini manunjukkan bahaso hampia sadonyo urang Minang alah manampekkan bapak sebagai kapalo kaluarga, indak lai samacam 'abu di ateh tunggua' . Conto dari Papa Ananda tu adolah salah satunyo. Masalahnyo, susah bana maminta urang awak untuk mangakui pakambangan ko, dan kalau manjalehkan sistem sosial Minang, tatap juo manunjuak norma nan alah indak ado lai tu. Ambo sabana taheran-heran jo keanehan ko. Ananda bacolah buku-buku nan manjalehkan Minangkabau, tatap juo nan dijalehkan Minangkabau saisuak, dan hampia indak ado nan manjalehkan Minangkabau maso kini. Ringkasnyo urang awak iduik dalam abad ka 21, tapi konsepnyo masih konsep abad ka 19, dan kasan ambo iko nan antaro lain manyababkan kabingungan di nan mudo-mudo, tautamo di Rantau. 2. Capek atau lambek tantu peranan bapak jo mamak akan dibahas juo dalam wacana ABS SBK, baiak pado tataran teoretikal maupun pado tataran praksisnyo. Hanyo sarupo nan ambo contohkan di ateh, lambek laun peranan bapak akan maningkek, dan peranan mamak akan manurun, tarutamo di kalangan kito nan di Rantau. Kesan ambo di Ranah sandiri kecenderungannyo juo samo sajo, indak banyak bana lai urang batanyo ka mamak, dan indak banyak lai mamak nan mangurusi kamanakannyo, mungkin karano baliau-baliau itu sendiri alah sibuk jo anak-anaknyo surang pulo. Apolagi kalau harato pusako tu sandiri alah ampia abih pulo dijua atau digadaikan karano satu dan lain hal. Mungkin ado gunonyo bilo ado sensus kito titipkan ka BPS babarapo pertanyaan nan penting dalam rangka ABS SBK, saparati : bara rumah gadang nan masih dihunyi urang, bara surau nan ado, atau sia nan mamimpin rumah tanggo urang Minang kini: bapak atau mamak? Sia dunsanak na masih aktif di BPS kini ? Wassalam, Saafroedin Bahar. ----- Original Message ---- From: hanifah daman <[EMAIL PROTECTED]> To: [email protected] Sent: Sunday, August 13, 2006 9:08:08 PM Subject: [EMAIL PROTECTED] Peran Laki-laki Minang >>> Ass Wr Wb bapak Saafroedin Bahar yth Jawekno basalekkan Wass Hanifah Damanhuri -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
