Wah hebat dan konkrit tu pak Muchlis, sarato bisa diterapkan di seluruh Sumbar. Bilo sempat ambo ingin nak mancaliaknyo nanti. Mungkin basamoan jo diskusi palinduangan hukum taradok masyarakat hukum adat. Bulan September muko wakatu ambo ado agak lungga saketek. Wassalam, Saafroedin Bahar.
----- Original Message ---- From: Muchlis Hamid <[EMAIL PROTECTED]> To: Saafroedin BAHAR <[EMAIL PROTECTED]>; palanta minang <[email protected]>; Drg. Abraham ILYAS <[EMAIL PROTECTED]>; Drg. Abraham ILYAS <[EMAIL PROTECTED]> Cc: chaidir latief <[EMAIL PROTECTED]>; Ir. H. Mulyadi DT MARAH BANGSO <[EMAIL PROTECTED]>; Upi Tuti <[EMAIL PROTECTED]> Sent: Thursday, August 17, 2006 12:44:16 PM Subject: Re: Perkembangan terkini tentang masyarakat hukum adat. Waalaikukumusslam Pak Saaf, Tarimo kasih banyak atas bekalan ko. Sasuai komunikasi kito sabalunnyo akan ambo bicarokan jo Pak Bupati. Pakan muko liau ka Jakarta, ado acara penandatangan MOU pabrik bodiesel jo BPPT. Kapasitas pabrik mini ko 150 ton/hari nan akan di-install di Solok. Bahan baku adalah jarak. Tanjung Alai Kab Solok alah mulai mananam jarak awak Maret 2006. Ini adalah langkah awal program biodiesel dari Crude Jatropha Oil (CJO) di Sumbar. Di Solok ado 15.000 ha lahan kritis yang dapat ditanami jarak. Wassalam, Muchlis Hamid Saafroedin BAHAR <[EMAIL PROTECTED]> wrote: Assalamualaikum w.w. Pak Muchlis, Mandahuluii bahan-bahan nan ka ambo barikan ka pak Muchlis dan mandahului pambicaroan kito tantang parkambangan terkini tantang masyarakat hukum adat, sasuai jo parmintaan pak Muchlis, barikuik iko ambo sampaikan pokok-pokoknyo. 1. Masyarakat hukum adat alah punyo dasar hukum nan kuat dalam Pasal 18B ayat (2) dan Pasal 28 I ayat (3) Undang-Undang Dasar 1945, asal mamanuhi ampek syarat, yaitu a) asa masih ado; b) sasuai jo pakambangan zaman; c) sasuai jo prinsip NKRI; d) diatur dalam undang-undang. 2. Undang-undang nan khusus maatur masyarakat hukum adat tu alun ado lai, tapi Presiden SBY alah satuju supayo dibuek dalam wakatu dakek ko. 3. Manuruik Pasal 203 Undang-undang Nomor 32 Tahun 2004 Tantang Pemerintah Daerah, pangakuan taradok masyarakat hukum adat dilakukan jo Peraturan Daerah Kabupaten. 4. Mandahului tabantuaknyo undang-undang khusus untuak masyarakat hukum adat tu, Komnas HAM mandorong supayo diratifikasi Konvensi ILO 169/1989 tantang Hak Masyarakat Hukum Adat dan Suku-suku di Negara Merdeka. Isinyo alah langkok dan alah basifat internasional. Kini Departemen Sosial alah maambiak langkah untuak ratifikasi tu. 5. Sajak tanggal 9 Agustus 2006 alah tabantuak Sekretariat Nasional Perlindungan Hak Konstitusional Masyarakat Hukum Adat, nan untuak samantaro balokasi di Lembaga Adat Melayu Riau / Sekretariat Bersama lembaga-lembaga Adat Rumpun Melayi se Suimatra di Pekanbaru. Baa kaadaan di nagari kito ? 1. Alun ado ciek juo nagari sabagai masyarakat hukum adat di Sumatera Barat nan alah dilegalisasi jo peraturan daerah kabupaten, artinyo nagari baru marupokan limbago adat dan alun marupokan limbago hukum, jo sarato akibatnyo. 2. Tatanan sarupo itu bisa sajo dipakai, saroman di Bali, ado desa adat dan ado desa pemerintahan atau kaduonyo digabuangkan jadi satu. Paralu ado kaputusan ma nan ka kito piliah.Timbang untuang jo ruginyo. 3. Kalau nagari sabagai masyarakat hukum adat dilegalisasi jo Perda kabupaten, bisa dibuekkan peta kadaster bateh-batehnyo sakalian, sahinggo mancegah tajadinyo silang sangketo soal bateh tanah di kudian hari. Kalau paralu, bisa juo dibuekkan peta tanah ulayat nagari, tanah ulayat suku, dan tanah ulayat kaum. Sacaro teknis kini indak susah bana mambueknyo. 4. Manuruik panglihatan ambo, gagasan Manajemen Suku nan diprakarsai dek S3 jo LKAAM Kabupaten Solok tahun 2005 bisa dibari dasar hukum jo Perda Kabupaten Solok, sahinggo ado kapastian hukum. Sampai di siko dulu, Nanti kito sambuang. Wassalam, Saafroedin Bahar (70th kurang) Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
