Assalamu'alaikum wr. wb. Dek karano tugeh tajajak juo di ambo rantauno kkd Idris Talu. Ambo jo kawan ba-oto dari Penang sakitar 2 jam-an. Ditangah jalan ambo di kontak baliau supayo bisa basuo, tapi kabaalah dek jangkia takaik indak bisa ambo maagiah kato putuih doh. Sasudah banegosiasi jo kawan akhiano dibueklah janji jo baliau untuak basuo sakita jam 6. Dek karano ambo manggaleh babelok tapasolah ikuik katono rang pambali, baru sakitar jam 7 malam ambo bisa basobok jo baliau. Salamoko kito cuma bakomunikasi jo imel agak tagamang juo ambo apokah baliau bisa manarimo ambo bantuak iko. Kalau dari sisi umua dan panagalaman baliau labiah banyak dari ambo tapi alhamdulillah mungkin hati kito alah dipatauik-an oleh Allah baliau manarimo ambo jo tangan tabuka dan hangat. Ambo dibaok baliau kuliliang kota Ipoh malam tu dan diajak makan di lapau Minang tapi namono indak ado bakatalian jo Minag doh yaitu Jatayu. Kkd Idris walaupun baliau marupokan ganarasi katigo di tanah malayu tapi raso ke-minang-an baliau masih tinggi. Hal nan samo kutiko ambo sempat basuo jo mak Sinaro di KL, bahkan baliau panek2 pulang karajo datang ka panginapan ambo dan jo kaluarga beliau dibaok baliau ambo ka kampuang baru untuak makan nasi urang awak. Tarimokasih ka mamak baduo dimano di tangah kasibukan baliau amuah manyempatkan diri batamu jo anak dagang nangko. Batua juo bak kecek mak Ban Rantau net bisa mampa-arek tali silaturrahmi kito, malalui rantaunet ambo alah kopi darek jo mak Darul dan mak Ridwan di Jakarta, dinda Ronal di Jkt& Sgp, kanda Elthaf di kandang singo, kanda Idris jo mak Sinaro di tanah Malayu, mak Dt. Marah Bangso di Tumasiak, sempat pulo batokok kawek jo sanak Yosza di Terengganu, mak Arshad, mak Gani di KL. Semoga tali silaturrahmi nan alah tasambuang ko makin dikokohkan Allah dan bisa mambaok manfaat ka ranah Minang. Salamaik hari kemerdekaan RI nan ka 61 tapi kami disiko indak libur doh. wassalam Junaidi (40 kurang 2 hari), kandang singo
Idris Talu <[EMAIL PROTECTED]> wrote: Assalamualaikum wr. wb., Add Arshad, mak Ban dan Kani (maafkan saya jika tersalah cara addressing-panggilan), saya mohon mencelah perbincangan kerana ianya related kepada perantau yang ada di Malaysia. Kepada Add Arshad dan perantau-perantau Minang lain, jika kebetulan berdatangan ke Ipoh, hubungilah saya, Insya Allah jika ada kelapangan kita boleh bertemu. Baru-baru ini secara kebetulan Add Junaidi dari kandang Singo ada urusan bisnesnya di Penang dan Ipoh, kami sempat bertemu dalam perjalannya balik ke Kandang Singo. Saya amat bahagia sekali dapat bertemu warga Minang di Malaysia. Wassalam, Idris Talu (55+) Tel: 6013-5200093 jika dial dari Malaysia cuma 013 5200093 __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
