Bana tu Angku Taufiq Rasyid. Supur Kudus, namo nagari dan juo namo kacamatan (kantuanyo di Kumani) di kabupaten Sawah Lunto Sijunjuang. Sumpu Kudus di Lembah sempit aliran Sungai nan banamo Batang Sumpu.
MakNgah jarang ka Lapau, tapi mancaliak tanyo Angku Taufiq bialah tapencet juo kibor ko untuak manjalehi karano mungkin banyak urang di Lapau ko nan indak tahu nagari tu labiah detail. Sumpu Kudus adolah Nagari nan penting dalam Sejarah Minangkabau, tampek Rajo Ibadat maso dahulunyo, tampek PDRI wakatu agressi ka duo (1948-49, tampek PRRI waktu pergolakan (1958-61), (tampek Makngah batapa di rumbo gadang 1958-60 :). MakNgah lah tarangkan saketek-saketek di Lapau ko sajak 10 tahun nan lalu baserak dalam arsip. Caliaklah arsip nan baru saketek manganai pandangan MakNgah manganai "Triangle Pagaruyuang (Kumani), Raja Alam -- Buo, Raja Adat -- Sumpur Kudus, Raja Ibadat." Pagaruyuang Lamo (di Kumani) indak samo jo Pagaruyuang Baru (nan dakek Batusangka, nan indak pulo samo jo latak Ustano untuak Turih nan baru dibangun kini ko di lua ustano Pagaruyang Baru). Banyak sejarah nan paralu dikaji dalam masalah ko. MakNgah lah sungguah rancah Daerah Triangle tu (1958-60) dengan penuh suka dukanya dan surprised visit (nan mangajuikkan urang kampuang, awal 2004). Silakan caliak saketek pandangan MakNgah dalam postiang logat di bawah ko. Salam, --MakNgah 47028 Re: [EMAIL PROTECTED] Perkenalan; Padati jo Bendi ke Kelok 44. Sumpur Kudus Wed May 10, 2006 6:04 am Sjamsir Sjarif <[EMAIL PROTECTED]> Ooh, baghangkali lah labiah dahulu samo-samo kanai pangaghuah lidah oghang Paghancih nan bambawo kapelo batang ka naghaghi awak sambia maaja makan sehat Pucuak Paghancih... :) Sumpur Kudus. Mungkin kato Kudus (Bahaso Arab Qudus, suci, syahdu) tu ditambahkan ka Sumpur tu karano Sumpur Kudus itu adolah tampek Rajo Ibadat. Panah ambo caritokan Daerah Triangle Buo (Rajo Adat) - Sumpur Kudus (Rajo Ibadat) - Pagaruyuang (Pagaruyuang Tuo, Kumani, Rajo Alam) adolah tampek nan strategis. Para Pengkaji Tambo Minangkabau tampaknyo kurang menelaah Daerah Triangle ko. Banyak paratian ditumpahkan ka "Pagaruyuang Baru" dima kito dapeki Ustana Rajo (nan kini barangkali lah runtuah) nan dakek Batusangka kini ko. Ustano Rajo untuak Turih kini ko dibangun di lua Pagaruyuang. Kabanyo ukiran Ustano Rajo Turih ko pun Ukiran import dari Jepara .... [paralu dicek iyo indaknyo]. Salam, --MakNgah >From: Syafrinal Syarien <[EMAIL PROTECTED]> >Date: Wed May 10, 2006 5:35 am >Subject: Re: [EMAIL PROTECTED] Perkenalan; Padati jo Bendi ke Kelok 44. >[EMAIL PROTECTED] > >Ambo sangko "indak aghok" tu logat ughang Piaman je >nyeh. Ghupo-e ughang Sumpua kakughangan vitamin R juo, >sahinggo indak samparono malafazkan huruf R. > >Tapi baa kok namo-e Sumpur Kudus, ado hubungan apo jo >kota Kudus di Jawa? > >--- Sjamsir Sjarif <[EMAIL PROTECTED]> wrote: > > > tu. "Iyo 'ndak aghok ati dek e doh!" baitu logat > > kami di Sumpur Kudus. >Re: [EMAIL PROTECTED] Buya Syafii Maarif: Sinyal di Sumpur Kudus > > >Apokoh Sumpur Kudus yang dimaksud nan talatak di Kabupaten Sawah Lunto >/Sijunjuang. > >Kalau iyo, ambo pernah masuak daerah ko tahun 1976 jo team Geologi dari >Banduang, kami masuak dari arah Talawi (Kampuang jo Makam Muh. Yamin). > >Ukatu tu iyo sabana susah masuak daerah tu, kami pakai mobil Unimog yang >bisa mandaki pamatang sawah jo manuruni banda. Jadi macam Off-Road lah >kami turun naiak bukik. Daerahnyo sabana sepi dan cukup terkebelakang >nampak, singgah dikadai kopi sambutan jo pandangan urang ka awak tampak >kaku dan dingin.. > >Apolai macam babarapo daerah di Sumbar ukatu tu, ado info ati-ati minum >kopi disiko, beko bisa muntah darah. >Umumnyo daerah yang kami lalui berupa perbukitan padang penggembalaan. >Ternak kerbau tampak lepas bergerombolan tanpa dijaga penggembala > >Dalam beberapa kisah nagari ko memang cukup terkenal punya banyak warga >yang berilmu tinggi dan jadi tampek manuntuik ilmu tu.. >Akibatnyo kami ingin capek-capek manyalasaikan karajo disitu untuk >segera kembali ke home base di SawahLunto.-- >.... >Wed Aug 16, 2006 5:02 am >#48810 of 48834 >"Rasyid, Taufiq (taufiqr)" <[EMAIL PROTECTED]> -- No virus found in this outgoing message. Checked by AVG Free Edition. Version: 7.1.405 / Virus Database: 268.10.10/419 - Release Date: 8/15/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
