Assalamu alaikum ww, buek sanak kasapalantako. Kapatang tgl 19 Agus 2006 ambo pai menghadiri upacara perkahwinan anak mamak ambo jo tumpangannyo rang minang Nagari9, jadi nan kaambo caritokan siko iyolah caro rang minang nagari9 ko baralek, ado nan ampia sarupo jo caro awak dan ado pulo bedanyo. Walaupun Nagari Sembilan ko alah di nobatkan sebagai Tanah Minang, namun inyo tatap babeda jo Minang Sumbar, oleh karano rang minang Nagari9ko hanyolah asa usua dari rajonyo nan paratamo namun katurunannyo banyak dari kaum Melayu nan kabanyakannyo barasa dari Riau lautan saparati dari Tanjuang Pinang,labuhan batu tarompak dan sabagainyo. Dulu pado tahun 80han ambo paranah pai baralek kanagari9 disinan lain pulo caronyo, jadi nampaknyo dinagari9 ko adaekno babeda2 pulo. Nun dulutu agak ampia ka KL tapi adaeknyo agak kareh manyeso kapado urang nan kurang mamahaminyo,kami datang sabagai sialek samaso bahagian nan dari kami lah sampai dirumah rang sinan mako disambuik jo persembahan nan bajelo2 basawik2an bajawab2an kadang2 ado nan manakua mandanganyo kadang ado pulo nan tagalak,caronyo agak sarupo jonan panah ambo caliak maso ketek2 dikampuang dulu cuma nan babeda iyolah bahasonyo,cuma mak oiii.... tibo kamakan sabagai sialekkolah nan manyeso,baa dek mantun? ambo harus berhati2 sabagai urang baru mancaliak caro sinan, jadi ambo ikuik sajo caro rang banyak. Jamba dihidangkan didalam dulang (talam) hanyo nasi jo basuah tangan nan talatak dilua dulang,lauak indak buliah diangkek kalua dulang,kok jauah indak tagabai ditangan putakan sajo dulangtu mulo2 sanduak nasi 2sendok sajo suok 2suok nasi sajo kamudian ambiak kuah jo sayua saketek suok pulo 2suoklai lapehtu pipia lauak saketek cukuik untuak 2suok nasi pulo nasi lah abih,ambo caliak indak ado pulo urang nan batambuahdoh. Onde mak oiii...... antah dek masakannyo nan sasuai jo salero atau dek nagari nan dingin ataupun memang paruik lah mangarocot, ha iyo lamak bana rasonyo tapi dek adaeknyo nan sarupu itu mako taseso salero dibueknyo, ambo caliak kawan nan mambao ambo baralektu inyo biasonyo memang cangok, tapi haritu macamtulah caronyo makan,mako ambo tapaso manuruik sajo. Alaik2 tradisi untuak maarak marapulai pulo indak saparati dikabanyakan nagari awak, bagandang bamomong olat2 rabanan, inyo guno rabana jo gong sajo, alaek2ko dibari namo Kompang, rabanako sahinggo 20buah gong ciek sambia malapuak rabana badendang pulo,ado salawaek Nabi ado pulo lagu2 salamaek pengantin baru, biasonyo baarak indak jauah banadoh sakitar 300meter dari rumah,ado juo bainai atau basalayar caro awak, cuma nan kaantaroan bana beda adaeknyo jo diawak adolah dari segi maminang, kalau diawak padusi maminang laki2 tapi disinan tabaliak, laki2 pulo nan maminang padusi, kok sukunyo pulo banyak, bamacam bunyinyo nan indak panah tadangan dinagari awak,sasuku indak juo buliah kawin doh, antah kok kawin dilua nagari, kalau baliak kakampung panjang mato urang mancaliak banyaklah carito nan mandangiangkan talingo, nan iko ampia samo ju dinagari awak, antah kok kini lah balain kurang arif ambo. Babaliak kacarito makan baliak, sabagai sialek ambolah nan uranglua nan datang dari KL jadi indaklah urang sinan kenal jo ambo,dikawasan pedalaman itu indaklo ado lapau nasidoh kok nak batambuah kalapau, jadi dipangabisan pertemuan yaitu jamuan terakhir,salapehtu kami kabakirok ka KL, haaa... ambo lapehkan dandam, kabatulan jamba lambeklo kasampai jadi paruik lah balagu dangdut, ambo caliak gulai bagenang2 baunnyo mandanyuik ka ubun2 basarabai salero kajangguik indak tasadari, apabilo dipersilakan sajo makan,ambo pulinta sacukuik2nyo makan basandedo takah urang lah saminggu indak basobok jo uncek dadak, diramu nama nan katuju disosoh pokoknyo dipalintai caro kampuang ambo, cepak cepong sampai taserak kuah kasarawa indak paduli,indak madok2 ka urangdoh antah apolah agaknyo curito urang kami lah baliak, wallahu aklam, nan jaleh dandam lah lapeh kami barangkek lai. Kini ndak tau ambodoh antah mantun juo lai atau lah babeda, nan jaleh kok paipun ambo kadakek2 sinan,makan dilapau sajo,dilapau bak kato awak, bara katalok buliah dipadekkan. Sakitulah dulu carito ambo, nanti kito sambuang,Salamaek bagabuang jo Sanak Idris,dima sanak di Malaysia? ambo mancigok ari akaek sajo, no hp ambo 0132600090 Wassalam, Kani47
__________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
