Ass Wr Wb bapak Saafroedin Bahar yth
Pak Saaf
Hanifah cubo mananggapi saketek nan dibawah gon dih. Nan lain lasuah sen
taraso mambacono.
e. Ado ciek lai nan takana, apo memang masih tapaliharo harato pusako tu?
Apo indak alah abih dek digadaikan jo dijua taruih manaruih salamo ko ?
Jawekno tantu tapulang ka masiang-masiang kaluarga.
Mungkin ado nan masih utuh, hal iko tajadi umumno dek kaluarga tersebut bi
marantau lalu batinggakan sen (basewakan) harato pusako ka rang kampuang.
Kabanyakkan iyo alah bi tandeh, mungkin tajua, tagadai atau alah jadi parumahan
dll.
Apo indak paralu paratian diarahkan kapado baa manaruko jo mambangun harato
pusako baru, indak sakadar mamaliharonyo, sahinggo urang Minang manjadi labiah
dinams, basumangaik, indak co kini.
Satujuuuu.
Kadang-kadang tapikia di hanifah, urang jawa bi makmur di daerah sitiung dan
pasaman jo masa depan nan cerah karano mereka punyo kabun karet, sawit sawah
dll. Anak-anak merekapun banyak nan alah jadi urang (salasai sikola dan dapek
karajo). Baa kok urang Minang sendiri indak dipikiakan masa depanno dek pajabat
nan bawenang di Padang?
Mungkin ndak pak, diadokan pulo pamukiman baru untuak rang minang sendiri di
wilayah minang? Kalau mungkin baa carono?
Oh iyo pak
Kalaupun tajadi parubahan / panyasuaian tantang harato pusako manuruik ABS
SBK.
.. rumah pusako bialah untuak padusi yo pak. Bia ado tampek kami
pulang..., kalau indak ado dunsanak padusi li, barulah bapak pikiakan, rumah
untuak sia ?
Salamo gon itu nan jadi kabanggaan kami jadi induak-induak minang,
dibandiangkan jo induak-induak non minang. Kami pulang karumah ibu kami, dan
kami maraso mamiliki. Ado parasaan talinduangi di siko. ( di sinetron acok di
caliak, tausia dari rumah laki, eh dirumah ortu indak pulo ditarimo, kasihan)
2. Dalam soal Keluarga.
b. Tantang namo urang Minang, tautamo nan laki-laki, manuruik pandapek
ambo tadiri dari ampek unsur, yaitu 1) namo ketek; 2) namo ayah manurut
ajaran Islam; 3) namo suku dari fihak ibu; dan 4) gala sasudah kawin.
Sabagai contoh, namo ambo dapek
di'ABS SBK'kan manjadi Saafroedin (namo ketek) Bahar (namo Ayah ambo) Tanjung
(namo suku) Soetan Madjolelo (gala dari mamak). Kan langkok. Kalau nan padusi
kan indak bagala doh.
Kalau ibu bukan urang minang nan indak punyo suku baa pak?
Ado juo daerah tertentu di Minang, laki-laki nan alah kawin indak pakai gala,
baa pulo du pak?
Iko sen dulu dari hanifah, talabiah takurang mohon maaf
Wass
Hanifah Damanhuri
---------------------------------
Want to be your own boss? Learn how on Yahoo! Small Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
