Assalamualaikum w.w. Dunsanak Sjamsir Sjarif. Nak tambah angek saluang tu, izinkan ambo mangusulkan 1) supayo dipacapek mencari koordinat-koordinat lokasi basajarah tu; 2) di tiok lokasi basajarah, dibuek museum sejarah ketek langkok jo 'souvenir shop'; 3) lalu buek peta rute langkok jo tahun-tahun kajadian di sinan. Untuak tiok-tiok rute buek namo, saparati Rute A Migrasi Suku-suku Minangkabau dari nagari asa di salingka Gunuang Marapi ka nagari-nagarinyo kini; Rute B Nan Tongga Magek Jabang; Rute C Operasi Pamalayu; Rute D Parang Paderi; Rute E PDRI, Rute F PRRI, dan sabagainyo. Tiok rute pasti ado paminat sejarahnyo, nan akan maadokan 'napak tilas' pada wakatu nan cocok jo inyo. Ambo yakin kalau iko alah jadi, sabana sero. Wassalam, Saafroedin Bahar
----- Original Message ---- From: Sjamsir Sjarif <[EMAIL PROTECTED]> To: lapau <[email protected]> Cc: biaro <[EMAIL PROTECTED]>; Sjamsir Sjarif <[EMAIL PROTECTED]> Sent: Wednesday, August 23, 2006 12:57:02 PM Subject: Re: [EMAIL PROTECTED] Tugu dan musajik Kubang (RE: Kaum Paderi VS Kaum ...) Bana tu Angku Taufiq, kalau amuah mampatali-talikan titiak-titiak nan taserak, banyak nan tasirek nan dapek kito kunyah-kunyah dalam marancah kancah sejarah. Kalau Angku Syaaruddin Bahar maambiak patokan sajak parang Itam Putiah, sabananyo banyak labiah jauah ka dalam wakatu, kito dapek maangan-angankannyo. Bayangkanlah baa caronyo Cindua Mato manjalajah dari Tanjuang Bungo ka Indopuro. Memang ado Kabau Si Binuang, tapi itu kan kiramaiknyo, tapi kalau di jalajah tantu ado petanyo, jalan-jalan mancik nan dilaluinyo. Sayangnyo dalam carito-carito tu indak dijalehkan jalan-jalan nan dilaluinyo. Misakan sajo sabalun itu, wakatu Cindua Mato ka pai manjalang Imbang Jayo di bagian timur. Sayangnyo dalam kaba tu, si panulih atau tukang kaba indak jaleh lai deknyo latak-aalatak atau peta-peta nagari-nagari sasudah Talawi. Lapeh tu dianggap sajo nagari "indak baurang" panuah jo panyamun di "Bukik Tambun Tulang". Nah, "Bukik Tambun Tulang" ko sandiri sabananyo adolah namo simbolik sabagai tampek sarang panyamunan. MakNgah alah manampuah salah satu "Bukik Tambun Tulang" tu... Kalau ingin mampalajari sabagian Sejarah Minang, sarancaknyo paralu dipalajari daerah nan kini dinamokan Darmashraya. Dengan mancaliak daerah tu, patalikan lah lereng-lereng Bukik Barisan Sabalah Timur sampai manjauah ka pantai Timur Sumatera, sakali lai sabagai urek nadi padagangan internasional di daerah nusantara ko. Bayangkan lereng-lereng timur Bukik Barisan dari utara di daerah Tambusai sampai-sampai ka Rokan Hulu, Indragiri Hulu, Dharmashraya lapeh jauah ka Selatan dengan batang-batang aianyo nan muaro-muaronyo manjadi sarang-sarang lanun atau padagangan lapeh-lapeh ka Palembang Bukik Siguntang. Misanyo sajo, kalau MakNgah indak batanyo tantang surau Haji Mansur di Panampuang ka angku Taufik, dima urang tahu adonyo pusek Suluak di situ dan pantiangnyo strategi Ampek Angkek dalam pambahasan Adaik jo Sarak tu. Ciak lai kalau indak Mak Ban jo MakNgah tanyo batanyo dan mancaritokan Tarempa misanyo, sia di antaro kito nan tahu Pulau Tujuah tu. Padohal dalam pangalaman paribadi MakNgah ado antaro famili di Payokumbuah jo Tarempa alah ado karik barik sabalunnyo. Baa pantiang dan strategisnyo Pulau Tujuah tu sabagai panjago gawang Lauik Cino Selatan sampai ka Pulau Natuna kini ko. Sayangnyo pandangan kito tabateh di Kampuang nan Jauah di Mato tu hanyo babateh jo "Gunuang Sansai Bakuliliang" dalam lagu Takana Kampuang. Kalau diagak-agaki Alam Minang dan Daerah Pangaruahnyo sabananyo agak laweh sakatek malampaui "Gunuang Sansai Bakuliliang" tu.... Kalau di Pantai Barat, carito-carito Nan Tongga Magek Jabang jo Siti Gondoriah tambah jo Malin Kundang dapek dipatalitalikan dengan mancalaik peta Pantai Barat Sumatera dengan tampek-tampek strategisnyo. Dimaa bana Gunuang Ledang misanyo, dimaa bana mamak Nan Tongga dikuruang Lanun, dsbnyo dapek diaka-akai dalam manaropong sejarah dan mampatalia-talikan titiak-titiak kabua nan jarang dipikia kan urang. Carito Nan Tongga malahan populer sampai ka nagari Bugih jo Makasa, bahkan ado buku Carito Nan Tongga Magek Jabang dalam Bahaso Makasar. Nah iko sakadar salah satu suduik pandangan sajo sakadar panggili-gili kincia-kincia sajo nan dapek ditaruihkan dengan mancaliak posisi geografi dan tradisi oral dipatauik-gtauiakan dengan pandangan mato mampalajari sejarah nan agak tajam. Sakitu lah dahulu sakadar pambukak salero. Salam, --MakNgah >--- ambo karek --- -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
