Bana tu Angku Yulnofrins, pandang sajo usaho salangkah-salangkah ko dengan
santai, indak usah taguluik-guluik. Bak kecek lagu-lagu angku juo "Tak kan
lariii gunuuung dikejar ...".
Sia sajo di antaro kito Rang Lapau atau dunsanak lain nan manyandang "kotak
panciliang" (kamera kecek Rang kini) sambiakan sajo apo nan paralu dipatiak
manganai tampek-tampek nan dilalui.
Wakatu ambo pulang dahulu, kabatulan ambo duduak di kantau Desa Koto Tuo
(Ampek Angkek) ambo caliak ado peta "Desa" di dindiang, langkok jo
jalan-jalan pimatang sarato titian-titian batang aia ketek. Jadi dari sinan
lah Makngah infer manuruik angan-angan MakNgah; tiok kantua desa tantu
mampunyoi peta mareka nan labiah detail dibuek Rang Kampuang nan tahu bana
nan urang lua mungkin indak tahu. Sabagai saurang nan tahu bana tiok inci
jo kampuang, nan bisa bajalan tangah malam bapiciang mato, Makngah salut jo
tukang buek peta kampuang tu. Angku Lembang misano mungkin dapek mancaliak
peta tu di kantua angku palo kini ko.
Sudah tu ado ciek lai. Kok ado tampak gambar-gambar lamo tapampang di
dindiang rumah nan dikunjuangi, nan mungkin ado unsur sejarah kampuang atau
daerahnyo, rancak pulo dipatiak. Iko akan dapek manjadi dokumentasi sejarah
nantinyo. Caliak lah hasilnyo misanyo, gambar Jam Gadang lamo di dindiang
Novotel di Bukittinggi, dipatiak dek tukang kodak, masuak di
www.westsumatra. Tapi hati-hati mamatiak gambar nan babingkai kaco tu,
karano ado pantulan tukang kodaknyo di bulakang. Tukang kodak takodak.
Caliak lah komentar MakNgah manganai gambar jam gadang tu di sinan, "Ado
Hantu di bulakang Jam Gadang" kecek MakNgah, karano pantulan gambar tukang
kodaknyo labiah gadang dari Jam Gadang tu. ...
Sakitulah dahulu sakadar tambah idea.
Kalau manampuang filenyo, barangkali rancak tiok-tiok peta nagari atau desa
tu disimpan manuruik sumber aslinyo badiri sandiri-sandiiri. Nanti bisa
diakses manuruik abjad dsbnyo atau manuruik sistem geografi dengan
kode-kode kabupaten jo kacamatannyo. Sabab, MakNgah caliak dalam
website-website di kampuang nan ado kini ko lah banyak Makngah caliak
daftar namo-namo nagari, tapi sia bana nan tahu dimaa bana latak-latak
nagari-nagari tu, pasti baetong jo jari sajonyo urang nan tahu.
Salam,
--MakNgah
At 02:19 AM 8/23/2006 -0700, Yulnofrins Napilus wrote:
Baik Mak Ngah, rancak bana mah idenyo iko... Nanti peta2 iko bisa
didownload bebas dari situs... Insya allah kalau hunting ke Sumbar akan
ambo usahokan.
Ttp disamping itu, kalau ado dunsanak nan lain nan kebetulan pulang,
tolong juo lah patiak2 an agak babarapo. Nanti kirimkan ka ambo, bia kito
gosok-gosok hasilnya supayo enak dibaconya nanti. Krn taruih tarang, alun
tantu pulo tajalanin dek ambo sado Kabupaten dalam wakatu dakek. Namo
tukang patiak, pasti akan kito sabuikan pulo disuduik peta itu nanti.
Tarimo kasih.
Salam,
Nofrins
Sjamsir Sjarif <[EMAIL PROTECTED]> wrote:
Angku Nofrins jo Rang Lapau anan Basamo,
Sabananyo tiok Kantua Kabupaten ado peta kabupatennyo masiang-masiangnyo.
Baitu juo tiok kantua Camat punyo peta kecamatannyo. Sataruihnyo tiok
Kantua Kapalo Nagari punyo peta khusus kanagariannyo.
Nah, saran ambo, kalau kabatualan mambawo kamera ka kampuang-kampuang,
singgah sabanta di kantua-kantua tu, apokoh kabupaten, kacamatan atau
kanagarian, patiak sajo gambar peta anan tapampang di dindiang tu. Tantu
minta izin dulu kok lai buliah dek Pak Walinyo. Kalau kamera dijital pulo
nanti kan dapek diedit tu. Dengan adonyo dokumentasi tiok peta nagari tu,
nanti dapek dipauleh-ulehkan sahinggo kito di Lapau mampunyoi dokumentasi
peta-peta nan agak langkok atau di websites nan dikalola saroman WS.Com,
Solok Selatan, Cimbuak dapek jadi sumber peta tu.
Tasarah nanti sia artis nan dapek mambuek peta nan agak langkok. Mudahan
idek ko dapek dilanjuikkan saketek-saketek, salangkah-salangkah sado nan
dapek.
Salam,
--MakNgah
--Sjamsir Sjarif
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
No virus found in this outgoing message.
Checked by AVG Free Edition.
Version: 7.1.405 / Virus Database: 268.11.5/425 - Release Date: 8/22/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
