Waalaikumsalam w.w. Adinda Idris Talu, Ambo juo maharokkan saroman nantun, Adinda. Hanyo baa mangko sarik bana munculnyo tokoh urang awak nan sabana-bana gadang di lua 'kandang' ? Susahnyo, di dalam 'kandang' surang juo indak ado nan tumbuah gadang. Apo kito ko memang dirancang untuak iduik batekek-ketek sajo: dalam politik ketek, dalam sosial ketek, dalam budaya ketek, dalam ugamo pun ketek, dalam ilmu dan teknologi ketek, dalam bausaho juo ketek. Nan agak gadang nampaknyo iyo ota jo salero :-)) he he. Jadi sakali lai ambo batanyo ka palanta: a sabananyo nan salah jo kito mako potensi kito , baiak sabagai urang surang-surang maupun sabagai suatu suku bangso, indak ado atau saketek bana nan bisa batua-batua kambang sampai ka puncak ? Nan labiah sadiah: kito salalu mambanggakan niniak muyang kito saisuak, sadangkan kito nan kini makin lamo makin mundur juo. Apo indak paralu reformasi - mungkin labiah tapek disabuik renaissance atau istilah kito 'mambangkik batang tarandam ' -- dalam diri kito urang Minang ko ? Kalau paralu, mano gagasan gadang (grand design) nan bisa mancakup masalah Minangkabau ko sacaro manyaluruah, baiak di Ranah maupun di Rantau ? Baa mako hampia sadonyo kito mamakai 'ilmu basi' sajo ? (iko garah sabagian dunsanak kito untuak manyabuik sagalo sikap nan awal katonyo pakai awalan 'basi' saroman 'basipakak', 'basihaniang', 'basiantok', 'basiindaktahu'). Apo memang karano indak ado limbago basamo tampek kito bisa baiyo batido sabagai urang Minang. Syukur ado RantauNet jo RGM GM iko, tapi kan nampaknyo yo tabateh di kito nan di Rantau sajo. Dunsanak kito nan di Ranah hampia indak ado nan sato bakucatak dalam tuka pikiran dalam milis ko. Duo tahun nan lalu, di Sumatera Barat malalui harian 'Singgalang' di Padang ambo paranah malancakan gagasan tantang 'Kongres Minangkabau' dan 'Kongres Perempuan Minangkabau', untuak mambahas dan maambiak kaputusan tantang masalah-masalah kito basamo, nan kini alah banyak kito bahas dan sacaro baansua alah kito sapakati sacaro diam-diam dalam milis RantauNet dan RGM GM iko. Bisa juo kaduonyo kito satukan manjadi 'Kongres Kabudayaan Minangkabau'. Untuak manyukseskan kaduo macam kongres nan basijarah itu, sudah barang tantu paralu diadokan parsiapan nan sabaiak-baiak dan samatang-matangnyo, karano 'Allah swt indak ka maubah nasib suatu kaum kalau indak kaum tu surang nan maubahnyo' bak kato ajaran ugamo kito. Kok gagasan ambo ko gadang bana saiknyo, baa kok kito adokan dulu samacam pandahuluannyo, yaitu 'Kongres Kebudayaan Parantau Minangkabau' ? Nampak di ambo, urang Rantau labiah tabuka pikirannyo dari pado para dunsanak kito nan di Ranah. Kok bisa, kito adokan di tampek dimano banyak parantau Minang, saparati di Pekanbaru, Riau; atau di Jakarta; atau kalau paralu di lua nagari, saparati di Nagari Sembilan, Malaysia. Baa pandapek dunsanak sa palanta? Wassalam, Saafroedin Bahar
----- Original Message ---- From: Idris Talu <[EMAIL PROTECTED]> To: [EMAIL PROTECTED] Sent: Monday, August 28, 2006 5:19:15 PM Subject: Fwd: [RGM_GM] Re: [EMAIL PROTECTED] Gagal? jadi pangulu Re: Apo alun paralu kito manilai pangulu nan ado kini ? Assalamualaikum wr. wb., Kanda Saafroedin yang saya hurmati, Saya perturunkan suatu article dari akhbar Utusan Malaysia mengenai urang Iran yang berjaya menjadi entrepreneur di USA. Pakaro ini indak mustahil tajadi di kalangan urang awak. Berita yang di mukasuidkan ialah: UTUSAN MALAYSIA, Ahad, 27 Ogos 2006 Rusia tidak mampu tandingi Amerika Syarikat Oleh: ZIN MAHMUD ANOUSHEH Ansari dijangka menjadi angkasawan pelancong wanita pertama dunia apabila beliau diterima menjadi penumpang kepada kapal angkasa Soyuz-TMA-9 dijadualkan dilancar bulan depan. Dalam sejarah penerokaan angkasa, nama beliau akan diabadikan seperti mana Valentina Tereshkova, angkasawan wanita pertama dunia yang pergi ke angkasa menggunakan Vostok-6 pada tahun 1963. -- ambo karek di siko -- Tetapi pemergian Anousheh ke angkasa ini adalah menarik dan penuh paradoks. Beliau, seorang berbangsa dan kelahiran Iran pergi sebagai warganegara AS dengan menggunakan kapal angkasa Rusia tetapi dibiayai melalui wang sendiri kerana kejayaannya menjadi usahawan berjaya. Kejayaannya sebagai usahawan pula adalah melalui syarikat yang ditubuhkan bersama suami dan abangnya iaitu Hamid dan Amir iaitu Telecom Technologies Inc (TTI) di mana beliau adalah ketua eksekutifnya. --- ambo kuduang disiko -- _Malaysia&sec=Rencana&pg=re_04.htm Sekian dulu dari ambo, Idris Talu (55+) -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
