Assalaamu'alaikum wa rahmatullaahi wa barakaatuhu Mak Lembang Alam sarato sidang palanta Bak kecek Mak Lembang, bukan maimbau tuah surang, bukan pulo pangapik daun kunyik. Satantangan gala ko, tajadi pulo pado diri ambo, Partamo : kutiko ambo ka barumah tanggo, lah diagiahkan sarato dilakekkan gala pas wakatu malam sapatang pulang, ambo diantakan ka rumah anak daro, disinan wakatu nan maantakan lah ka pulang, ditanyo lah sia gala minantu kami, kecek sipangka deklah disabuik gala dk nan maantakan, mako dilewakan ditangah rumah tu sakali, kalau minantu awak baga ....., lai tadanga tu ? Bisuakno, sasudah minum jo makan pagi, wakatu ambo ka babaliak ka umah urang gaek ambo jo sandaran tabuang, manyapo / maimbaulah dunsanak urang rumah ambo nan paliang gadang (padusino), baliau ka mangecekkan jan lamo bana di ateh karano beko siang ka alek pasumandan jadi paralu bahias baganti pakaian (karano kaduduak basandiang), nan jadi pokok carito adolah kutiko baliau manyapo/maimbau ambo, mungkin dek baru atau mungkin talupo, baliau manyapo jo namo ketek ambo (bakabatulan sabalun akad nikah ambo lah kenal pulo jo uni tu dan keluarga urang rumah), tapi dek ambo lah maraso bagala, mako ambo hanok sajo, ambo anggap sajo baliau manyapo / maimbau uda urang rumah ambo nan sanamo jo ambo, lai duo kali inyo manyapo/ maimbau, nan ka tigo mungkin lah takana di baliau, kalau kurang tapek maimbau namo ketek, di saponyo ambo jo gala nan lah dilewakan tadi malam. lansuang ambo jawek, :apo Uni ??, saja mulo itu, lai indak ado nan maimbau namo ketek ambo doh di dalam keluarga jo pasukuan sarato urang di nagari asa urang rumah ambo Kaduo : Kapatang ko ambo dimintak pulo untuak ka maadokan acara, acara kesenian (hiburan) di rantau ko, dan didalamnyo ka diisi pulo acara maagiah gala, tamasuak acara prosesi adatno, baa kok ka buek acara nan sarupo itu, iyo dek karano ujuk jo mukasuk dibaliak itu ado pulo niaik nan takanduang, yaitu dalam rangka pamiliahan kapalo daerah, bakabatulan nan ka calon ko adolah urang disiko nan baurang rumah barasa dari minang urang nan mahubuangi ambo tu, mangatokan, :bara anggaranno, atur sajo lah, nan paralu lai bisa dan terlaksana Alhamdulillah sampai kini iyo indak ambo karajokan acara tu doh Katigo : saroman jo Mak Lembang Alam, ambo dari samulo lah baproklamirkan gala di palanta ko
sakitu dari ambo, rilah jo maaf juo nan bamintak Wassalamu'alaykum w.w. Bandaro Labiah *kajadian nan ambo alami wakatu diimbau dek uni urang rumah utu, ambo caritokan baliak ka baliau, baliau tagalak sajo jadino, Muhammad Dafiq Saib <[EMAIL PROTECTED]> wrote: Assalaamu'alaikum wa rahmatullaahi wa barakaatuhu Manolah mamak Saafroedin BAHAR Soetan Madjolelo sarato dunsanak sa palanta nan adang adok, Aa kan iyo baitu nan ka rancak. Co cubo bana pulolah, lakek-an gala awak tu masiang-masiang, dek karano awak kan lai bagala surang-surang. Muloi kini, di palanta ko sin dulu, mudah-mudahan bakambang ka lua palanta isuak, sabagai ka tando awak iyo lai katuju jadi urang Minang. Bukanno ambo maimbau tuah surang, sajak samulo ambo masuak ka palanta ko sakitar 7 tahun nan lapeh alah sarupo kiniko juo identitas ambo, baiak kok ka masuak dari babagai pintu. Dan nampak di ambo indak banyak nan biaso mamakai gala di siko doh, salain dari babarapo urang. Baru biko sudah itu awak etong paralu indak paraluno gala ko diagiah-an ka urang lua. Baa kiro-kiro? Wassalamu'alaikum, Lembang Alam 55 + 7h Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================