Ass Wr Wb bapak Saafroedin Bahar yth
Pak Saaf
Jawekno hanifah salekkan di bawah
Ambo sabana-bana indak yakin bahaso kamiskinan urang Minang adolah rencana
urang Kristen supayo urang Minang masuak Kristen. Kalau kito miskin, nan salah
jaleh adolah kito sandiri. Jan lupo ka paringatan Allah swt dalam Al Quran,
bahaso Allah swt indak ka maubah nasib suatu kaum kalau indak kaum tu surang
nan maubahnyo.
Mudah-mudahan bapak batua. Baa mangko hanifah punyo pikiran bantuak itu, di
jaman Mega kan nan dibulakang mega batak umumno (bapak tantu labiah tau). Di
jaman mega pasa tiok sacah tabaka, gereja bakambang dengan pesat (di Bengkulu).
Sinetron di TV kayak Dulce Maria dan Betty Lafea nan sangaik disenangi ibu2 RT
dan anak2, itu kan ado mukasuikno di balakang, mantun nan pernah hanifah baco
di koran. Jam tayang no sen dipiliah jam jelang sumbayang Magrib. Ka sumbayang
bakaum kaum, katinggalan dicarito... baparang antaro manonton jo sumbayang...
Alhamdulillah kini nan banyak disajikan sinetron nan banuansa Islam, walaupun
pamainno kadang2 bukan Islam.
Sabagai induak-induak tantu awak waspada juo.
Bulan Januari 2006 dulu di Bukiktinggi pak Gubernur kito adalah maadokan
tatap muka untuak manyusun RPJM (Rencana Pembangunan Jnagk Manangah) baliau.
Kabatulan ambo sato dalam salah satu sidang komisinyo dan manyampaikan pandapek
a la kadarnyo. Ambo alun tahu apo naskah RPJM tu alah salasai diedit dan
diedarkan sasudah paramuan tu. paliang tidak dalam RPJM tu alah ado samacam
'cetak biru' rencana untuak limo tahun barikuiknyo.
Pak Saaf, hanifah orang banuhampu nan pro Ka Bukit Tinggi. Tadi hanifah baco
ado undangan beko malam untuak bahas PP84 di Jkt. Baa polemik PP84 gon dimato
bapak?. Ngomong2 bapak pro kama? Apo alasan bapak? Apo bapak kenal dekat dengan
bapak Mukhtar Naim?
Manuruik pandapek ambo rangkaian partanyaan Ananda tu bukan baburuak sangko,
tatapi pertanyaan nan wajar dari surang intelektual nan bapaduli ka kampuang
halamannyo. Kalau buliah ambo sarankan, karano Ananda punyo latar balakang
matematika, cubolah manganalisa angko-angko statistik Human Development Index
(HDI) Daerah Sumatera Barat tu [ditabikkan Bappenas-UNDP-BPS, bisa dimintak
atau dibaco di kantua Bappeda setempat] dan bandiangkan jo daerah lain. Labiah
rancak lai kalau Ananda maadokan panalitian surang dari angko-angko statistik
nan ado.
Tarimokasi ateh saran bapak.
Ambo sandiri ado manulih wawasan pribadi tantang Minangkabau, sakadar
calak-calak ganti asah. Kalau Ananda baminat, tolong agiahkan ambo alamat
Ananda, nanti ambo kirimkan buku nan ambo tulih jo Ir Mohammad Zulfan
Tadjoeddin MA (2004) tantang Etnik Minangkabau, nan bajudul 'Masih Ada Harapan:
Posisi Sebuah Etnik Minoritas dalam Kehidupan Berbangsa dan Bernegara". Perai.
Alhamdulillah, mokasi banyak yo pak. Tasanjuang rasono hanifah. Kalau alah
sampai buku dun di BKL hanifah bisa salangkan ka kawan-kawan nan mauruih IKM
Bengkulu. Tadi hanifah sms pak etek di Padang, apo pak etek alah pernah baco
buku bapak dun. Eh rupono alun li. Berarti buku bapak kurang promosi di padang?
soalno pak etek hanifah suko baco buku. Pak etek tsb kenal dekat dengan bapak,
dari baliau hanifah tau kalau bapak seorang doktor, abri dll.
Udah dulu ya pak
Wass
Hanifah Damanhuri
.
---------------------------------
Want to be your own boss? Learn how on Yahoo! Small Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
