Bandaro Labiah <[EMAIL PROTECTED]> wrote: Assalamu'alaykum w.w.
Pak Syakani Yusup
mambaco email nan bacarito tantang dendang jo lagu, takana di ambo, mako ambo
cubo kirimkan ciek dendang dari kaset densalo nan baru kalua dari dapua rekaman
Waalaikumussalam w.w.
Ondee.... Mamak ambo(: indak disangko permintaan ambo lai ado nan
mangabuakan,sakalipun ambo nak onde2 dapek buah malako,lai samo
bakarambia,sakalipun onde2 gadang hijau basaka,digigik mamancuik tanggoli ka
iduang namun buah malako walaupun ketek rononyo sirah basusun baatua limo2,kok
diukua panjang jo banyaknyo,haa... iyo kalah onde2 mak.
Baitu banalah gadangnyo hati manarimo pambarian mamak nan antah joa dan bilo
katabaleh,kok bisalah tangan ambo tabang mancari mamak raso ka dirameh kuat
tangan mamak tando girang campua gembira mandanga dendang nan mamak kirimkan.
Demi nak mandanga bingkisan mamak ampia sajam ambo download baru salasai.
lansuang ambo save dan send to desktop.
Mandanga saluang jo musiknyo nan sarasi,takana maso ketek2 dulu,dicubo
maambuih saluang,indak sampai jari manutuik lubang nan ampek,hati nak mancubo
juo,takana bana pai kasawah bao pisau silet potong batang padi babunyi juo
jadinyo,antah dek batang padi nan ketek atau salero lah panuah didalam,bakin
lamo makin baduak bunyinyo.
Tapi walaupun baitu indaklo rusuah bana hati doh dek batang padi indak
mambali mambueknyo indaklo payah bana.
Alah gadang saketek dicubo pulo mambuek saluang ketek,kuk ukurannyo indak
manantu antah nama lubang nan gadang antah nama nan ketek asal batabuak sajo
baukua jo jari sajo,nan pantiang lai babunyi,ambuih surang2 didangau atau
disawah,kok nanpak urang kalalu baranti dulu,lah jauah urang ambuihlo
baliak,lai sampaek mancubo maambuih nan gadang,antah sikola nan indak sampai
makonyo caro kurang kanai,lai babunyi tapi indaklo bisa lamo,antah kok bibia
ndak namuah disuruah lai antah dek angin lah indak kalua,salero mailia diujuang
saluang baserak jatuah kasarawa.
Baitulah kenangan manih maso ketek2 dikampuang dulu.
Lah lamo kisahtu tapaso dilupokan antah dek nasib jauah dari kampuang ataupun
jarang mandanga saluang,tapi dek mamakmamanciang nostalgia ambo,mako tabukak
tambo lamo mak.
Lagu mamak kirim,salam jo doa nan dapek ambo balehkan, panjanglah umua
murahlah rasaki,indak dialamnyato awak batamu antah dialam mimpi mungkin.
Kok sakironyo tajajak tanah subarang jan lupo baimbau jo ambo,sahinggo kiniko
baru baduo sanak sadapuako nan alah basobok muko jo ambo nanpartamo pak Z.S
dari parabek nan kaduo pak Yusri Pusri,mamak bilolah agaknyo kasampai siko?.
Akhir sakali ambo ucapkan tarimo kasi banyak.
Wassalam,
Kani47
---------------------------------
Get your email and more, right on the new Yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
