Assalaamu'alaikum wa rahmatullaahi wa barakaatuh Stupid Question pulo dari ambo, bia sakali jawab dek nan bakompeten. Kalau di Sumbar urang rami bacarito tantang baliak ka nagari, apo lai mungkin nan dikota tu baliak kanagari? Sabok dikota alah tabiaso Lurah dibawah Camat. Kalau saandaino Bukiktinggi babalaik kanagari, mako walikotano jadi walinagari Kurai Limo Jorong. Dari pado diturunkan pangkat jadi walinagari, mako bausaho bana maambiak (kalau indak mancaplok) kanagarian bahkan kecamatan disakuliliangno.
Patanyoan barikuikno, baa jikok Bukiktinggi tu dijadikan kota rang Agam sajo, indak usah sabagai satu kota, tapi kecamatan istimewa di Agam. Lai kanamuah lah ko ah birokrat di Bukik mananggaan bajuno, demi kesederhanaan, simplized, economize pemerintahan? Labiah murah, meriah, dan merakyat. Maikuik kecendrungan global, menggabungkan kawasan. Tapi manyonsong aia gadang di Indonesia nan cendrung seperatis dan bapacah-pacah (Non globalisasi). Daripado abih energi untuak barabuik daerah go eh, baa jikok diambiak bakarajo jo join strategis sajo, nan punyo wilayah tatap Agam sacaro administrasi, tapi hak pengelolaan sacaro ekonomi dilakukan dek Bukiktinggi? Iko dapek sabagai contoh di nasional nantikno. Atau mancontoh pengelolalaan Kowloon samaso Inggirih disinan. Kan nan sabanano antaro Agam jo Bukittinggi tu ado saliang katagantuangan, nan iko diapagadang dan saliang mauntuangkan, jan untuang diawak dan diurang buntuang. Ciek lai nan barupo ususlan, kalau lai tamakan dek nan diateh go eh. Kini bakambang ka manjadi Agam 2 kabupaten: Agam Barat dan Agam Timur, kok iko nan dijadikan baa no. Agam Barat adolah Agam nan punyo pantai nantikno. Dan Agam Timur babupati nan duduak di Bukiktinggi. Jadi tatap Bukiktinggi koto rang Agam. Nan daerah Bukiktinggi kini iyo babaliak ka nagari, nagari istimewa "Kurai Limo Jorong" satingkek kecamatan didalam Agam Timur. Iko akan indak jalan, dek petinggi di Kota Otonomi Bukiktinggi kini, maraso sarawano dipakeketek, eh salah gengsino dipaketek. Nan dimaui kan urang manunduak ka inyo, kini kurisi nan samo akan diparabuikan dek urang diwilayah Agam Timur. Wa'alaikumussalam wa rahmatullaahi wa barakaatuh DM St. Parapatiah -----Original Message----- From: Madahar (madahar) Sent: Wednesday, September 06, 2006 8:21 AM Wa'alaikum salam ww, Dunsanak di palanta, awak ado tanyo ciek tapi mungkin bodoh ko yo... Kalo mamasuak an nagari urang ka nagari awak baa namonyo tu, samo ndak yo perluasan kekuasaan di zaman kerajaan atau Ulando saisuak. Kalo mangecek an urang lain ndak mampu mambangun nagari no, sudah tu diambiak diawak apo itu ndak mangecek an urang lain pandia, awak sen nan santiang. Sakali lai mohon ma'af kok salah awak batanyo. Wassalam Batuduang Ameh -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================