Ass Wr Wb mamak Z chaniago yth He he he tagalak hanifah mambaco tulisan mamak di bawah gon. Bisa kami maklumi baa kok mantun kato mamak, karano mamak urang Maninjau nan dakek ka Lubuak Basuang . Cubo menah jadi urang Banuhampu. Kalau alah mancubo jadi urang Banuhampu silakan bakomentar. Hanifah pribadi sabagai urang Banuhampu, baa kok kareh bana nak masuak Bukittinggi iyo dek alasan diantarono: Soal pandidikan anak-anak. Babarapo wakatu nan lalu (antahlah kini, karano di bengkulu, alah dibukak sekat anak daerah jo anak kota untuak bebas mamiliah sikola nan katuju dino sasuai jo nilaino). Anak sikola dari Banuhampu indak bisa sikola ka Bukit Tinggi. Bagi kami ini adalah pembodohan rakyat. Untuak mamak katahui pulo, urang Banuhampu dari dulu terkenal pintar-pintar dan umumno basikola ka SMA I Bukittinggi (tapi hanifah di SMA 2). Mamak bisa liek asrama Banuhampu dakek UGM, Dakek UI (salemba),dakek ITB dll. Sabagian besar barasa dariu SMA I BKT. Kini tibo di generasi mudoindak bisa sikola Ka BKT doh. Ndak sakik gigi para pelajar Banuhampu nan tasebar di Indonesia di mamak du? Mamak bayangkanlah, kasapakan Banuhampu di buek tahun 1986, saat itu Banuhampu masih indah dengan sawah kiri kanan jalan nan mambantang di sapanjang jalan Jambu Aia - Padang Lua. Kalau kasapakatan itu indak dikhianati dek bapak Mukhtar Naim, mungkin RUKO2 nan manggantiukan sawah nan indah di sapanjang jalan Jambu Aia - Padang Lua alah tatata dengan rapi. Indak basalemak peak doh dan mungkin rel kereta api pun masih bisa disalamaikkan. Karano putra putri Banuhampu banyak nan ahli di bidang tsb. Oh ya Para Pelajar dari Banuhampu gon sabagian besar barado dilua Banuhampu, nan tingga iyo kabanyakkan nan indak palajar. Kalau kareh babn ati mamamk nak tau pandapek Rang Banuhampu baliak tantang masuak BKT atau Agam, silakan rang Agam bikin voting, tapi nan ikuik voting saluruh warga nan barasa dari Banuhampu. Bukan cuman mamintak pandapek walinagari nan di gaji bupati. Itu sen dulu dih Wass Hanifah Damanhuri
Z Chaniago <[EMAIL PROTECTED]> wrote: Assalamu'alaikum WW Singkek sajo.... tulisan cakak banyak itu di dramatisir......nan kaduo paralu jiwa besar dari dunsanak nan tingga Agam sakitaran Bukiktinggi untuak ka Ibukota Agam Lubuak Basuang kok ado kaparaluan jo pemerintahan Dati II..... Nan katigo : ....sorry to say .... : apo bana perbedaan antaro Agam jo Kurai.... Wassalam Z Chaniago - Palai Rinuak - http://www.maninjau.com --------------------------------- How low will we go? Check out Yahoo! Messengers low PC-to-Phone call rates. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
