Assalamualaikum w.w. para Dunsanak, Izinkan ambo manyalo. Ambo juo penggemar sejarah Sumatera Barat, tamasuak sejarah Parang Paderi iko. Ambo indak kamasuak ka materinyo sendiri, tapi ka pemanfaatan pangatahuan sejarah ko untuak kito jo anak cucu kito di maso datang. Jan lupo bahaso Parang Paderi ko lamonyo basilang saliang salamo 34 tahun (1803-1837), dan ado pulo paranan Ulando maadu domba awak samo awak. Indak ado daerah lain nan baparang salamo tu. Dan di akhir Parang Paderi itu disusun apo nan kini kito sabuik ABS SBK, nan sadang kito janiahkan apo bana isi jo bantuak palaksanaannyo. Bahan nan relatif langkok soal Parang Paderi ko, sabana langkok jo caritonyo nan sarokoh. adolah buku Ir Mangaradja Onggang Parlindungan, 'Pongkinangongolan Sinambela gelar Tuanku Rao', dan ado dipunyo dek Dunsanak Asmardi Arbi dan alah ambo copy untuak ambo. Dalam hubuangan iko ado babarapo saran ambo, saparati barikuik. 1. Di lokasi tampek-tampek basijarah dalam Parang Paderi ko dibuekkan prasasti -- bisa diukia di ateh batu gadang sajo, ambiak dari batang aia -- nan mampu mancaritokan sacaro singkek padek apo bana nan tajadi di sinan, langkok jo tahun-tahunnyo. Sudah tu mintak supayo ado surang baduo urang tuo satampek nan bisa mancaritokan, langkok jo dongeng-dongengnyo sakalian, nan bisa manjadi samacam 'senior guides'. Dalam maagiah panjalasana nanti supayo baliau-baliau mamakai pakaian lokal nan lazim dalam abaik ka 19 tu, supayo suasanonyo taraso. Syukur-syukur ado nan pandai pahaso Inggirihm mano tahu ado tamu dari lua. Kalau indak ado ondak baa, kito minta ado panerjemah. :abiah rancak lai, kalau ado nan manyimpan benda-benda basijarah di sinan, buek bana samacam museum mini jo souvernir shops. 2. Sudah tu, buek peta rute paparangan itu, langkok jo tanggal-tanggal paristiwa. Antaro satu lokasi jo lokasi lainnyo, buekkan tando panah gerakan pasukan baiak pasukan Paderi, gerakan pasukan Ulando, dan [mungkin] gerakan pasukan lokal non-Paderi. Dalam peta militer, biasonyo garih-garih panah itu pakai warno, biasonyo biru dan merah. Bisa ditambah, misalnyo putiah untuak Paderi, dan hitam untuak pasukan lokal non Paderi. Kito punyo dunsanak lulusan Akademi Militer di Magelang dan mantan Atase Militer, yaitu Dunsanak Asmardi Arbi. Kito bisa minta tolong ka baliau mambeukkan peta militer ko. Ambo juo paranah badines di militer, dan paranah mandapek pendidikan di Sesko ABRI Bagian Darat KRA XVIII, 1980-1981, saketek-saketek tau juo soal militer, dan kok lai sehat juo, kalau paralu bana basadio jadi salah surang 'senior guide'. 3. Sasakali, misalnyo wakatu libur sikolah, kito adokan acara 'napak tilas' Parang Paderi ko untuak anak-anak sikola jo paminat, baiak dari daerah lain maupun dari lua. Di tampek-tampek nan basijareah tu disambuik dek pasukan Paderi icak-icak, pasukan Ulando icak-icak, jo pasukan lokal icak-ical mamakai pakaian zaman saisuak tu. Ambo paranmah mancaliak acara saroman ti di Charlotteville, dima sagalo tampek basejarah dirawat baiak-baiak, dan urangno mamakai pakaian abad ka 18. Sabana sero. Kalau bisa, di tampek nan basijarah itu manginap samalam duo, untuak manariom panjalasan sejarah sakalian jo manonton kasenian lokal. 4. Kalau mungkin, baa kok indak kito bantuak bana Masyarakat Peduli Sejarah Perang Paderi 1803-1837, nan nantik bisa bakarajosamo jo 'Masyarakat Peduli Kereta Api Sumatera Barat' nan dikatuai dek pak Chaidir. Kalau buliah ambo sarankan sabagai Katuanyo yo Dunsanak Asmardi Arbi nan bakeh tantara tu., bisa ditambah jo para mantan TNI urang awak nan alah pansiun. Baa pandapek dunsanak sa palanta ? Wassalam, Saafroedin Bahar (70th kurang) ---- Original Message ---- From: Sjamsir Sjarif <[EMAIL PROTECTED]> To: Lapau <[email protected]> Cc: Sjamsir Sjarif <[EMAIL PROTECTED]> Sent: Thursday, September 14, 2006 9:57:39 PM Subject: Re: [EMAIL PROTECTED] Melayu Minangkabau - Padri dari al Badriyin
Maa Angku Datuak Endang sarato Rang Lapau nan Basamo, Ambo agak tabulakang mangikuti postiang manganai Parang Paderi ko. Kok buliah ambo batanyo, si ko saketek: 1. AQD (aa kapanjangannyo) nan catatannyo dikutip oleh Datuk Endang? 2. Kok buliah tolong barikan saketek profil dari Datuk Endang sandiri. Mungkin lah panah dikatangahkan dalam perkenalan ka Lapau tapi ambo kurang manyimak. Baitu juo kok dapek manganai ABP (kapanjangannyo), profil dari baliau sabagai tambahan latar bulakang duet antaro Datuk Endang jo ABP ko. Jadi kito Rang Lapau dapek manyimak elok-elok dan kalau paralu kok ado nan ingin mangatangahi saketek. Dari tipak di ambo sakadar mancek namo-namo kampuang sacaro geografis tampaknyo ado nan agak salah sabuik, salah latak, dan kurang jaleh atau kaliru dimaa lataknyo. Misanyo: >Dari Kamang operasi pasukan Padri ditujukan ke luar yaitu Padang Rarab dan >Guguk jatuh ketangan kaum Padri. Lalu daerah Candung, Mungkin nan mukasuik Padang Rarab ko Padang Tarab, nan Caro Awaknyo Padang Tarok, nagari tertimur di Luhak Agam arah Payokumbuah. Sadangkan Guguak, Guguak nan maa? Banyak Guguak di nagari kito, ado Guguak Randah jo Guguak Tinggi (Tabek Sarojo) di Ampek Koto, ado Guguak dakek Ampang Gadang di Pek Mudiak di Ranah Limo Puluah. Kalau nan badakek-dakekan jo Padang Tarok, mungkin nan dimukasuik adolah Ujuang Guguak. >Perundingan itu dilaksanakan di nagari Koto Tangah pada tahun 1808, Ambo lupo dimaa Koto Tangah ko lataknyo? Aa nagari-nagari nan badakokan? >Pertempuran sengit di daerah Luhak Tanah Datar antara pasukan Padri dengan >pasukan Raja berjalan sangat alot. Perebutan daerah Tanjung Barulak, salah >satu jalan untuk masuk ke pusat kekuasaan Minang-kabau dari Luhak Agam, Kaliru. Nagari Tanjung Barulak lataknyo lah jauah bana dari Agam, bukanlah jalan ka Tanah Datar. Tanjuang Barulak lataknyo dakek Padang Gantiang jo Saruaso, badakekana jo Pagaruyuang, indak manga-manga sacaro geografis jo Agam doh. Ado namao nagari nan hampia samo, Barulak sajo, indak pakai Tanjuang, lataknyo di Ranah Limo Puluah antaro Situjuah (Luhak Limo Puluah) jo Tanjang Alam di bawah Tabek Patah (Luhak Tanah Data). Sakitulah dahulu dari ambo, sakadar maenngong-engong ota di Lapau sakali-sakali. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
