Wassalamualaikum w.w. Dunsanak Sutan Sinaro, Maaf agak talambek ambo manjawab e-mail Dunsanak. Sawakatu di Padang ambo juo singgah di DPRD Provinsi Sumbar untuak manamui Dunsanak Drs Sayuti Dt Radjo Panghulu, tapi baliau sadang dines ka daerah. Nampaknyo Ranperda ABS SBK tu masih alun salasai. Dari Padang, tanggal 8 September ambo taruih ka Melaka, salamo di sinan indak sempat basilanca di internet. Ambo baru baliak dari Melaka ka Jakarta tanggal 14 kapatang, manghadiri 'Konvensyen" Dunia Melayu Dunia Islam dan manyampaikan makalah tantang 'Memartabatkan Adat Melayu dari Perspektif Hak Asasi Manusia' ateh permintaan Panitia. Sacaro khusus, amat manarik paratian ambo pangaratian nan dianuik tantang 'kebudayaan Melayu' yaitu 'adat basandi syarak, syarak basandi Kitabullah', Jadi samo jo di awak. Adolah juo manarik, bahaso urang Malayu nan manganut 'adat tumenggung' dan Melayu Islam nan non minang samo sakali indak ado manghadapi masalah tantang ABS SBK ko, karano sistem kekerabatan jo sistem pewarisannyo alah samo jo Islam. Hanyo di urang awak dan di urang Malaysia nan baasa dari kerajaan Negeri Sembilan -- nan manganuik apo nan disabuik 'adat perpatih' ado rangkaian masalah -- nan salamo ko kito bahas sacaro serius di Rantau Net dan di milis abssbk. Sasudah ambo pikia-pikia, mangingek ABS SBK ko adolah juo dasar organisasi dari Gebu Minang, mungkin rancak kalau kito bahas masalah ko dalam suatu seminar Gebu Minang, nan diikuti jo lokakarya (='Semiloka') bukan hanyo pado tingkek Ranah jo Rantau, tapi juo mambao sato para dunsanak kito di Malaysia. Kabatulan ambo jadi Ketua Dewan Penasehat Gebu Minang. Idee ko alah ambo sampaikan ka Datuk Sri Utama Dr Rais Yatim, Menteri Kebudayaan, Kesenian, dan Warisan Malaysia, sawakatu basuo jo baliau di Kuala Lumpur. Baliau cukup hati-hati, dan ingin basuo dulu jo tokoh-tokoh Gebu Minang. Karano kini karajo ambo agak padek saketek, baru bulan muko baru ambo ado wakatu untuak mambuek Karangko Acuan Semiloka tu. Masalah liputan alam Minangkabau nan Dunsanak sampaikan tu paralu masuak dalam Karangko Acuan. Manuruik pandapek ambo, kito batasilah jo Indonesia sajo, paliang-paliang ditambah jo Malaysia, nan dalam perspektif ABS SBK kito bagi dalam duo bagian, yaitu Ranah dan Rantau. Malaysia kito masuakkan ka dalam Rantau. Kalau ado paninjau lainnyo nanti dari lua Indonesia dan Malaysia, misalnyo dari Sydney, oke-oke sajo.
Wassalam, Saafroedin Bahar ----- Original Message ---- From: Sutan Sinaro <[EMAIL PROTECTED]> To: [email protected] Sent: Friday, September 15, 2006 10:17:34 AM Subject: [EMAIL PROTECTED] Pak Saaf Lah sampai dimaa...? Dek ndak ado tanggapan dari pak Saaf, mungkin pak Saaf sibuk, iko ambo ulang baliak. Assalamu'alaikum.w.w. ... Pak Saaf jo dunsanak kasadonyo... Ambo lah tibo baliak di post ambo. Lah mangango pulo ambo baliak maninjau apo nan diotakan urang di palanta ko. Saribu e-mail dipiliah ma nan kiro-kiro kanai atau lai mampakecekkan ABS SBK ko. Tapi indak ado basuo doh salain postingan suran rajo angek. Lah sampai dima pak Saaf ?. Dek takaja-kaja, ,,, indak sempat ambo manamui Drs Sayuti tu do pak Saaf. Tibo di Padang lah tanggal 5, lah basiap pulo ka baliak ka post ambo baliak. Tanggal 8 lah take off dari BIM. Tapi lai ba sempat kan juo mamintak ipa ambo maliek-liekkan buku-buku. Indak basuo Falsafah adat Minangkabau tu doh. Nan dapek diambo duo buku Idrus Hakimi yakni "Pokok-pokok pengetahuan adat alam minangkabau" jo "Rangkaian mustika adat basandi sarak di Minangkabau". Sayang urang tuo kito ko manulih buku bukan nan usali lai sarupo Prof. M. Nasroen. Buku ko lah dipengaruhi oleh "orde baru". Tapi masih bisa diambiak maa nan usali. Nah kini ko, pak Saaf baa malanjuikkan nyo ?. Lah bisa kito buekkan maket nan kadibahas ko ?. Misalnyo tantang daerah Minangkabau tu sendiri, sampai dima ka diberlakukan kok lah jadi ABS BSK ko ?. Apo sasuai jo tambo lamo ?, nan manuruik buku Idrus Hakimi disabuikkan "Minangkabau iyolah" Nan salilik Gunuang Marapi Saedaran Gunuang Pasaman Sajajar Sago jo Singgalang Saputaran Talang jo Kurinci Dari Sirangkak nan badangkang Hinggo buayo putiah daguak sampai ka pintu rajo Ilia Durian di takuak rajo Sipisak pisau anyuik Sialang balantak basi Hinggo aia babaliak mudiak sampai ka ombak nan badabua Sailiran batang sikilang Hinggo lawik nan sadidih Ka timua ranah Aia bangih Rao jo Mapa tunggua, Gunuang Mahalintang Pasisia Banda Sapuluah Inggo taratak aia itam Sampai ka Tanjuang Simalidu Pucuak jambi sambilan lurah Iko manuruik tambo Idrus Hakimi Dt, Rajo Pangulu. Kalau dicaliak iyo laweh daerah pemberlakuan ABS SBK ko kok iko nan kadituruik. Aratinyo, ka timur sampai ka N9 Malaysia, ka barat sampai ka pulau Madagaskar, Ka Utara sampai ka Rao ka Selatan sampai ka Jambi, jo muko muko. Samantaro kotak Ranperda ko hanya SUMBAR... Baa tu pak Saaf ?. ndak paralu iko dibahas ko ?. ... aaa.. iko baru ciek hal ko pak Saaf. Kok disimak... banyak lai ko... Singan iko dulu. Wassalam St. Sinaro --------------------------------- How low will we go? Check out Yahoo! Messengers low PC-to-Phone call rates. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
