Angku St RA sarato Rang Lapau nan Basamo,
Carito-carito maso itu (1833) , Gunuang jo Guguak Sigandang memang
basangkuik pauik. Tapi latak geografis kaduo tampek tu indak di Agam doh.
Gunuang, dakek Batipuah, sadangkan Guguak Sigandang adolah benteng Bulando
nan maarah pancaliakan ka Padang Laweh (Padang Lawas). Wakatu itu 30 urang
bantuan dikirim dari Fort de Kock mati habih sampai anggota terakhir,
Benteng Bukik Sigandang dihancurkan, dibaka sarato jo pinjaronyo. Opsir
kapalo saradadu Bulando wakatu (1833) itu Major C.J. de Quay disarang urang
di Pasa Banauampu.
Manganai carito latak Batang Kampar jo Bonjol tu kadangarannyo iyo ota
rancak, tapi marupokan katarangan geografis nan Sangat Kaliru.
Pangkalan Koto Baru. Batang Kampar indak bahulu di Bonjo doh. Bonjol
talatak dilereng Barat Bukik Barisan, sadangkan Batang Kampar mailia ka
Timur. Pangkalan nan tadarek dari Kampar Kanan adolah Pangkalan Koto Baru,
lapeh ka Ilia ka Aia Tirih, Taratak Buluah, baru ka Palalawan (kapatangko
ambo lalu diPangkalan Kerinci, dimudiak Palalawan) maharuangi "aia bodoh?"
lapeh ka Selat Malaka ...
Bonjol. Akses Batang Aia dari Bonjol adolah ka Barat, ka Batang Masang,
lalu ka Binjai (dapek dilaiai sampai ka sinan) , ka Muaro Tontang (ambo lah
manyubarang di sinan bakaja-kaja dari Koto Alam ka Malampah, 1958), lapeh
ka Katiagan. Akses Pidari Bonjo-Rao ka Barat adolah ka
Palabuahan-papabuahan Katiagan, Sasak,Pasaman, Aia Banngih, Batahan, Natal,
(ambo lah maharuangi pantai dari Aia Bangih ka Batahan jo ka Natal, 1958),
Kunkun, Tabuyung, Singkuan (muaro Batang Gadis, nan dapek maakses
Payabuanganjo Huta Nopan di Mudiaknyo dakek Rao).
Dari Kototinggi ka Bonjo indak ado akses jalan kandaran doh. Misti mandaki
jalan mancik sahari panuah mandaku malalui Bukik Batu Badoro (ambo lah
jalani tu 1958). Wakatu MakBan ka pai ka Koto tinggi patangko (2006) dan
ingin taruih ka Bonjo jo kandaraan, ambo tagahkan, indak bisa doh walapun
di peta Nelles dipaulehkannyo Kototinggi jo Bonjo tu.
Rao. Akses Bonjo ka Timur adolah malalui Rao di Utara nan wakatu itu
(Pidari) di bawah pimpinan Tuangku Rao di Padang Tinggi, sarato Tuangku
Tambusai di Dalu-dalu. Akses Rao ka Timur adolah maialiai Batang Tapuang
Kiri lapeh ka Batang Siak. Pangkalan nan lasuah dilaiai adolah Patapahan
(ambo lah sampai ka Ujuang Batu jo Patapahan patang ko, 2004) baru ka
Pakanbaru lapeh ka ilia ka Selat Malaka.
Dalu-dalu. Sadangkan Akses Dalu-dalu adolah malalui Batang Sokan ka Rokan
Kanan, lapeh ka Ilia ka Bagan Siapi-api.
Itulah sababnyo dalam strategi padaganngan dan power, Trangle Pidari Bondjo
(Tuangku Imam Bonjol) - Rao (Tuangku Rao) - Dalu-dalu (Tuangku Tambusai)
adolah powerful, dapek maakses pantai Timur jo Pantai Barat,
bakuciang-kuciang mancari labo maindakan maliang lua. Tasandek di Pantai
Barat, manguliciak ka Pantai Timur. Main Kuciang-kuciang rang manggaleh ko
adolah carito Mejarah Minang nan sangat manariak kok dipaulehkan
carito-carito lamo sampai kini...
Wakatu parang perjuangan RI dan Pagolakan PRRI, Palalawan adolah tampek
panyaludupan nan pantiang. Buterpra-buterpra (opsir tantara kacamatan) nan
panah manguasoi Palalawan barangkali adolah nan takayo di Indonesia. Kini
kayu-kayu gadang dihanyuikkan malalui Pallawan tu; urang nan
"gadang-gadang" icak-icak indak tahu sajo walaupun lah jaleh asok maunggun
hutan-hutan dek panabangan kayu illgal tu lapeh ka lauik basa ...
Wakatu tu Sukarno ganyang-ganyang-Malaysia-an, barang-barang dari Penang jo
Singapura indak dapek (dipakoknyo) masuak ka Sumatera. Wakatu tu (1966)
ambo di Gunuang Sitoli. Aa nan tajadi ambo caliak dan parajai?
Barang-barang Malaysia indak dapek masuak Pakanbaru jo ka Padang, pantai
Barat, langsuang. Tapi, Gunuang Sitoli wakatu itu manjadi palabuahan smokel
nan pentiang. Barang-barang langsuang dari Penang ka Gunuang Sitoli. Dari
Gunuang Sitoli, kapa-kapa ketek maaiai Sibolga, Padang dan sapanjang pantai
Barat Sumatera, baitu juo lapeh ka Bukittinggi jo Pakanbaru, jo
barang-barang dari Penang tu.
Sakitulah dahulu sakadar koreksi dan mampaulehkan carito-carito sejarah dan
geografi nan ambo alami jo taliti sandiri.
Salam,
--MakNgah
Re: [EMAIL PROTECTED] Adat and Islam: AWAL PERANG PIDARI (PADERI)
-----Original Message-----
From: [EMAIL PROTECTED]
[mailto:[EMAIL PROTECTED] On Behalf Of Datuk Endang
Sent: Monday, September 18, 2006 6:38 PM
To: [EMAIL PROTECTED]
Cc: [EMAIL PROTECTED]
Subject: Re: [EMAIL PROTECTED] Adat and Islam: AWAL PERANG PIDARI (PADERI)
. Kegagalan ini, pasukan Padri mencoba merebut kembali daerah Luhak
Agam. Serangan pasukan Padri ke daerah ini berhasil merebut kembali
daerah Sungai Puar, Gunung, Sigandang dan beberapa daerah lainnya.
, mencari jalan jalur per-dagangan melalui sungai Rokan, Kampar Kiri
dan Kampar Kanan, di mana sebuah anak sungai Kampar kanan dapat dilayari
sampai dekat Bonjol. Hubungan Bonjol ke timur melalui anak sungai
tersebut sampai ke Pelalawan, dan dari sana bisa terus ke Penang dan
Singapura, dapat dikuasai. Tetapi jalur pelayaran ini, pada akhir tahun
1834 dapat direbut oleh Belanda. Dengan demikian posisi pasukan Padri
yang berpusat di benteng Bonjol mendapat kesulitan, terutama dalam
memperoleh suplai bahan makanan dan persenjataan.
_______________________________________________________________
Untuak mengenal lebih dekat lokasi perang paderi ko. Mungkin ado nan tau
dima tu nagari Gunung dan Sigandang di Agam ??
Kalau anak sungai Kampar nan bisa dilayari sampai ka hulunyo dakek
Bonjol ko mungkin sekitar nagari Mahek ( Kapur Sembilan 50 kota yang
kapatangko hanyo bisa dicapai jo kudo baban dari Pangkalan- Dipinggir
jalan PYK-PKU).
Sabananyo access ka lauik dari Bonjol mungkin labiah dakek via Pasir
Pangiraian/ Sungai Rokan. Tapi mungkin ukatu itu Bagan siapi-api, muaro
sungai Rokan lah dikuasai Bulando ??
Wass
St RA
No virus found in this outgoing message.
Checked by AVG Free Edition.
Version: 7.1.405 / Virus Database: 268.12.5/450 - Release Date: 9/18/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
