Lungkek gala amak diraji sitaba dibaliek pakan. Kalau salah nobat io ambo ka
bana samo diamalkan. lamanyo sutan parpatieh sambah tibo pado sutan. Pitalah
pihak di kami sipangkalan di tampek hujan ann barasah paneh nan ba puhan nan
menyusun maa atok pakarajoan di rumah nangko. Kironyo ado sapatah nan ka nangeh
iyo nan kabasabuik rundalang sabuah nan katarabik diri ambo, iyolah. Sungguah
pun nan ka pangah jui nan katarabik dibadan diri ambo iyolah. sungguh pun nan
ka tarabik di badan diri ambo. Bukanlah ciek-ciek karano akanyo gencong karano
kain, sorong lompatan di galanggang tapi ambo ko pai lai jo rundiangan nan
hingga ko pufakek apolah nan manjadi buah pasambahan nan kaba tibokan kabakeh
sutan ya itu adok ka badan diri kami sipanggkalan dek sarik bakaisah di nan
sampik suko batenggang di nan tidak mako ba gantang panantian kami disiko.
mungkin ka basuo sumbang jo salah sasek jo gawa kok tibo indak tabasokan dahang
indak ba mukokan. bak basui tampan jo haratik lelo do
kurenah nan patuik ka latak dihulu tailiekan kami di pabisan di parantiangkan
mohon dimintak banyak-banyak ka rilaan sutan gadang sakian sambah pado sutan.
Ayo ma nyo sutan bandaro lai sutan sambah tibo pado sutan, nitahlah, iyo
kasutan surang tampek ambo mahantarkan sambah tupik nan manjadi ujur mukasuik
ambo iyolah ka pado angku-angku ninik mamak nan gadang basa batuah. Urang
tunggang pucuak nan bulek nagari dahan tampak daun nan barimbun jo pusako
putiek nan labek buah nan ranun makanan urang sa alam. langkok sarato palebo
nan tidak kunjuang padan salaeh nyalo maso didunce bandang nyo sampai ka
akhirat nan duduak nyo balamin kitab tugak nyo rintang jo pituah. Taruih ka
pado cadiak pandai, urang nan arif candokio pandai mahagak mahagiekah kok
runciang indak, angkuek tajamnyo ndak ma malukoi pasak kangkuang kanan tagok
sumarak koto jo nagari, mako dak salangkok ganoknyo la salamnyo ambo kapado
silang nan bapangka ka rajo nan bajanjang nan ma aah nan ba ijo nan mananai
balatakkan pekerjaan diateh rumah gadang. Nangko anjuang pasambahan kapado
sutan bandaro, iyolah ala nan manjadi buah pasambahan ambo mandanga imbauan
sutan
cako gumanta sagalo batang kaduah bakipeh palueh ka dado. bakaja darah ka muko
aplah asbab itu, ariek ka badan ambo. nan ibarek bidaek kaciek nan jolong
sudah. kalangkapan balum lai cukuik balaye ditapi-tapi ka tangah akuik dek
galombang ka pulau gariek dek buayo, lakek pituah sutan baburu, ka padang data
dapek la ruso balang kaki dialua ka tangah padang baburu ka palang aja baru
baraja guru mati disalau surek-surek la ilang, baguncang bumi jo langik
barombak cawek saican bakumpua karang ka tapi, kok karang maotan tangih akan
tetapi sesudah ditimbang makana kabo disilau makan ragu nyatolah nan kalo wajib
di jawab nan gayuang wajib disambuik baala tantang dari pado itu. adok ka badan
ambo kini ko tapek lah bak marangan arang juo. Ibarek pai ma nyampik ko ma
sutan. dicari katiko baicek dipileh mato nan elok mako diambiek. galah salapan
nan lalu, bajalan masuak hutam, lah tibo di rimbo nan satumpak di pandang iko
jo madiek. diliek kiri jo kanan nampaklah siburuang nuri inggok
dikayo nan sabatang sadang mangirai-ngirai sayok sadang ma capek-capek payah
lalu diambiek sumpitan gadang sarato damak nan ba ikue disumpik buruang ateh
dahan sitbo damak diatek bagaluik jo bungo kambang. babenda jo buah ranan
babega-bega jo awan. mako samantaro buruang nak ka tangan di alak kompkalo
sakatiko nan mako mananti sakito lain kadalam banda santan.
---------------------------------
Get your own web address for just $1.99/1st yr. We'll help. Yahoo! Small
Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
