Waalaikumsalam w.w. Ananda Hanifah, Ambo manyasuaikan diri jo gaya Ananda, jawabnyo ambo salek-salekkan juo di antaro kalimaik.Supayo mudah mancari, warononyo ambo buek merah.
----- Original Message ---- From: hanifah daman <[EMAIL PROTECTED]> To: Saafroedin BAHAR <[EMAIL PROTECTED]>; [email protected] Sent: Friday, September 29, 2006 10:03:20 AM Subject: Re: Visualisasi komposisi hipotetik pengaruh adat dan syarak >>> Ass Wr Wb Bapak Saafroedin Bahar yth Pak Saaf Jawekno basalekkan dih SB. Ambo juo mancaliak banyak bana urang awak ko nan pamaleh. Antah dek karano kurang gizi, atau indak basumangaik, atau karano indak ado motivasi dan tujuan dalam iduiknyo, atau dek alah nyaman dijamin dek arato pusako, antahlah. Hal itu paralu kito salidiki bana-bana. Nan jaleh alhamdulillah ambo indak tamasuak kategori tu doh. HD. Mudah-mudahan urang minang nan rajin dan suko bakarajo kareh indak bangih ka awak. Hanifah mancaliak iyo dilingkuangan sendiri. Kawan hanifah nan dari jawa... iyo rajin-rajin, bia padusi maupun laki-laki. Indak talawan rajin no doh. Di wakatu wakatu tatantu, kawan-kawan gon (laki-laki) namuah bagadang sampai pagi di kampus. Mungkin karano bapak kuliah di UGM, jadi caro bakarajo bapak alah samo jo rang jawa. Eh indak mantun sen doh, karano dari ketek bapak alah biaso karajo kareh baiak di rumah maupun di sikola, sampai gaek tabiaso juo :-) SB: Batua tu Ananda. Dalam pangalaman ambo, asa muasa ambo tabiaso bakarajo kareh memang karano didikan urang tuo. Apolagi karano kaluarga kami kan bukan urang barado, sahinggo ambo alah marasokan baa paiknyo iduik bakakurangan. Ado lai nan mandorong ambo untuak bakarajo kareh tu, yaitu ajaran agamo kito bahaso nasib kito kan di tangan awak surang, walau taqdir memang di tangan Allah swt. Karano tu, ambo buso-lah habih-habihan baiak sikola maupun bakarajo. Insya Allah ado juo hasianya sampai kini. Mungkin juo karano ambo tabiaso basamo jo urang Jawa nan rajin, ambo tabao rendong juo rajin. SB. Manganai patanyoan Ananda, " Mungkin ndak jo konsep ABSSBK nan bapak impikan mampu marobah sikap dari karajo surang jadi karajo basamo? dari pamaleh jadi suko bakarajo kareh? ". Ambo yakin sakali, karano kalau 'value system' alah janiah dan struktur sosial alah taintegrasi, apo nan indak ka bisa kito karajokan ? 'Value system' manantukan apo nan kito anggap baik, luhur, dan harus dicapai, sadangkan struktur sosial marupokan mekanisme untuk mawujudkan 'value system' itu. Di urang awak iko bana nan indak jaleh, sadonyo serba kabua, abih di pamainan kato-kato sajo, sarik bana nan mangatokan iyo malakukan iyo. Banyak nan suko manggaliciak. HD. Oh iyo pak... cubo bapak kana-kana baliak parlakuan urang minang ka bapak katiko bapak iduik susah dikampuang, jo katiko bapak alah jadi urang hebat. Bandiangkan jo parlakuan urang jawa katiko bapak jadi mahasiswa S1 (manuruik hanifah pasti bapak masih susah juo du) dan katiko bapak alah hebat. Palajaran apo nan bisa bapak ambiak? Dari pangalaman hanifah... hanifah labiah suko jo parlakuan kawan-kawan nan dari jawa. SB: Walau paik untuak mangakuinyo, tapi jaleh bana bahaso awak ko indak ado haragonyo di mato urang kampuang awak kalau awak indak ado bapitih doh. Mungkin itu nan mandorong urang Rantau pulang tiok hari rayo, rato-rato nampaknyo manunjuakkan inyo alah bapitih dan bisa mambagi-bagi pitih ka dunsanak. Tantunyo juo disampiang memang taragak jo dunsanak. Baiak juo dibandiangkan jo dunsanak kito nan tapaso pulang indak bapitih, umumnyo kan bisa jadi bahan cemeeh dan dilecehkan dek urang kampuang. SB. Tantang karajo kareh ? Kan agamo awak juo nan maaja karajo kareh : 'carilah duniamu seakan-akan engkau akan hidup selama-lamanya, dan carilah akhiratmu seakan-akan engkau akan mati esok pagi' dan ciek lai: 'kefakiran [=kemiskinan] akan mendekatkan orang kepada kekafiran'. Ambo raso banyak lai nan saroman tu. Jadi, kalau urang suko maleh-maleh, inyo sabananyo indak atau alun Islami dalam kulikaiknyo walau ibadahnyo sabana santiang. Iko juo nan digugat dek budayawan A.A. Navis dalam novel 'Robohnya Surau Kami'. Ananda bacolah novel klasik tantang Minangkabau tu. Hebat. SB Ambo salekkan ciek koreksi taradok soal 'kafakiran' di ateh, amanah dari Ananda Ahmad Ridha tantang nash Al Quranulkarim nan labiah kuaik, dan paralu kito pacik dalam mancari rasaki. Saroman ko: Sebelumnya mohon maaf via japri. ... 'kefakiran [=kemiskinan] akan mendekatkan orang kepada kekafiran'. Hadits tersebut derajatnya lemah, Mak, sehingga tidak dapat dijadikan dalil. Baiknya kita gunakan dalil yang shahih, dalam masalah ini dapat kita bawakan firman Allah Ta'ala (yang artinya): "Apabila telah ditunaikan sembahyang, maka bertebaranlah kamu di muka bumi; dan carilah karunia Allah dan ingatlah Allah banyak-banyak supaya kamu beruntung." (QS. al-Jumu'ah 62:10 HD. Dulu hanifah pernah baco. Kalau indak salah intino adolah keseimbangan antaro dunia jo akhirat. Indak kamasuak sarugo bagai doh urang nan Bazikir sen taruih di musajik, tanpa tau jo lingkuangan. SB: batua Ananda. Cuma baa kok indak talaksana nan diajakan dek agamo kito tu, padohal awak tiok sabanta mangkumandangkan ABS SBK ? Iko nan jadi pikiran dek ambo dalam manakuni ABS SBK tu. Kalau ABS SBK ko jalan, tantu alah makmur urang awak di Ranah. Nyatonyo urang awak -- tautamo para petani -- tamasuak nan tamiskin di pulau Sumatera ! SB. Itu antaro lain nan mandorong ambo maajak sagalo dunsanak untuak manjaniahkan ABS SBK ko, bukan hanyo pado tataran nilai, tapi juo pado tataran limbangonyo. Ambo basyukur, walau basiingsuik, kini kan alah mulai manggarik. Tingga mamaliharo momentumnya. Mudah-mudahan apo nan bapak impikan tacapai handaknyo. Amin SB: Tarimo kasih Ananda. Tolong bana jo doa, mudah-mudahan mangkuih. Wass Hanifah Damanhuri Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
