mardia_n <[EMAIL PROTECTED]> wrote: Assalaamu 'alaikum.
Dunsanak sakalian,
Ambo salalu baminat membicarokan masalah moral remaja Islam ko. Di
Malaysia juo masalah ko lah makin parah termasuk narkotika
sintetik/antihistamine (?) yang terbaru yang bukan sajo mamusnahkan
hiduik mereka masing-masing malah membuatkan mereka kejam dan
melakukan jenayah dengan berani. Lah rami yang mati dan koma atau
cedera parah katiko dirampok atau batangka dsb, ibu bapa sendiripun
dibunuh dengan kejam.
Salam kenal Mardia_n.
Jo maoh ambo manyelo,nak batanyo saketek,nan partamo,sanakko Padusi atau
laki2 nan kaduo dima di Malaysia? bara umua? bia sanang ambo mamanggia.
Saketek ambo mangomen tulisan sanak, kok ambo nan mambaco memang lai faham
kasadonyo,tapi rang awak ditampek lain mungkin ado nan kurang mangarati jo
tulisan sanak dek karano banyak bacampua jo caro minang kacukan Malaysia,
idaklah salah hanyo kok dapek jo caro awak nansabananyo labiah rancak,tapi
indak baa juodoh sakurang2nyo dapek pulo mamperkenalkan caro awak disiko.
Manuruik pandapek ambo nanlai sato mancaliak curito TV nan sanak katokan,
istilah urang Malayu,marah nyamuk kelambu dibakar, mukasuiknyo bukanlah TV nan
patuik disalahkan. contohnyo, awak sadang manyupir sacaro batua,malatuih roda
talangga oto urang,mungkinko roda harus dipasalahkan? sakalipun awak manyupir
di jalan nan batua? tantulah indak bukan? nan kadipasalahkan tantulah supir,
baa dek baitu? dek karano supirlah yang ado aka, padohal kalau dicaliak
kajadiantu balaku karano roda pacah,tapi roda tatap indak bisa dipasalahkan,apo
sabab? dek karano rodatu pantiang pulo, indak ado roda tantulah oto indak bisa
bajalan.
Baitu juo Internet,sagalo porno balonggok sagunuang, pasti sanak tau,tapi baa
babukak pulo? dek karono nan bapaidah banyak pulo didalamnyo, kok indak dek
internetkodoh tantulah kito indak bisa batamu jo bacurito.
Jadi.... kuncinyo indak lain indak bukan malahan aja didik kadiri jo kaanak2
kito. Agamo adolah panduan nan paliang ampuh.
Onde sanak ambo... baa dek mambudua pulo mambaco tulisan amboko, ambo bukan
nak mambae sanak doh, biasolah kalau awak mangamukokan suatu pandangan tantulah
mengharapkan perhatian, perhatian indak semestinyo positif sajo, kok indak
batua pandangan ambo,anggap selah Salam perkenalan, nan lain mungkin adolo nan
bapandangan labiah tapek.
Onde mak oiii... lah ampia pukiah ampek pagi, dima kito Sahur? bialah ambo
balanjo makan, mambaia bialah sanak, jamin ambo indak berang..he...he...he...
Salamaek Puaso, Hari Rayo cigoklah sarang ambo, indak jauahdoh dari KL.,
antah kok bajalan kaki.
Akhia sakali, mohon maoh kok tulisan ambo manyingguang parasaan sanak, jan
diagiah ambo badoso.
Wassalam,
Kani47.
---------------------------------
How low will we go? Check out Yahoo! Messengers low PC-to-Phone call rates.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
