Tolong dibaca aturan di footer dibawah --------------------------------------
Assalamu'alaikum.w.w. ..aaaii.. pak Saaf nan ma nan pak Saaf satuju 100 peratus ko ?. Kalau caro baransua-ransua nyo nan disatujui ambo pun satuju, tapi kalau carito sejarah nan mangatokan di zaman 'Ali kw indak tagak hukum Islam, ambek cah. Kito musti bahati-hati, jan mambuek sejarah baputa baliak. Iko adolah duo hal nan babeda samo sakali ko pak Saaf jo Mr. Lembang Alam. (he he he). Di zaman 'Ali kecek sia Islam jo hukum-hukumnyo alun tagak lai ?. Justru hukum Islam tu alah tagak sajak zaman Rasulullah saw. masih iduik. Alah diberlakukan, lah jaleh hitam diateh putiah. Di nagari awak, iko nan indak pernah sampai, yakni pemberlakuan hukum Islam. Jan dikatoan asuang fitanah nan tajadi di zaman 'Ali kw, adolah barometer nan manyatokan hukum Islam indak tagak. Katiko tu pemerintahan 'Ali kw hanyo indak dapek maungkap sia pembunuh 'Usman ra. Asuang fitanah nan tajadi sampai perebutan kekuasaan dek Mu'awiyah ra. bukan pulo barometer nan manunjuakkan hukum Islam indak tagak. Bahkan Muawiyah ra. mamarintah jo hukum Islam. Bara bana ka gadang salah Muawiyah ra. manuruik kito, namun nan baliau ko indak bisa dihujat. Dek aa ?, dek karano baliau adolah sahabat Rasulullah. Meskipun Umar bin 'abdul 'aziz punyo pemerintahan nan bisa dikatokan baliau adolah urang ka limo dari nan barampek, tapi indak dapek disamokan jo Muawiyah ra. tu do. Dek aa ?, dek karano Muawiyah adolah sahabat Rasulullah. Sabab pernah dikecekkan dek Nabi, "jangan kalian mencela sahabat-sahabatku" (al hadits). Sabab ciek lai "debu-debu nan malakek di baju Muawiyah indak samo nilainyo jo 'Umar bin 'abdul 'aziz tu doh" dek karano Muawiyah sahabat Nabi saw, baparang basamo Nabi saw. Ketinggian iman mereka indak bisa ito ukua katiko tu dek karano Islam alun lengap turun lai tapi mereka lah beriman. Kasimpulannyo adolah bahaso pernyataan nan mangatokan di zaman 'Ali kw, Islam dan hukum Islam alun tagak lai adolah kesimpulan yang salah. Soal ketidak berhasilan 'Ali kw maungkap pembunuhan Usman ra, adolah soal karajo atau pelaksanaan, tapi hukum Islam lah jadi undang-undang. Di nagari awak, dari Haji Sumanik, Haji Piobang dan lain-lainnyo sampai di kito kini adolah soal usao ka arah pemberlakuan hukum Islam. Baransua-ransua ndak baa doh, tapi jan dikecekkan indak bisa jo alasan 'Ali kw. Baiklah, iko hanyo sekedar koreksi dari sejarah supayo nan mudo-mudo indak tapesong pulo. Sagalo usao ito ka arah managakkan ABS SBK ko mudah-mudahan diberkati Allah swt. Ciek lai untuak dapek managakkan ko jo caro baransua-ransua tu sakali lai ambo satuju, kito tunda lah dulu urusan arato pusako ko, lah tagak lembaganyo nantik baru dikaji baliak, dek karano kito indak buliah saparo-saparo doh. aaa baitu. Wassalam St. Sinaro --- Saafroedin BAHAR <[EMAIL PROTECTED]> wrote: > Tolong dibaca aturan di footer dibawah > -------------------------------------- > > Waalaikumsalam w.w. Dunsanak St Lembang Alam, > > Ambo cocok saratuih persen jo pandangan Dunsanak. > Mansajalankan adaik jo syarak di nagari awak > nampaknyo memang sabana susah, karano haruih maubah > sistem sosial Minangkabau nan takaik pulo jo sistem > ekonomi perdesaaan nan batumpu ka masalah hak ateh > tanah pusako. Namun baa juo usaho 'harmonisasi' duo > sistem hukum nan babeda ko haruih ditaruihkan, > paliang tidak pado tataran konseptual, karano kito > ingin managakkan ajaran Islam dalam iduik kito dan > karano janji alah dipabuek bahaso syarak mangato > adaik mamakai. Barito baiaknyo adolah kito nan > tingga di kota-kota -- nan baprofesi dalam bidang > industri dan jasa, tamasuak dalam bidang > pamarentahan nan indak lai mamaralukan tanah pusako > -- rasonyo labiah mudah managakkan aturan Islam ko > saratuih persen dibandiangkan jo dunsanak kito nan > masih manakuni bidang pertanian. > > Wassalam, > Saafroedin Bahar > > > ----- Original Message ---- > From: Muhammad Dafiq Saib > <[EMAIL PROTECTED]> > To: [email protected] > Sent: Wednesday, November 8, 2006 6:54:02 PM > Subject: [EMAIL PROTECTED] Islam Jo Adaik Minangkabau > (dari file lamo) > > > Assalaamu'alaikum wa rahmatullaahi wa barakaatuhu > Dari file lamo, > Wassalaamu'alaikum > Lembang Alam > Islam Jo Adaik Minangkabau > Panahkah Islam tagak sacaro utuah di Minangkabau > sarupo di jaman Rasulullah? Balaku hukum Islam > sarupo nan ado dalam al Quran, lalu kudian > masyarakat Islam patuah dan taat kasadono? Jaleh > indak. [....] > Jaleh indak mungkin katalok dek sia juo doh > managakan Islam ko sacaro utuah, dari contoh sajarah > nan alah dicaliak. Indak talok dek Haji Miskin, Haji > Piobang jo Haji Sumanik(?) di bantu dek Peto Syarif > doh.. Namun usao jo niaik tatap ado. Dibueklah > kompromi. Itulah kudian nan diikrarkan sabagai > Adaik basandi syarak, syarak basandi kitabullah > Urang nan nyalang matono sugiro pulo tau nan bahaso, > ibaraik alang-alang, bak kecek nyiak Sunguik, > bamban, payah manaik-anno dek ado nan barek di > dalam Adaik basandi syarak, syarak basandi > kitabullah ko. Salah satu bagian dari kompromiko > adolah ungkapan, Syarak mangato, adaik mamakai. > Dalam kanyataan saari-ari ado nan tabedo. Nan jadi > bahasan nan indak kunjuang abih den urang-urang tuo > alim ulamo awak yaitu masalah pusako warih.[...] > Tapi adaik itu tatap juo nan taradat dan nan > diadatkan. Jadi kabaa lai, kadisudahi sajo sampai di > sinan kaji. Manuruik ambo indak. Adaik basandi > syarak, syarak basandi kitabullah ko iyo bana > dipakai sarupo urang mangaji, diansua dari alif, ba, > ta sabalun sampai ka ujuang kaji. Dimuloi > saketek-saketek malatak-an di barihno, dimuloi > mansajalankan adaik cako jo syarak. Mako banyaklah > ulama-ulama awak, tamasuak buya Hamka, malapehan > sajo hakno ateh pusako tinggi dan indak sato-sato di > sinan, indak sato mampusakoi sudah itu indak sato > pulo mampusakoan. Walaupun akiano ampia-ampia di > sinan juo bunyi kaji. Sawah taruko nan di warihkan > nek tuo saisuak kini masih dibawah kandali mak tuo > dan akan di lapehanno pulo biko ka anak no nan > padusi. Nan laki-laki bialah makan bareh babali di > rantau. > [..] > Kini bola lah sampai ka awak. Awak alah mardeka, lah > bisa mangecek-an putiah tu iyo putiah, nan hitam tu > iyo hitam. Lah lapeh lo dari kungkuangan politik > panjang salamoko. Kiro-kiro lah patuik kok dicubo > usaoko baliak. Mansajalankan adaik urang Minangko jo > syarak, manjadian syarak sabagai padoman iduik > masyarakat Minangkabau. Tapi sakali lai, iko iyo > baban barek singguluang batu goh. Jan capek amek > bamimpi baaso usaoko samurah mambaliak-an tapak > tangan. Kiniko pulo lai, di saaik moral umaik sadang > centang parenang. Namun sakali lai tatap harus > diansua. Darimaa ka dimuloi. Kalau ambo satuju jo > ibda bi nafsika, muloi jo diri awak surang-surang. > [...] . Marilah kito muloi jo Bismillah. > Wassalam, > Lembang Alam > Jatibening, 28 Mai 2000 > > -------------------------------------------------------------- > Website: http://www.rantaunet.org > ========================================================= > * Berhenti (unsubscribe), berhenti sementara > (nomail) dan konfigurasi keanggotaan, > silahkan ke: http://rantaunet.org/palanta-setting > * Posting dan membaca email lewat web di > http://groups.yahoo.com/group/RantauNet/messages > dengan tetap harus terdaftar di sini. > -------------------------------------------------------------- > UNTUK SELALU DIPERHATIKAN: > - Hapus footer dan bagian yang tidak perlu, jika > melakukan reply. > - Posting email, DITOLAK atau DIMODERASI oleh > system, jika: > 1. Email ukuran besar dari >100KB. > 2. Email dengan attachment. > 3. Email dikirim untuk banyak penerima. > ================================================ > ____________________________________________________________________________________ Do you Yahoo!? Everyone is raving about the all-new Yahoo! Mail beta. http://new.mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
