Tolong dibaca aturan di footer dibawah --------------------------------------
Waalaikum salam,wr,wb. Dunsanak ambo Ridwan Mahmud Sirin (RMS) sekeluarga nan ado di Jeddah, kota nan pernah ambo jejaki dan dibaok bajalan bakuliliang di malam hari menikmati indahnyo suasana malam di kota Jeddah jo dunsanak kito ko 2 tahun nan lalu. Kenangan nan tak talupokan, sampai kini masih tabayang. Keakraban keluarga dunsanak RMS, anak bini beliau manarimo kami di rumah beliau dan ambo jo rang rumah ambo disajikan makan malam basamo jo keluarganyo tu. Sakali lai, kenangan nan tak talupokan. Kini alah taragak pulo nak batamu, tapi apo dayo kito bajauahan, untuak itu walau agak talambek ambo mambaleh email ko (dek karano baru tabaco) ambo ucapkan "Minal Aidin wal Faizin mohon maaf lahie jo bathin". Pabilo pulang ka tanah ayie??? Tentang kepengurusan RN nan ado namo dunsanak RMS ko didalamnyo, itu adolah ateh usul dan ambo nan manyantumkannyo. Tapi ambo indak tahu kelanjutan organisasi ko. Ambo tingga di palembang, jauah dari Jakarta. Kalau tak salah Ketuanyo wakatu itu adolah Ajo Buyuang, antah baa kolah kini, Ajo Buyuang jarang mancogok di RN ko. Kok Tan Bandaro Labiah, lai acok mancogok di RN ko, sapo2lah beliau. Tentang pengalaman kanai hujan labek di Masjidil Haram ko, kamipun alah pernah mengalaminyo. Wakatu itu tgl 23 Januari 2004 hari Jumahaik, sasudah mambaco salam suok jo kida, tibo2 datang hujan labek. Ambo sumbayang di lantai paliang ateh Masjidil Haram, barabuik-rabuiklah kami mancari palindungan, ambo balinduang di pinggir kubah nan tigo buah tu sampai sajam kamudian hujan baranti, ambo mancaliak urang dibawah pincuran ameh Ka'bah dilantai bawah barabuik pulo mandi di ayie nan turun dari pincuran ameh tu. Sasudah itu baru bisa turun ka lantai bawah dan mancari makanan pahangekkan badan. Itulah nan pernah ambo alami. Salam untuak keluarga di Jeddah. Wassalam, HM Dt.Marah Bangso & Keluarga > Assalamua'laikum wr.wb, > > Salam hormat dan indak lupo ambo mu ucapkan "Ied Mubarak" minal iudin > wal faizin untuak sanak kasadonyo di palanta RN. > > Ambo anggota lamo tapi jarang bana mancogok..kalo buliah sakali lai iyo > maaf nan ka ambo pinto. > > Ambo, kalo dicaliak di AD/ART posisinyo adolah anggota RN nan TIMTENG > yaitu meliputi Mesir dan sekitarnyo dan ambo sendiri ado di kota Jeddah. > > Untuak mak ngah, tamu nan dari Qatar bisa mangontak ambo di 02-6454291 > atau 0504 383 151..kok lai nan bisa ambo bantu,, > > Sakali lai untuak dunsanak di RN, pak Datauk Haji Mulyadi, pak Zulharbi > permohonan tu akan ambo edarkan InsyaALLAH, indak lupo Kapten Darul, > urang Bogor..dll salam dari ambo. > > wassalam, > > ridwan m sirin > ======================================== > > Sjamsir Sjarif <[EMAIL PROTECTED]> wrote: > Asalamualaikum warahmatullahi wabarakatuh, > > Sasudah sms ambo tarimo dari Angku Jeffry barangkek (limo urang > sakaluarga) dari Doha (Qatar) jo bus travel ka Makah, ambo baleh sms tu, > dapek kaba dari Makah: > > (1). "Alhamdulillah Mak, km lah sampai di Makah maghrib kapatang, > langsuang > tawaf, sa'i dan tahalul. Wakatu sa'i putaran katujuah tapisah jo anak > bini, > panek bacari-carian, batamu 3jam kmdn, kiniko sakaik-sakik rasono batih > dek > jarang pulo excercise balakanganko. Jumat siang tadi di Masjidil Haram, > Allahaurabbi ramino ummik." [Jeffry Zein, sent 8:30am 10-20-2006] > > Sabagai sambuangan sms Angku Jeffrey Zein dari Makah, nan mancaritokan > pulo > hujan patuih di Masjidil Haram, sasudah ambo talipon mandanga casrito > lisan, ambo salinkan pulo babarapo sms bgaruntun dari Angku Jeffry. [mh > dalam sms tu kapendekan masjidil haram]: > > (2). Tarimo kasih banyak MakNgah lalah manalepon. Memang sadang balungguak > urang Mak, apolai malam ko adolah mlm ganjia terakhir Ramadhan tahun ko. > Tadi siang wakatu manunggu shalat Jumat tadanga macam bunyi guruah datang, > urang tagak katakutan, untuang bunyi ntun capek hilang, kalau sempat ado > nan mulai lari tadi, pasti lah kan banyak korban nan jatuah/ tainjak. > alahamdulillah ya Allah, anak bunsu jo suluang dkk 3 brsdiadok-an mbo, it > was veryscary sound Mak. [Jeffry Zein, sent 10:58 am 10-20-06] > > (3). "2:05 pm tadanga bunyi guruah, 2:20 muloi hujan labek jo badai, urang > nan bajalandi palataran mh/hilton banyak nan tapleset/jatuah dek kancangno > angin. > 2:30 dek kancangnyo angin hujan di sakita Ka'bah barubah bantuak jadi > kabuik aia sahinggo Ka'bah nampak samar-samar, Allahuakbar, Subhanallah > pakiak urang rami, nan tawaf tatapa jalan taruih." [Jeffry Zein, sent > 4:53:32am am 10-21-2006] > > (4). "Di lua MH banyak nan tajilapak dihantam angin, mbo lari ka dalam jo > pakaian kuyuik, nan sdng baihram di dlm tantu kuyuik juo. Sajam kamudian > hujan patuih tu baranti." [Jeffry Zein, sent 9:36:3am 10-21-2006] > > Sakitulah dahulu, kok ado kaba dari Makah kito sambuangkan pulo nanti. > Mudah-mudahan kito di Lapau ko dapek carito langsuang dari Angku Jeffry > nanti manganai pangalaman bahari raho di Kabah. > > Salam, > --MakNgah > >>Fri Oct 20, 2006 4:24 pm >>Sjamsir Sjarif >>[EMAIL PROTECTED] >>Sanang ambo dapek sms dari Angku Zein mulonyo sabalun barangkek dari Doha >>(Ad Dauhah, Qatar), kini lah sampai sadang umrah di Makah. >> >>Angku Jeffry tingga di Doha, pakai bus travel dari Doha ka Makah, 22 jam. >>Sampai di Makah mugarik langsuang tawaf, sa'i jo tahalul. Sumbayang >> jumaat >>sabanta ko kecek baliau iyo sabana Allahu-rabbi banyakno umaik. Pajalanan >>baliau sakaluarga 5 urang10 hari pulang baliak jadi bahari rayo di >> Masjidil >>Haram. >> >>Salam, >>--MakNgah -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
