Tolong dibaca aturan di footer dibawah
--------------------------------------
Assalamu'alaikum,wr,wb.
Dari undangan nan ambo tarimo, Gebu Minang akan maadokan HBH pado tanggal
18 November ko batampek di Graha Bhakti Budaya Taman Ismail Marzuki
Jl.Cikini Raya No.73 Jakarta Pusat. Akan hadir pemuka2 masyarakat Betawi
dan duo Gubernur Sumbar & DKI. Acara cukuik padek, ado kesenian dari
Minangkabau dan kesenian dari Betawi sendiri.
Pado jajaran Panitia taliek Nirina Zubir ikuik manjadi Panarimo Tamu dan
Apak beliau Yth. Ajo Buyuang (H.Sutan Zubir Amin) sebagai Pengarah. Di
Bidang Umum taliek pulo namo Marskl Pertama Azmy Dt.Tumangguang (Ketua KAN
Sulit Air) memperkuat barisan Panitia dan banyak nan lainnyo seperti
Brigjen Armein Dt.NanBakupiah, Iqbal A.Abdullah Dt.Rajo Ameh (sebagai
Bendahara), Is Anwar Dt.Rajo Perak dan dr.Fasli Jalal PhD sebagai
Panasihaik.
Ketua Panitia HBH ko adolah Rang Kayo Sulfah A.E.Jamin dan Sekretarus nyo
Bpk Drs.Irwan Husein.
Dan tak lupo sebagai Panangguang Jawab acara ko adolah Ketua Umum Gebu
Minang Yth Bpk. Mayjend TNI (Purn) H.Asril H.Tanjung,S.IP.
Kito doakan samoga acara ko sukses handaknya dan dapek manjalin keakraban
duo etnis gadang Minangkabau dan Betawi.
Wassalam,
HM Dt.Marah Bangso
Rang dapua RGM GM di Bumi Sriwijaya
---------------------------- Original Message ----------------------------
Subject: [RGM_GM] Re: Gebu Minang akan mengadakan HBH tgl 18 Nov 2006 ?
From: "Ir. H. Mulyadi" <[EMAIL PROTECTED]>
Date: Thu, November 16, 2006 11:28 pm
To: [EMAIL PROTECTED]
--------------------------------------------------------------------------
Assalamu'alaikum,wr,wb.
Dunsanak RGM GM Mania kasado alahe, ketek indak basabuik namo gadang
indak baimbau gala. Sasuai jo jabatan ambo di GM yaitu salah satu Wakil
Sekjen nan tingga jauah dari Pusek nun disana di Bumi Sriwijaya,
seperti apo tujuan utamo kito mambuek Milist RGM GM ko adolah untuak
tali kasiah dan jembatan informasi antaro sesamo kito urang awak dimano
sajo barado. Tapi apo kenyataannyo salamo ko ambo hanyo batapuak
sabalah tangan, wakil2 sekjen nan ado di Jakarta bahkan Sekjen sendiri
indak pernah mancogok disiko, apo tah lagi malewakan info tentang HBH
Gebu Minang ko nan ambo danga dari kaba angin akan diadokan tanggal 18
November 2006. Ternyato info tu bana dengan ambo tarimo undangan resmi
dari Panitia HBH GM tadi siang nan digabuang basamo nan lain untuak
beberapo urang pengurus GM nan barasa dari Palembang.
Kondisi iko sangaik ambo sayangkan, tapi kaba juo lai, kok ambo
papanjang baeko samo jo manapuak ayie di dulang nan akan kanai muko
sandiri. Itulah kondisi kito kini, alun namuah memanfaatkan teknologi
canggih untuak mamudahkan karajonyo. Padohal info ko bisa kito
sampaikan disiko sahinggo labiah banyak urang tahu, labiah
tersosialisasikan ka seluruh pelosok tanah ayie bahkan ka mancanegara,
antah kok undangan terbatas pulo ...??? ambo indak pulo tahu tentang
itu.
Tapi baiklah ambo lewa kan disiko undangan tu nan ditujukan ka ambo
dengan berstempelkan VIP di halaman muko amplop (mungkin dek ambo
adolah salah seorang wakil Sekjen barangkali ???). Dek karano milis
kito ko indak buliah bakirim attachment mako ambo cubo manyampaikan
dalam bantuak tulisan agar dunsanak dapek mambayangkan betapa meriahnyo
acara nan akan dibuek tu nantik.
Di amplop tatulih "HALAL BI HALAL 1427 H & SILATURRAHMI BERSAMA PEMUKA
MASYARAKAT BETAWI"
Dibawah lambang Gebu Minang tatulih pulo "KELUARGA BESAR GEBU MINANG
DAN ORGANISASI MINANG DI JAKARTA"
Dibawah kida tatulih "TANGGAL 18 NOVEMBER 2006 / 1427 H DI TAMAN ISMAIL
MARZUKI Jl. Cikini Raya No.73 Jakarta Pusat"
Pado lembaran undangan halaman cover sasudah logo GM tatulih "KELUARGA
BESAR GEBU MINANG DAN ORGANISASI MINANG DI JAKARTA, HALAL BI HALAL 1427
H & SILATURRAHMI BERSAMA PEMUKA MASYARAKAT BETAWI dan TANGGAL 18
NOVEMBER 2006 / 1427 H DI TAMAN ISMAIL MARZUKI Jl. Cikini Raya No.73
Jakarta Pusat"
Halaman kaduo tatulih "ACARA DI Gd.GRAHA BHAKTI BUDAYA TAMAN ISMAIL
MARZUKI"
1. ACARA ADAT
a. Ilustrasi Musik Saluang/Bansi dan kesenian Betawi.
b. Bedug Lebaran.
c. Shalawat Nabi SAW.
d. Tari Persembahan.
2. LAPORAN
Laporan Ketua Panitia
Sambutan Ketua Umum Gebu Minang
Sambutan Ketua Umum Bamus Betawi
Sambutan Gubernur Sumatera Barat
Sambutan Gubernur DKI Jakrta
Do'a
3. HIBURAN
- Orkes Gumarang
- Band El Tango
- Campursari Minang
- Tari-tarian Minang
- Tari-tarian Betawi
- Baca Loteh (mungkin mukasuiknyo baciloteh?)
Pado halaman katigo tatulih :
Assalamu'alaikum Warahmatulllahi Wabarakatuh
Sebagai Kaganti rokok nan sabatang sirieah nan sakapua, kami silang nan
bapangka karakok nan bajunjuang mengharapkan kapado
Bapak/Ibu/Saudara/Saudari, sudi kiranya maurak selo maayunkan langkah
menghadiri acara :
Halal bi Halal 1427 h Keluarga Besar Gebu Minang Dan Silaturrahmi
Bersama Pemuka Masyarakat Betawi Yang Insya Alah akan diadakan pada :
Hari/Tanggal : Sabtu, 18 November 2006
Waktu : 19.30 - 22.00 WIB
Tempat : Graha Bhakti Budaya TIM
Jl.Cikini Raya No.73 Jakarta Pusat
Atas kehadirin Bapa/Ibu/Saudara/Saudari kami ucapkan terima kasih.
Wassalam
Rang Kayo Sulfah A.E.Jamin (Ketua Panitia)lengkap dengan tando tangan.
Dt.Irwan Husein (Sekretaris Panitia)lengkap dengan tando tangan.
Ado stempel Panitia HBH Gebu Minang diantaro kaduo namo diateh dan
dibawahnyo, Mengetahui Ketua Umum GEBU MINANG Mayjend TNI (Purn)
H.Asril H.Tanjung S.IP lengkap dengan tando tangan.
Catatan :
- Undangan berlaku untuk 2 orang (Undangan harap dibawa)
- Pakaian (dress code)
Pria = Taluak Balango / Baju Koko Betawi
Wanita = Baju Kurung Minang / Baju Encim Betawi
- Dimohon tidak membawa anak-anak
- Mohon konfirmasi kehadirannya disampaikan kesekretariat Gebu Minang
dengan Ibu Warni : 021-856 1603 / 0812-822 0321
Pado halaman terakhir atau kaampek tercetak seluruh nama Panitia HBH
labiah kurang 49 urang.
Itulah sekilas tentang undangan nan ambo tarimo, dan sekaligus ambo
sampaikan, kami dari Palembang akan hadir beberapo urang sasuai
undangan nan dikirimkan ka kami, utamo sakali Ketua kami angku
Dt.Bagindo Malano, Faisal Mursyid,SH (Sekretaris Bidang Adat & Agamo),
ambo sendiri (salah seorang Wakil Sekjen) dan beberapo nan lain nan
sadang kami konpromikan, sebab kamipun sadang manyiapkan HBH BMKM
Sumsel tgl 26 November 2006 nan akan dihadiri Bpk Menteri Sosial,
Gubernur Sumbar dan Gubernur Sumsel.
Kurang labiah mohon maaf kok tasingguang dek kanaiak talendo dek
katurun, ka Tuhan ambo mintak ampun.
Wassalam,
HM Dt.MB (hampia satangah abad)
--- In [EMAIL PROTECTED], [EMAIL PROTECTED] wrote:
>
> Ass,wr,wb.
>
> Info nan ambo danga, Gebu Minang akan maadokan HBH pado tanggal 18
> November 2006.
>
> Semoga Panitia nan terlibat dapek malewakan informasinyo agar kito
bisa
> hadir basamo-samo pado acara HBH tersebut.
>
> Wassalam,
> HM Dt.MB
> Wakil Sekjen nan jauah dimato dakek dijari nan masih rajin basorak di
RGM GM ko.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email, DITOLAK atau DIMODERASI oleh system, jika:
1. Email ukuran besar dari >100KB.
2. Email dengan attachment.
3. Email dikirim untuk banyak penerima.
================================================
