Tolong dibaca aturan di footer dibawah --------------------------------------
Ass Wr Wb bapak Saafroedin Bahar dan dunsanak kasano di palanta Pak Saaf Pak Nedi alah manyabuikkan juo ka kito bahwa nanti malam (tadi malam) akan diadokan HBH IKM. Sasudah basuo jo bapak, hanifah singgah dirumah kawan. Kawanpun maajak untuak datang ka acara tsb dan maagiahkan undangan ka hanifah. Bagageh hanifah maiyokan...Sampai di rumah langsuang basiap siap... Sasudah magrib eh turun hujan labek, padahal alah lamo sangaik hujan indak turun di Jogja dun, kato rang Jogja. Tabik ragu... eh ndak lamo di telpon kawan.. capeklah uni, beko indak dapek tampek. Tampek acara di Gedung Grha Sabha Pramana UGM Di undangan tatulih kato2 sarupo iko ha Walau jauah di rantau urang Bia dihoyak gampo gadang Tangih nan usah dipapanjang Ratok nan usah dituruti Rindu bacampua jo taragak Babimbiang arek jo bajabat tangan Kito lapeh Syawal basamo samo Di Halal Bi Halal kito basuo Kaganti siriah jo pinang Panuka rokok nan sabatang Disusun jari nan sapuluah Jo muko janiah hati nan putiah Kok lai kandak ka babari Kami mananti alek nan datang ..... Tamu nan datang diantarono adolah: Gub Jogja, Gub Sumbar, Ir Azwar Anar, Syafii Maarif (penceramah HBH) dll. Hanifah agiah tau bapak... lalu tasunggiang senyum hanifah katiko bapak manitip salam kadunsanak...Soalno sabanyak dun nan datang.. iyo indak ado nan kenal doh.. kasialah salam bapak kadisampaian go ha. Tapacak kagum panonton wakatu panari piriang malonjak lonjak di ateh kaco... Puncak kakaguman katiko bapak Gamawan Fauzi malagikan lagu JASO MANDE dan dilanjuikkan jo lagu aduh lupo judul no itutuh lagu di sinetron bunda JASO MANDE Sambilan bulan sapuluah hari Manangguang ragam saba mananti Manyabuang nyawo basarah diri Darah tatumpah manyiram bumi Jolong tadanga rengek jo tangih Hilanglah jariah sananglah hati Handakkan ameh babungkah bungkah Handakkan perak indak tabilang Kok hati mande nan dilukoi Bumi manyumpah Arasy baguncang Alamaik hiduik takkan salasai Bak cando kayu digiriak kumbang Jaso mandeh indak katabaleh Bia babungkah perak jo ameh. Lagu ciek li... ,,, Andaikan engkau datang kembali Jawaban apa yang harus ku beri ... Indak kalah pulomdari gub Sumbar, gub jogjapun sato pulo malagu Judul laguno BIARLAH BULAN BICARA ... Jangan kau ulangi Cukup derita sampai disini ... Wow luar biasa... kato MC alun pernah ado duo Gub nan manghibur rakyaik diwaktu nan samo li. Jam 11.30 malam, rombongan gub meninggalkan ruangan. Jelang meninggalkan ruangan ada beberapa yang bersalaman dengan rombongan tersebut. Begitu melihat ada peluang.. Hanifah ikuik pulo basalam. Mulo-mulo jo pak azwar Anas...lalu hanifah sampaikan salam bapak ka baliau... Trus hanifah kebagian pulo basalam jo Pak Gamawan (namo gama adolah singkatan gaja mada karano baliau lahia katiko ortuno kuliah di Gama). Hanifah sampaikan pulo samal bapak kabaliau, kato pak gamawan " dari Jakarta?". Bukan pak, tadi pak Saaf ngajar di UGM (icak - icak jadi mhs bapak nih).Trus hanifah bilang lagi.. Pak titip salam ke pak achiarly Djalil ya. Jawek bapak " Apanya bapak achiar ", langsung hanifah jawek " anak kakaknya" (anatahlah antah lai tau bapak gamawan kalau bapak achiar bukan tungga babeleng tapi masih punya saudara sebapak antah indak). "Namanya siapa" tanyo pak gamawan, "Hanifah" jawek hanifah. Duh angek no ati Sudah itu hanifah agiah tau bapak kalau salam bapak alah hanifah sampaikan, lupo kalau hari alah tangah malam (maaf yo pak) Alhamdulillah... Nikmat Tuhan yang manakah nan hanifah dustakan Wass Hanifah Damanhuri --------------------------------- Cheap Talk? Check out Yahoo! Messenger's low PC-to-Phone call rates. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
