Tolong dibaca aturan di footer dibawah --------------------------------------
Assalamu alaikum ww. Sebagai rang awak ingin ambo batanyo pandangan sanak sapalanta nan mangatahui, ambo raso soalanko mungkin alun ado urang nan batanyo, salalunyo awak bacarito asa usua Minangkabau,adaek dan sabagainyo. Kini ambo nak mangatahui satantang Gala, mulo2 gala maso paja, biasonyo kalau ado kalainan di badan atau banyak namo nan sarupo, mako untuak mamudahkan maimbau urang nan dimukasuik lansuang se diimbau galanyo,jadi urang nan sanamo jo inyo tau baraso itu untuak di anu, misalnyo, banyak nan banamo si Buyuang atau si Ujang, mako untuak manantukan siujang nama nan dimukasuik diagiahlah gala misalnyo si Ujang bagok, si Ujang lanjuang,sibuyuang kenek dsb. Bilo babini dinagari,atau babini dirantau,bilo pulang kanagari, mako lah pasti akan diagiah gala, ado nan ditarimo dari gala famili sandiri dan ado pulo gala diagiah bako. Diantaro kapalo gala adolah,Sutan,Mangkuto,Rajo,Sidi,Bagindo,Marah,Katik,Sino,Sinaro,Palimo,Bandaro,Pangeran,Datuak,Pangulu dan mungkin banyak lai nan ambo indak tau,mungkin juo dinagari lain,lain pulo bunyinyo. Jadi nan kaambo tanyo,apo bana mukasuiknyo mako Rang Awak mesti bagala kalaulah babini? Adokoh bagala tu diwajibkan? kok indak bagala apo nan katajadi? Cuma ado pulo nan ganjia, kalau induak bareh indak rang awak, indak pulo ado nan mananyo gala, jadi.. lainko kaduduakkannyo? Mungkin ambo banasib baiak walaupun umua 16taun manapi kadarek subarang, lai dapek induak bareh rang awak juo,nan basobok samo2 disubarang,jadi,bilo pulang kampuang diagiahlah dek mintuo gala, nasib ka elok lai pulo dapek sacaro gratis. Gala nannyo agiah Sutan Palindih, Palindih tu indak pulo ambo tau apo aratinyo, mungkinko aratinyo Sutan ndak bapitih? Mintak pandapek basamo??? Wassalam Kani47 __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
