Tolong dibaca aturan di footer dibawah --------------------------------------
Para Dunsanak sa palanta, Assalamualaikum warahmatullahi wa barakatuh, 1. Mungkin banyak di antaro kito nan indak –atau kurang – tahu bahaso dari tanggal 28 sd 30 November 2006 nan lalu batampek di Hotel Inna Muara di Padang alah balangsuang ‘Kongres Kebudayaan dan Apresiasi Seni Budaya Minangkabau 2006’. Kongres iko dibuka jo dialog jo Gubernur Gamawan Fauzi dan membahas 12 buah topik nan disampaikan dek 25 pemakalah. Sebagai koordinator batindak antaro lain para Budayawan Wisran Hadi, Nusyirwan Efendi, dan Darman Moenir. 2. Sacaro kabatulan, Dr Mochtar Naim jo ambo diundang sabagai ‘pengamat budaya’ untuak manyampaikan makalah tantang dilemma nan dihadoki masyarakat Minangkabau Modern dalam malaksanakan ABS SBK. Tema iko salamo ko lumayan dalam kito kunyah-kunyah malalui forum Rantau Net ko, dan banyak saketeknyo alah dapek kito cari jalan kaluanyo malalui penggunaan samacam matriks ABS SBK. Matriks ABS SBK tu alah ambo perkenalkan dalam Kongres Kebudayaan Minangkabau itu. 3. Kok ado di antaro para Dunsanak nan baminat ka makalah ambo tu, silakan manghubungi ambo malalui japri, nanti ambo email. 4. Sacaro khusus dalam makalah ambo, ambo maminta paratian kongres taradok duo hal, yaitu a. Paralunyo konsistensi jo koherensi dalam rumusan dan tindak lanjuik ABS SBK, khususnya dalam masalah sistem kekerabatan dan sistem pewarisan, karano ado masalah nan indak pas bana antaro adat Minangkabau nan matrilineal jo ugamo Islam nan patrilineal. Masalah ko sacaro janiah alah diuleh sacaro mandasar dek Ananda Rahimah Rahim,M.A. b. Adonyo duo subetnik Minangkabau nan sacaro lambek laun alah timbua dalam perkembangan zaman, yaitu Subetnik Minangranah nan bamukim di Provinsi Sumatera Barat, nan sabagian gadang bapancarian dalam bidang pertanian; dan Subetnik Minangrantau nan bamukim di lua Provinsi Sumatera Barat, nan sabagian gadang bapancarian dalam bidang industri, perdagangan, dan jasa. Beda mato pancaharian ko tanyato ado pangaruahnyo taradok caro bapikia dan caro iduik sahari-hari. Ambo manyarankan agar dalam Kongres Kebudayaan Minangkabau mandatang, sacaro resmi diundang wakia-wakia dari Subetnik Minangrantau iko. 5. Dibandiangkan jo Kongres Kebudayaan Minangkabau tahun 2004 nan juo paranah ambo ikuti, rasonyo ado langkah maju dalam kongres nan lalu iko, saparati nampak dalam Rumusan Kongres sabanyak limo halaman. Salain sacaro labiah realistis mangakui kakurangan nan ado di kalangan kaum adat jo ulama, juo alah mulai taraso kainginan untuk mancari jalan kalua sacaro labiah realistis dan sacaro bakarajo samo antaro para fungsionaris adat, alim ulama, sarato umara, dan para cadiak pandai. Sacaro umum kongres iko diorganisasikan dan ditangani dengan baik. Alhamdulillah. 6. Di akhir Kongres ambo manyarankan agar diadokan Lokakarya untuak manindaklanjuti rumusan kongres tasabuik. 7. Khusus dalam hubungan jo topik dilema ABS SBK nan dipicayokan ka Dr Mochtar Naim jo ambo, dapek ambo kutipkan rumusan kongres tasabuik sabagai barikuik. a. “Pada umumnya pembicara dan penanggap menyarankan perlunya langkah konkret yang bisa diaplikasikan sebagai tindak lanjut dari kesimpulan kongres. Banyak kongres dan seminar tentang Minangkabau yang telah diselenggarakan, ada kesan pengulangan beberapa tema pembicaraan. b. Kesepahaman dan kesepakatan yang sama tentang ABS SBK mutlak diperlukan, sehingga implementasinya bisa dijabarkan dalam tingkat operasional. c. Pendidikan dan institusinya bisa berperan besar dalam menanamkan nilai-nilai ABS SBK pada generasi baru. Perlu disiapkan suatu silabus yang jelas untuk mata pelajaran BAM (Budaya dan Adat Miangkabau), buku-buku pendukung yang kredibel, serta tenaga pengajar yang memadai. d. Adanya upaya serius yang sedang berlangsung di beberapa daerah, terkait usaha-usaha pendidikan/pewarisan nilai adat dan agama, sebagai dua hal yang tidak terpisah, sesuai ABS SBK, antara lain adanta TPAA (Taman Pendidikan Agama dan Adat) di Sungai Pagu, dan pelaksanaan pilot proyek pelajaran BAM di 15 sekolah dalam kabupaten Agam dengan pendekatan pada perubahan perilaku, bukan hanya sekedar penambah pengetahuan/wawasan. 8. Tambahan rumusan pada Sidang Pleno. a. Mengemuka pemikiran untuk mempertegas komitmen dan peran utama Minangkabau mewujudkan dan mempertahankan NKRI. b. Memperkokoh dan merevitalisasi pelaksanaan nilai-nilai kesepakatan [Bukik] Marapalam. c. Merevitalisasi nilai-nilai adat dan syarak diarahkan kepada peningkatan pendidikan dalam pembentukan watak, kepemimpinan dan kepeloporan Minangkabau. d. Perlu Kompilasi Hukum ABS SBK, yang secara historis yuridis telah memiliki landasan, yaitu Kompilasi Hukum Islam. 9. Disetujui oleh Sidang Pleno tetapi entah mengapa tidak tercantum dalam rumusan, adalah saran Dr Mochtar Naim, agar dalam pelaksanaan ABS SBK secara terpadu dibentuk Dewan Adat dan Syarak sejak dari tingkat nagari, kecamatan, kabupaten/kota , dan provinsi. 10. Sudah barang tantu talaksana indaknyo rumusan Kongres Kebudayaan Minangkabau ko tagantuang kapado tindak lanjuiknyo. Sacaro pribadi ambo maajak para dunsanak sa palanta nan alah sato dalam wacana ABS SBK sabalum iko, khususnyo Ananda Ny Rahimah Rahim M.A, Ananda Ir Endang Pahlawan dan lain-lain untuk malanjuikkan langkah nan alah kito muloi sampai tuntas, sahinggo kalau bisa akhir tahun 2007 alah ado draft/1 Kompilasi Hukum ABS SBK, nan tadiri dari duo komponen, yaitu : pengesahan Kompilasi Hukum Islam tahun 1991, ditambah jo samacam lex speciali dari hukum adat Minangkabau nan kompatibel jo ajaran Islam. 11. Izinkan ambo manyarankan agar di tiok kota di Rantau diadokan diskusi ketek-ketek untuk marumuskan materi Kompilasi Hukum ABS SBK ko nan sabaiak-baiaknyo, khususnyo tantang masalah sistem kekerabatan dan sistem pewarisan manuruik adat, nan alun sasuai bana jo katantuan Islam. Khusus dari ambo, ambo harookan agar kito rumuskan basamo masalah 'punah' jo masalah ranji/silsilah/family tree nan sasuai jo ajaran Islam. Hasilnyo nanti ambo taruihkan ka Panitia Kongres Kabudayaan Minangkabau di Padang, apo akan dibahas dalam lokakarya dalam waktu dakek atau dibao ka Kongres Kebudayaan Minangkabau nan akan datang. Talabiah dahulu ambo ucapkan tarimo kasih banyak. Sampai disikolah daulu. Wassalam, Saafroedin Bahar (70th kurang) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
