Tolong dibaca aturan di footer dibawah
--------------------------------------
Mak MDS, urang palanta sadonyo,
Salamaik Hari Rayo Haji, jo sakalian salamaik tahun baru, semoga di tahun
2007 ko kito bisa mahilangan kemiskinan di kampuang kito.
Ambo batanyo ka urang palanta sadonyo, dek karano ado nan taganja di hati
soal Qurban ko he. Tarutamo satalah mambaco postingan Mak MDS ko. Baa co itu?
Disiko Mak MDS manyabuikan jumlah peserta qurban labiah banyak dari tahun
sabalunnyo jo jumlah hewan nan dipotongpun baitu. Tapikia dek ambo nan awam ko,
bararti urang nan patuik mandapek daging qurban tu makin banyak. Kalau ambo
asosiasikan panarimo daging qurban jo taraf kehidupan nan kurang, bararti tiok
tahun urang miskin di Ina atau di kampuang makin batambah. Apo iyo co itu? Ambo
harapkan indak co itu doh. Kok jumlah peserta qurban kok nan batambah barati
kemakmuran nan ado, karano inyo sanggup baqurban. Sisi ka duo ikolah nan ambo
rencanakan ka dibahas.
Carito soal qurban ko di kampuang, hampia samo, panguruih musajik jo panitia
qurban babangga hati kalau mancaliak jumlah hewan nan kadidabiah ko batambah
banyak dari tahun ka tahun. Tapi ambo makin sadiah dek nyo. Salain dari alasan
nan di ateh tadi ( makin banyaknyo nan miskin), ciek lai, banyak pulo dagiang
ko nan sia sia se jadinyo. Tiok panarimo kupon daging qurban mandapek saplastik
daging dari satu surau, dari surau nan lain inyo dapek pulo. Kadang inyo dapek
dari 3 surau. Kalau dikalian se saplastik tu isinyo sakilo, jadi dapeknyo
sakitar sakilo jo tigo kilo. Kok dek nan panarimo kupon tadi dimasak daging tu,
paling ndak inyo harus mangaluaan pitih ka pambali langkok langkoknyo paliang
saketek antaro 10 ribu jo 20 ribu untuk sakilo daging, dikalian jo 2 atau 3
kilo daging. Apo mungkin nan pitieh sabanyak tu dipagunoan untuk hal nan lain,
misalnyo pambaiea uang sakola anaknyo.?
Ambo batanyo ka nan pandai dalam soal ko tantang ide nan ka ambo kamukokan :
Co iko: Kok misalnya iyo lai buliah, pitieh peserta qurban nan dikiro balabiah
untuk pambali jawi atau kambiang nan ka didabiah untuk sabatas jumlah panarimo
kupon, apo lai munkin dipakai untuk : a). pambali langkok langkok ka pamasak
dagaing tadi bagi keluarga nan pantas mandapek dagiang tadi tu? b). Kok lai
masih balabiah juo, apo mungkin pitih qurban tadi tu bisa dijadikan dana abadi
untuk sikola anak keluarga miskin di sekitar musajik. Dengan demikian dana tadi
tu bisa dipakai untuk kak nan paralu. Ambo sacarô pribadi indak satuju kalau
pitih se nan ka diagiahan ka ybs. Tapi misalnyo dibalian langkok langkok. Atau
dibaiean langsung ka uang sikola anak nan basangkutan. Atau untuak kaparaluan
nan lain. Kalau diagiah se pitieh ka nan pantas mandapeknyo, ambo raso indak
ado gunonyo. Karano bara se lah banyak e pitieh nan ka diagiahan, pastilah
indak ka cukuik. Dan hasilnyo pasti jauh panggang
dari api. Caliek se contoh dana panolong BBM na sekitar 300 ribu sabulan.
Banyak nan bagaduru pai maambiek pitieh tu untuak ka dibalanjoan ka nan indak
paralu. Ciek lai, musajik atau surau alah patuik dijadikan pusat ekonomi atau
menggerakan sisi ekonomi sesuai jo keadaan dilingkuangannyo. Contoh se ambo
sabuik an ciek, di Eropa ( Perancis, Belanda atau Belg ia antara lain, banyak
lingkungan gereja nan mampunyoi bisnis dalam hal pabrik keju, pabrik bir,
pabrik anggur, dll). Seharusnyo musajik di awak bisa mancantoh ka nan elok ko.
Baa kiro kiro sanak?
Sakitu se
Heri(43+)
Muhammad Dafiq Saib <[EMAIL PROTECTED]> a écrit :
Tolong dibaca aturan di footer dibawah
--------------------------------------
Assalaamu'alaikum wa rahmatullahi wa barakaatuhu
Carito parintang hari.....
Kemarin, kami memotong 8 ekor sapi dan 34 ekor kambing
kurban. Suatu peningkatan nyata dari tahun lalu,
bahkan jauh lebih baik dari tahun-tahun sebelumnya
pula. Kami para warga yang bekerja memotong
hewan-hewan tersebut, kecuali untuk memotong dan
menguliti sapi. Kami bekerja keras, benar-benar
bekerja keras mencencang tulang, memotong dan membagi
daging kurban dan memasukkannya ke dalam
kantong-kantong plastik. Dan kemudian
membagi-bagikannya kepada warga miskin yang tinggal di
sekitar kompleks perumahan kami.
__________________________________________________
Do You Yahoo!?
En finir avec le spam? Yahoo! Mail vous offre la meilleure protection possible
contre les messages non sollicités
http://mail.yahoo.fr Yahoo! Mail
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email, DITOLAK atau DIMODERASI oleh system, jika:
1. Email ukuran besar dari >100KB.
2. Email dengan attachment.
3. Email dikirim untuk banyak penerima.
================================================
