Tolong dibaca aturan di footer dibawah
--------------------------------------
Assalamu'alaikum w.w.
Angku2 Niniak Mamak sarato Dunsanak2 nan ambo hormati,
Angku Saafroedin Bahar St.Madjolelo nan hambo hormati
Sebagaimano nanlah disampaikan oleh beliau angku Saafroedin Bahar
St.Madjolelo, bahwa kita sebagai Masyarakat Minang basamo-samo
mampatukuak-tukuakkan pandapek untuak mancari satu kebenaran yang mudah2an
bermunfaat buat kito atau generasi selanjuiknyo. Dudak surang basampik-sampik
duduak basamo balapang-lapang.
Alang jo kekek barimakan,
Barilah makan buah anjalai,
Panjang jo singkek kito paulehkan,
Mudahan disinan mungkasuik mangko tacapai.
Mako dari itu ambo akan mancubo mangemukankan pendapek sebagai bahan nan ka
kito renungkan basamo, atau sebagai cala-calak kaganti asah mananti tukang
alun tibo, kok untung cancang tadaek jadi ukia, rachmat tibo dari Allah. ambo
langkahkan sapanjang kaki, ambo jambokan sapanjang tangan, ambo ujuikkan saabih
faham, abih akan faham baranti abih dayo badan talatak.
Sabalun kito mambicarokan tentang Gala, ado beberapa hal nan ingin terlebih
dahulu ambo samapikan. Ada tiga hal nan merupakan tiang penyanggah berdirinyo
adat Minangkabau, jika salah satu dari nan tigo tadi kito hilangkan mako
Minangkabau sajo tinggal namo sajo antara lain adolah ;
1. Sistem kekarabatan Matrinial, yaitu bernasab kepad Ibu.
2. Sistem Sako jo Pusako.
3. Perpaduan Adat dengan Agama Islam, yaitu Adat Basandi Syarak Syarak
Basandi Kitabullah (ABS-SBK)
Yang akan kito bicarokan pada saat ini adolah nan kaduo yaitu sitem Sako Jo
Pusako.
a. Pusako ialah harta benda nan indak bagerak seperti; Sawah ladang banda
buatan, bada baliku turun bukik, sawah bajanjang dinan lereng, ladang bapetak
dianan data. Cancang tarah urang dahulu tambilang basi urang tuo-tuo, indak
buliak dihilang dilanyokan, dijua indak dimakan bali di gadai indak dimakan
sando, jikok hilang dicari, tabanam diapungkan, anyuik di pinteh, luluih
disalami. Salah satu tugas Penghulu atau datuak basaroto mamak2 dalam atau
sukunyo di Minangkabau, adolah manjago haratotu jangan sampai bakurang, karano
disitulah tritorialnyo seorang Penghulu nan bagala datuak didalam kaumnyo.
Jikok haratotulah habih mako indak paralu lai kaum itu bapanghulu, karena indak
ado lai tanah tampek bapijak, nan jahuah dapek ditunjuakkan kok dakek dapek
diantakan. Dan sebagi hak pakai terhadap harato itu diserahkan kepado
kemanakan nan perempuan, itu hanya sebagai bukan hak milik.
b. Sako adolah gala, dan galako diberikan kepado kemanakan nan Laki-laki
sebagai pewaris. Galako terbagi duo nan pertama Gala pemangku Adat, yaitu gala
Penghulu nan bagala Datuak nan secara umum disebut niniak mamak. Penghulu
jabatannyo, Datuak gala pusakonyo, niniak mamak Korupnyo. dan beliau disebut
sebagai Nan Gadang Basa Batuah.Maksudnyo adolah.
Beliau digadang oleh kaumnyo dipayung nan sakaki ditombak nan sabatang,
tanduak dibanan darah dikacau daging dilapah, adat di isi limbago dituang,
kalawik pelang balayea ka rantau kulansing dilapeh kanagari siriah bajalan,
itulah dia batagak gadang. Beliau basa dalam sukunyo yaitu mempunyai daerah
kekuasaan, ditanah nan sabingkah dirupuik nan saalai, yaitu sawah ladang bada
buatan.....dst. disitulah beliau mangbek areh mamancung putuih dengan kata
mufakat. Kato tapegang dek panghulu runding tasimpan dianan rapek, awa jo akia
lai sapakat, laia jo batin lai sasuai.Batuah maksudnyo adolah, beliau sebagai
pusek jalo kumpulan ikan nan kamambulekkan kato, bulek kato jo mumfakat buleh
aia ka pambuluah, tuah kato sapakat cilako kato basilang, bakarih indak
sampono, bingkisan rajo majo paik, tuah basabab bakarano, dapek batenggang
dinan rumik.
Nan kadua gala nan basipat umum sepeti Sutan, Bagindo, Pakiah, Mantari dll.
secara arpiah memang alun seluruh gala nan dapek di aratikan, itu bagi ambo,
bagi penghulu nan lain mudah2an bisa.Dan pada umum nyo gala itu adolah harapan
seperti St.Mangkuto aratinyo adolah Sultan Nan Bemah Kota, semoga bermah kota
atau di hormati, Sutan Pamenan, semoga menjadi pamenan patang jo pagi. Sutan
Batuah, semoga bertuah ucapannya. Kalau Sutan Palindih, kalau ambo indak salah
Palindih, asal katonyo dari Lindih yaitu mandatakan, jadi bisa sajo orang yang
bijak sana kok tibo dimamapek mandatakan. Namun di baliak itu, hikmah galako
manuruik ambo sangat besar artinyo dan galako biasonyo di imbaukan oleh Mituo
kito yaitu keluarga dari pihak istri kito, konon kabanyo dahulu dan kini
sebagian mintuo sangat tabu maimbaukan namo minantunyo, mako harus bagala. Gala
adolah sebagai Stabilisator, pada zaman dahulu dan kinipun masih ado, jika
seseorang diimbaukan galanyo, mako orang tersebut terkejut, langsung mampaeloki
duduak dan pasang baju dan kupiahnyo, baru dia jawab
sampaikanlah angku. Sekitar satu bulan sebelum puaso kapatang nangko ambo
pulang kakampung ka Maninjau, disitu bagian dari prosesi pernikahan dan
perkawinan pada malamnyo harinyo diadokan mandoa, yaitu doa naik marapulai
namonyo, yang dihadiri oleh keluarga dari piah marapulai dan masyarakat
lingkungan, mako dalam acaronya ado saketek sambah manyambah, mako salah satu
dari tamu di samabah oleh tuan rumah dengan memanggil galanyo, kebetulan dia
indak bakupiah, mako tapasolah beliau itu manyalang kupiah urang nan di
sabalahnyo baru dia jawab sambah itu.
Dan biasonyo di lapau urang asik maota, dan adang2 otatulah indak takandali
lai, lah indak lamak didanga talingo, mako urang nan mandangan otatu, biasonyo
berinisiatif maimbau gala urang nan maotatu, mako urangtu akan sadar dan maliek
kiri kana adoko keluarga mintuo atua ipa bisan, karano biasonyo nan maimbaukan
galatu adolah keluarga dari istri.
Sakitu dulu dari ambo angku Saafroedin Bahar St.Madjolelo, sebagai bahan
paalehkan nak samo kito cari tukuak jo tambahnyo, kok panjang tolong dikarek,
kok singkek tolong diuleh, kok talatak ditapi tolong mangatangahkan, kok ado
nan bisa katangah nak samo kito paliaro.
Dan kepado angko niniak mamak ambo baharap,
Ambo nan bukan cadiak pandai,
Alemu di Tuhan tasimpannyo,
Kok senteng tolonglah bilai,
Tando panghulu saandiko.
Wassalam,
Azmi Dt.Bagindo
Saafroedin BAHAR <[EMAIL PROTECTED]> wrote:
Tolong dibaca aturan di footer dibawah
--------------------------------------
Assalamualaikum w.w. Dunsanak Syaukani Yusuf,
Salamaik Hari Rayo Idul Adha juo untuak Dunsanak sakaluarga. Tantang soal gala,
nampaknyo memang ado baiaknyo kito kunyah-kunyah, paliang indak
kaparintang-rintang wakatu. Kalau bisa kito cari bana apo latar belakang
sejarah jo filsafatnyo. Dunsanak Syaukani Yusuf alah manganalisa babagai
kamungkinan arati gala-gala tu. Kito tarimolah dahulu panjalasan atau renungan
Dunsanak, sambia manunggu panjalasan dari para penghulu manganai soal ko.
Kito arokkan Angku Azmi Dt Bagindo basadio mamulai pancarahan untuk kito soal
gala adat ko, karano salamo ko memang alun banyak kito katahui. Untuak paratamo
kali kito dangalah dari baliau apo sijarahnyo gala baliau 'Datuk Bagindo'. Ambo
sandiri indak tahu baa sejarah dan apo filsafatnyo gala ambo 'Soetan Madjolelo'
tu.
Babaliak kito ka masalah nan ambo ajukan, baa caro kito maagiah panghormatan ka
urang nan kito hormati dan kito haragoi jasonyo. Apo kito aniangkan sajo ?
Wassalam,
Saafroedin Bahar
----- Original Message ----
From: syaukani yusup
To: Membangun Minangkabau yang Bergengsi
Sent: Saturday, January 6, 2007 11:10:34 AM
Subject: Re: [EMAIL PROTECTED] Balasan: Re: Gala Minangkabau; arati gala jo
kanyataan bisa balain bana
Tolong dibaca aturan di footer dibawah
--------------------------------------
Waalaikumussalamww.
Manda Majo basarato sanak kasadonyo, ambo muloi jo ucapan Salamaek Hari Rayo
Idul Adha Salamaek taun baru tarimo kasi diateh respon Manda pado tulisan ambo
nan memang ambo tunggu2.
Mambaco tulisan Manda mambuek ambo tatagun jo tagalak.
Sabalun ambo taruihkan,ingin ambo mohon maaf dek karano kurang arif,maklumlah
keteklai lah tabang katanah subarang,kok pandapek ambo dibawah bisa ditarimo
aka,Alhamdulillah, kok indak,minta ambo dibari pitunjuak.
Manuruik pandapek ambo,
Gala bukan hak Mutlak Orang Minang Kabau,gala ado dimano2 diseluruh Dunia
Cuma mampunyoi presepsi yang berlainan tapi kaarah tujuan nan samo.
Rajo,Pangulu,Datuak,Ulubalang,Palimo,
Atau nan muderennyo Presiden,Gubernur,Camat,Wali,Mantari
Imam,Katik,Malin dsb.
Ado dimarato Dunia,Malaysia mengekalkan sistem beRaja sekalipun Negara diurus
oleh Perdana Menteri,Arab masih mengamalkan sistem beRaja,begitu juga Jepang
dan banyak Negara lain lagi,Sadangkan dinagari awak hanyolah marupokan
diSalingka Adaek atau Nagari sajo.
GALA diciptakan dek Rang Tuo2 saisuak batujuan sabagai penghormatan kapado kaum
laki2 sabagai pamimpin nan disasuaikan jo taraf kadudukan kepimpinan seseorang
itu.
Dek karano namo adolah pakaian kasado Manusia makonyo bersifat umum bukan
manunjuakan ciri jo jinihnyo.
Contohnyo:
UMUM Oto
CIRI Bus Sedan Jeep
JENIS Kijang Toyota Datsun dsb.
Gala diagiah sabananyo manunjuakan KAPIMPINAN&KEKUASAAN
Mako Sipencipta maambiak anan kagala berpandukan kapado apo nan:
1. MANONJOL
2. MENAWAN
3. NAN TINGGI
4. NAN INDAH
5. BAKUASO
Atau nan manjadi sebutan umum nan maambiak tampek paliang gadang dihati
Masyarakat
Diantaronyo:
Nan manunjuakan
DIMULIAKAN : DIHORMATI : DISAGANI : DIPATUHI atau DITAKUTI
Dibidang AGAMO Imam,Katik dan Malin
Mako wujutlah gala Imam Tanameh, Katik Marajo, Malin diateh
terkecuali Malin Kundang.
Dibidang KUASA Rajo,Pangulu,Datuak,Sutan,Palimo,Mantari
Dibidang HANDAL Sati,Batuah,Manjinjiang Alam,Batuduang Langik dsb
Dibidang DITAKUTI Rajo Aniayo,Rajo Angek Garang,Tiang Bungkuak,Baruak Panjaguang
Biawak Kasek Singo Barantai dsb (dlm lagenda)
Jadi manuruik pandapek ambo,kalau gala nan diambiak dari pelbagai espek indak
bisa dijadikan hak Mutlak kito.
ADAEK BASANDI SYARAK,SYARAK BASANDI KITABULLAH.
Dicaliak dari sandinyo sajo lah jaleh bukan hak Mutlah.
Kito liek pulo dari segi Perkawinan,Laki2 bukan Minang Bini Minang kalaunyo
Tingga di Minang dalam jangko ukatu nanlamo,mako inyo akan diserapkan kapado
mano2 Suku nan sasuai salain suku Bininyo,basuku baarati bagala.
Jadi manuruik pandapek ambo,maagiah gala kapado bukan Urang Minang bukanlah
suatu prilaku curang kapado Adaek, kan biaso awak caliak di tipi Presiden itu
dapat anugerah ini dan itu dari Negara A yang dilawatinya.
Karano Gala nan diagiah hanyolah suatu Penghormatan nan indak mangurangi hak
dan milik awak, tapi kok nan diagiahkan tanah jo kuaso ha..tu iyo gadang
kasalahannyo.
Nan tanyo ambo masih alun tajaweklai, walaupun ambo mangatahui satiok gala
adaektu pasti mampunyoi arati nan rancak, adolah amaek paralu awak mangatahui
arati sabutan galatu.
Cubolah Mamak bayangkan gala awak nan punyo tapi aratinyo indak tau batanyo
paja indak dapek dijawab,Samolah jo Urang nan fasih balagu rancak dapek nomor
satu mambaco Kuraan tapi ciek indak tau aratinyo,atau baoto awak,batanyo urang
indak tau awak namo ototu, rancak baju awak batanyo urang apo mereknyo,indak
dapek awak manjawabnyo, onde mak oii.... indakko seso rasonyo?
Ibaraek bajalan indak tau arah. kan bisa badabua masuak tabek.
Hanyo sabahagian dari galatu nan bisa difahami, nan baarati Kenamaan Kemuliaan
Imam,Rajo,Sutan,Makmur dsb.
Tapi kalau Palindih,Sampono,Marah,Mangkuto,Sidi,Sino,Sinaro dan banyaklagi?????
Cubo Mamak tanyo kapado Sanak kito nan bagala nan diatehtu laiko baliaw
mangatahui arati nan sabananyo,kok lai tolong dilewakan,kok indak samo2 baraja
awak kanantau, tapi bialah agiah arati nan sabananyo.
Marajo Lelo aratinyo rancak NAN BAKUASO PANUAH cuma disalah aratikan atau nan
mamilikinyo manyalah gunokan kuaso mako bisa disalewahkan Urang kapadu BAA NAN
KARANCAK DINYO.
Gala Mamak masih bisa diaratikan dan difahami mukasuiknyo nan sabananyo
sakalipun bisapulo ditunggang burayangkan urang.
Caliaklah dari segi Namo, apo panduan gaek kito maagiah awak namo dulu,diambiak
dari namo Urang Malin dengan harapan anak akan ikut orang punya nama, dari
orang yang berhasil dari kata2 yang enak didengar.
Walaupun anaknyo cacat,pasti indakka nyo panggia dari segi itudoh,sakalipun
kawan2 anaknyo atau rang kampuang maimbau, sibuyuang pengka siujang teleang
siudin tengkak
dsb.
Onde mak oi... lah panjangbana carito ambo Mak, antah lah kama2lo painyo,
sabalun badabua masuak tabek rancaklah ambo baranti sampai siko dulu
Wassalam&tarimokasi.
Palindih48
Assalamualaikum w.w. Dunsanak Syaukani Yusuf,
Manuruik panglihatan ambo, fungsi gala tu adolah indikator dari identitas
saasurang di dalam sukunyo, sasuai jo pepatah 'ketek banamo gadang bagala'.
Untuak kaum adat, gala itu juo menunjuakkan posisi kepamimpinannyo di dalam
sukunyo surang. [Sekedar catatan: apo baliau nan basangkutan memang sacaro
nyato ado malaksanakan tugas kapamimpinan tu atau indak tantu paralu dikaji
sacaro khusus].
Gala urang awak ko yo sabana hebat-hebat, tapi nampaknyo indak ado kaitannyo jo
arti kato-kato dalam gala itu. Urang nan bagala "Sutan Manjinjiang Alam" indak
bararti inyo raksasa satinggi 50 meter. Bisa jadi inyo malah kuruih ketek !
Ambo sandiri jarang mamakai gala ambo "Soetan Madjolelo" nan arati harafiahnyo
tantu si 'sutan nan sewenang-wenang'. Lucu kan? Juo agak jarang manyabuik suku
ibu ambo Tanjuang, karano indak ado fungsinyo sama sakali dalam iduik ambo,
baiak sawakatu ambo badinas di Ranah maupun samaso kini bamukim di Rantau.
Hanyo kudian ko dalam rangka 'baminang-minang' bak kato pak Fasli Jalal, ambo
pakai juo gala tu, sakadar identitas. Bagi ambo nan bagarak di tingkek nasional
gala tu indak ado artinyo samo sakali. Di tingkek nasional tantu labiah
baharago tingkek pandidikan dan pelatihan ambo sarato latar belakang pengalaman
karajo, dan kemampuan sarato prestasi pribadi dari pado sakadar gala adat tu.
Nan alun duduak lai memang nan ambo ajukan ka palanta ko, yaitu kalau kito
sabagai urang Minangkabau ingin maagiah kahormatan ka tokoh nan kito haragoi --
urang Minang atau bukan -- apokah akan kito agiah gala adat satingkek suku
dalam nagari, atau ado gala Minangkabau -- gala adat apo indak -- nan bisa
dibarikan. Salamo ko jalan kaluanyo adolah gala dari eks kerajaan Pagaruyuang.
Itu kan salah satu jalan kalua.
Bahaso ado dunsanak kito nan indak satuju tantu buliah-buliah sajo. Bahkan
indak bagala bana indak kakurang kadudukan sasaorang. Pak Hatta misalnyo kan
indak bagala, tapi jaleh baliau labiah hebat dari misalnyo tukang panjek
karambia nan bagala "Sutan Rajo Dilangik".
Wassalam,
Saafroedin Bahar
Waalaikumussalamww.
Numpang sato sakapalo,ambo raso,ambo sabahagian dari kabanyakan Urang Awak nan
indak tau apo bana arati dari sabutan Gala tu, sabagai contoh (maoh kok gala
Mamak nan tasabuik) MARAH SAMPONO apo arati Marah? apo pulo arati Sampono?
Kok nan ambo walaupun dari ketek lah katanah ringgik namun masih banasib baiak
karano induak bareh lai Rang Awak juo, lah dapek anak baduo,tajalang mintuo di
Kampuang mako dapeklah gala nan diagiah dek Mintuo sacaro gratis alias
perai,ambo paranah batanyo kapado sidang pambaco,sahinggo ambo manulihko alun
adolai nan sudi maagiah arati nan sabana gala ambotu Sutan Palindih, bilo ambo
tanyo ka induak bareh antah dek masotu iduik sadang bansaik nyo katokan Sutan
ndakbapitih.
Ambo batua2 mengharap keterangan dari nan batua2 mangatahui untuk panjawek
tanyo generasi akan datang?
Wassalam,
Kani48
Assalamualaikum w.w. para dunsanak sapalanta,
Ado juo batuanyo pandapek Angku Azmi Dt Bagindo. Rancak juo kito ranuangkan.
Hanyo ado kurangnyo saketek, yaitu karano adat hanyo salingka nagari, apo koh
gala kahormatan nan akan kito agiah untuk tokoh-tokoh nan martabatnyo alah
tingkek di ateh nagari, misalnyo nan salingka alam Minangkabau ? Apo kahormatan
baliau kito paketek sahinggo jadi tingkek nagari sajo ?
Wassalam,
Saafroedin Bahar.
Nan ambo hormati, angku2 Niniak Mamak Nan Gadang Basa Batuah,
Nan ambo hormati, angku2 Imam Katik Bilamaulana jo Tuanku,
Nan ambo hormati, angku2 Cadiak Pandai, urang nan arif bijaksano,
Nan ambo hormati, angku2 Ibu2 Bundo kandung Limpapeh Rumah Nan Gadang,
Assalamu'alaikum W.W.
Tertarik atas tulisan Pak Saaf. Ambo sato saketek untuak ikut anyumbangkan
pandapek, mudah2an ado munfaat nyo.
Babicaro tentang Gala dalam adat, berarti kito membicarakan tentang produk Adat
Minangkabau, karena gala itu adolah bagian dari ketentuan adat Minang, sesuai
denagn bunyi pepatahnyo:
Ampek angkek jalan kepanta,
Babelok jalan ka Maninjau,
Ketek banamo gadang bagala,
Baitu adat di minangkabau.
Sewaktu lahia anak, atau sewaktu ketek di-agiah Bapak Namo, lah gadang di-agiah
mamak Gala. Gala nan di berikan mamak, sesuai dengan gala nan ado didalam suku
kaumnyo, nan diterimo secara turun temurun. Yang disebutkan juo dalam istilah
adat: warih di jawek pusako di tiolong, dari ninik turun kemamak, dari mamak
turun kekamanakan, tibo di kamanakan di pacik arek diganggam taguah.
Dan gala itu ado nan basipat umum dan ada nan basipat kusus. Nan basipat kusus
ialah gala pamangku adat, yaitu penghulu nan bagala datuak, itulah nan indak
buliah diagiah - agiah oleh siapapun.
Pemberian Gelar kehormatan kepada Piah Lain.
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email, DITOLAK atau DIMODERASI oleh system, jika:
1. Email ukuran besar dari >100KB.
2. Email dengan attachment.
3. Email dikirim untuk banyak penerima.
================================================
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email, DITOLAK atau DIMODERASI oleh system, jika:
1. Email ukuran besar dari >100KB.
2. Email dengan attachment.
3. Email dikirim untuk banyak penerima.
================================================
__________________________________________________
Apakah Anda Yahoo!?
Lelah menerima spam? Surat Yahoo! memiliki perlindungan terbaik terhadap spam
http://id.mail.yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email, DITOLAK atau DIMODERASI oleh system, jika:
1. Email ukuran besar dari >100KB.
2. Email dengan attachment.
3. Email dikirim untuk banyak penerima.
================================================
