Tolong dibaca aturan di footer dibawah -------------------------------------- Sukseskan Pulang Basamo Juni 2008
Assalaamu'alaikum wa rahmatullaahi wa barakaatuhu Manolah Ajo Duta sarato dunsanak nan basamo, Sato pulolah ambo saketek. Saandaino nanti Ajo Duta jo rombongan jadi pulang kampuang dan ka mampagunoan jaso penyelenggara wisata sarupo Tigo Balai nan panah Ajo tanyoan tu, normal-normalno banyak ka khawatiran tantang paremanisme bisa di kurangi. Iko badasarkan pangalaman ambo nan sayang alah agak bajarak wakatuno saketek, Juli 2003. Sabab katiko awak ikuik jo penyelenggara wisatako, mareka kolah nan maambiak tanggung jawab kasalamatan awak. Sajak awak turun di BIM, dijapuikno jo bus, awak naiak ka bus nan alah disadioanno tu, urusan mambayia uang parkir di BIM, di tampek-tampek dima sajo no baranti adolah urusan Tour leader nan mambao awak. Indak paralu bagai awak cameh lai doh. Kama sajopun awak pai dalam rombongan samisal ka Puncak Lawang, ka Maninjau, ka Harau, ka Pagaruyuang. Lai indak ka baurusan bagai awak jo tukang pangua nan biasono marangkap tukang parkir tu do. Di tampek-tampek objek wisata biasono ado juo lai tukang foto semi amatir manyasak-nyasak nak mamotoan awak. Jawab sajolah elok-elok bahaso awak ndak mamparaluanno. Apolai kini urang alah bakamera sagadang kota api-api nan canggih-canggih mungkin alah samakin indak ado tukang foto amatir tu lai do. Ado pulo di tampek-tampek tatantu anak-anak nan jadi padagang asong. Inggo sajolah. Kalau ka dibali galehno jalehan aragono elok-elok. Kalau indak ka mambali kecek-an pulo elok-elok bahaso awak indak ka mambali, muskipun ano biasono ka tatap manyasak juo. Pandai-pandai sajolah. Iko indak panyakik gadang bana bagai ko do. Kalau awak pai ka pasa baiak di Kiktenggi ataupun di Padang baiak surang-surang ataupun bajalan baduo atau batigo tantu tangguang jawab (dari tukang copet sarupo nan Ajo alami) manjadi tangguang jawab awak surang. Baati-ati sajolah. Insya Allah nan ka sampai rabuik rampeh di tangah balai alun rasono lai do. Kalau pakaro copetko kan di rantau Ajo bana ka lai juo no. Manga ka heran bana. Walaupun biasono pasti diingek-an urang Hotel, di hotel paralu awak bahati-hati sangaik pulo tarutamu jo barang-barang elektronik ketek-ketek sarupo HP atau kamera. Di Hotel sa kalas Novotel di Kiktenggi ambo yakin ado save deposit. Silahkan manfaaikkan. Kok mambali barang nan indak tau awak pasaranno samisal kain-kain di pasa batingkek di pasa ateh Kiktenggi, pakai sajo rumus dasar babalanjo. bandiangan aragotu di babarapo kadai sabalun ka dibali. Barang buliah di ago. Taliti bana kualitas satiok halai kain nan ka dibali tu. Sabab kain-kainko hasia jahitan tangan, antah nan batarawang antah nan babordir. Tantu sarek jo human error. Nah, kalau ado nan salah banang ko, baiak nan manjaik ataupun nan manjua bausao juo nak mamasuak-an barang bodongko. Jadi hati-hati sajo awak. Kalau pakaro pintu Musajik Raya di Kiktenggi tu nan paralu awak tau jo wakatu shalat. Azan subuah biasono duo kali disinan. Azan partamu kiro-kiro satangah jam sabalun masuak wakatu subuah. Kalau sampai Ajo tibo pintu musajik alun babukak bararti Ajo sabana talampau pagi tibo du. Sabab sajak satangah jam sabalun masuak wakatu musajik tu alah babukak pintuno. Saandaino Ajo tamasuak nan suko maikuik-i sujuik tilawah dalam sumbayang, datanglah sumbayang subuah ka musajik Raya tu hari Jumahaik subuah. Imam ka mabaco surek Alif LamMiim Tanzil (surek ka 32) biasono. Sasudah sumbayang subuah biasono ado wirid/pangajian. Jaan eran pulo Ajo katiko mancaliak nan mandangaan wirid subuah ko kadang-kadang indak barapo urang do. Kalau lapau tampek minum kopi talua di sakitar pasa ateh memang indak sarik mancarino. Ambo kalau pulang biaso makan katan jo goreng pisang rajo di lapau ketek di Garegeh (jalan ka kampuang ambo atau jalan ka Pikumbuah). Lapauko jadi langganan ambo satiok pulang sajak taun 90. Co itu ka co itu juo bantuakno, paliang banyak manampuang urang 15 urang sakali duduak, tapi katan jo goreng pisangno sabana sasuai jo salero ambo. Pakaro urang gilo atau boco aluih. Iko iyo mamprihatinkan di nagari awak. Tapi kadipangaan. Banyak juo urang awak ko nan stress jo masalah hiduik. Urang nan sakik jiwa di nagari awak manuruik data statistik nan panah ambo baco tamasuak nan gadang prosentaseno. Kasudahan kaji, memang iyo masih banyak nan paralu dibenahi di kampuang awak untuk jadi objek tujuan wisata tapi indak pulolah parah-parah bana do. Itu selah. Jaan sampai ndak jadi pulo Ajo pulang. Wassalamu'alaikum, Lembang Alam ---------------------------------------- > Date: Sat, 13 Jan 2007 17:49:08 -0800 > From: [EMAIL PROTECTED] > To: [email protected] > Subject: Re: [EMAIL PROTECTED] Pulang Basamo 2008...!" - Bicara dg > Statistik... > > Tolong dibaca aturan di footer dibawah > -------------------------------------- > Sukseskan Pulang Basamo Juni 2008 > > > Ado pulo pengalaman ambo di Kiktinggi Februari tahun lalu. > Sadang mancaliak caliak kaset lagu disebuah toko di pasa ateh. > Ado babarapo urang bagarombol dakek toko tu. Surang datang > malakok-lakok kemudian tangannyo manyemba saku baju > ambo mamabiak notes ketek. Ambo langsuang marabuik baliak. > Urang toko langsuang maariak urang tu, kemudian inyo bakumpua > baliak ji kawannyo sambia galak-galak. Ado kekuatiran kok inyo > membuntuti ambo baliak ka hotel. Baa tu pak walikota? > > Sebelumnyo disubuah langang ambo jalan dari Novotel ka musajik > di belakang pasa tu. Dipinggia jalan ado surang induak2 bacaruik > panjang se karajonyo. Ruponyo inyo boco gadang. Untuak kota > wisata, pemandangan ko iyo bana indak pas. Ma lai sampai dimusajik > pintu paga masih takunci. Lai agak satangah jam menunggu garin > jago mambukak-an pintu paga tu. Antah ambo nan talalu capek atau > garin nan talalok. > > Abih subuah minum teh talua jo nasi goreng direstoran dimuko > jam gadang iyo sero, sambia manonton Metro-TV dalam acara > siaran Voice of America. > > wassalam > ajoduta/60 > (tetapinginpulkam) _________________________________________________________________ Try Live.com - your fast, personalized homepage with all the things you care about in one place. http://www.live.com/getstarted -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan,silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages http://groups.google.com/group/RantauNet?gvc=2 dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
