Ass wr wb
Bana tu mah sanak Darul, kalau manuruik ambo ado duo hal dalam mambuek SLOGAN PARIWISATA ko, Partamo adolah slogan ka Masyrakat nan ado di Ranah, supayo bak istilahnyo MAMASYARAKATKAN PARIWISATA diranah Minangkabau ko, tantu iko jadi tugas dek KEPALA DINAS PARIWISATA KOTA/KABUPATEN DAN PROPINSI yang HARUS bersinergi jo ASITA, PHRI dan MPPAS disatiok KOTA/KABUPATEN/PROPINSI pulo adonyo. Kalau indak adoh nan saroman ko, iyo samo jo basorak dipadang pasia se awaknyo. Disampiang itu baa pulo program nan diusulkan dek sanak awak Erwin, untuk satiok anak sakola mulai dari SD sampai SMA/Pesantren harus diikutkan pulo memasyarakatkan PARIWIASATA ko, mungkin caronyo bamacam-macam, sasuai jo kondisi dan situasi masing-masing Kota/Kabupaten/Kecamatan/Kalurahan nan ado, khusus nyo ditampek-tampek nan ka dijadikan objek wisata nan ka dikunjuangi Ibaratnyo, kalau ambo barencana mambuek suatu Usaho misalnyo : ka bajua onde-onde, tantu ambo kaji dulu : baa tapuang nyo nan rancak, baa pulo karambia nyo nan sadang elok, baa pulo gulo nyo nan sasuai ( gulo saka atau gulo anau ), sudah tu sia nan kamaracik adonannyo supayo lamak rasonyo? Ikolah nan harus bana-bana dipasokok an di kampuang, kalau indak baitu, indak jaleh doh apo nan kadi jua tu. Kalau alam nan rancak tu sajo indak didukuang dek masyarakat nan kito harapkan akan mandapek multi player effect dari kunjuangan wisata ko indak mambuek suasana PARIWISATA YANG AMAN DAN NYAMAN, iyo sakali se urang datang kakampuang awak sudah tu nyo batarompet ka saantero dunia, jan lai datang ka RANAH MINANG tu, kapok ambo dek inyo????? Sasudah tu baru tahap kaduo : slogan untuak dipasa kan ka pambali Itu lah banyak contoh mambuek SLOGAN ko, tingga mancari nan paliang tapek. Kaduo acara ko bajalan harus simultan, karano target awak tahun 2008 Jadi sarancakno usul ambo, sagiro diresmikan MPPAS tu, sudah tu dibantuak disetiap Kota/Kabupaten/Provinsi sebagai MPPAS Daerah nan ka mahoyak DINAS PARIWISATA/PHRI/ASITA Daerah tu. Kalau dari Jakarta sajo awak basorak, ilang-ilang timbua sorak tu, inyo danga jo talingo suok lalu buluih ka kida sudah tu indak ado nan manggarik di kampuang doh, awak lah bamimpi juo tahun 2008 parantau minang se dunia ka pulang kampuang Iko karajo barek untuak mansinergikan Perasaan/mimpi awak di milis ko jo apo nan harus dipabuek di kampuang untuk maujuik kan mimpi ko menjadi kenyataan Modal nyo hanyolah karajo kareh, semangat juang tinggi, lillahi ta'ala. Insya allah akan dibantu dek Allah Swt, amin yra Wass Wr Wb CD Rajosampono +++ -----Original Message----- From: [EMAIL PROTECTED] [mailto:[EMAIL PROTECTED] On Behalf Of Darul M Sent: Thursday, January 25, 2007 3:45 PM To: 'Membangun Minangkabau nan Bergengsi' Subject: [EMAIL PROTECTED] Usulan Program MAPPAS Tolong dibaca aturan pada footer dibawah ------------------------------------------- Assalamulaikum WW Iyo rancakko Erwin, alah lengkap. Tapi ado nan takana diambo saketek, dek biasono saat sosialisasi kadalam, kamasyarakat nan akan manarimo tamutu jo senyum ado penolakan. Penolakan dek wisatako mamabao image negative dan ikutan nan kuraang rancak. Mukasuik mbo jikok iko juo dikaji baano? Misano awak gagas wisata ke Minangkabau adalah wisata budaya yang berbudaya. Kata terakhirko jikok dibao kabahaso awakno mungkin buliah jadi kato "bataratik" Sukseskan Pulang Basamo se Dunia, Juni 2008. ----------------------------------------------------------------- Website: http://www.rantaunet.org ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >500KB. 2. Email dengan attachment, tidak dianjurkan. 3. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
