Assalamualaikum w.w. para dunsanak sapalanta,
Paratamo ambo mintak maaf nan sagadang-gadangnyo karano talambek bana
mambaleh 'posting' para dunsanak. Sabab talambek sederhana sajo, yaitu sajak
tanggal 21 sampai tanggal 26 ambo dinas ka Sumatera Barat dan Sumatera Selatan,
baiak untuak manghadiri acara syukuran taradok alah diakuinyo dek Pamerintah
peranan PDRI dalam Perang Kemerdekaan dahulu, maupun untuak malaksanakan tugas
ambo jo staf ambo di Komnas HAM nan takaik jo hak masyarakat hukum adat.
Salamo di daerah, indak sempat ambo pai ka warnet.
Baitu tibo di Jakarta pukua 08.00 pagi tadi tg 26, ambo taruih ka kantua
mambuka e-mail nan alah anam hari indak ambo buka. Ondeh maak, ado 250 email
baru nan masuak, sabagian langganan ambo nan biaso, na sabagian lai, yo
manganai Masyarakat Peduli Pariwisata Sumbar (MAPPAS) nan diusulkan dek
dunsanak kito Ajoduta nan di Amrik.
Ambo sabana takajuik -- tapi sanang karano maraso dipicayo -- sawakatu
Ajoduta 'manyorongkan bajak di kuduak ambo' untuak mahelo 'kureta' MAPPAS nan
sabana gadang ko. Untuang lai indak ambo surang nan diusulkan, juo ado
dunsanak-dunsanbak lain nan alah bagalimang dan paiwai di bidang iko.
Alhamdullillah. Apolagi nampak dek ambo, salain dukuangan juo ado saran-saran
nan konkrit.
Babarapo kasimpulan nan manonjol dari rangkaian 'postings' nan ambo baco,
antaro lain, adalah :
1. Sadonyo kito urang Rantau ingin wisata ka Ranah iko sukses, sahinggo
sabananyo kito urang Rantau dapek dipandang sabagai samacam 'captive market'
untuak acara wisata iko. Tingga disiapkan sajo 'cetak biru' jo perangkat
pelaksanaannyo.
2. Baulang-ulang dikanakan bahaso bisnis wisata ko adolah bisnis jasa, dan
haruih diagiah paratian gadang ka aspek jasa iko.
3. Salamo ko urang awak agak kurang paratian ka masalah pelayanan jasa ko.
Untuak mangatsinyo paralu dicari dalil nan bisa dijadikan sumber sumangaik, dan
dalil itu alah ado, yaitu ajaran Nabi supayo kito manghormati tamu..
4. Dalam bisnis wisata ado tigo komponen utamo nan saling takaik, yaitu a)
pemerintah sebagai regulator dan fasilititator; b) rangkaian bisnis wisata itu
sandiri saparati biro perjalanan, hotel, dan restoran, nan alah ado asosiasinyo
masiang-masiang; dan 3) wisatawan itu sendiri nan mamaralukan pelayanan jasa
dari pemerintah dan bisnis wisata.Kini katigo-tigonyo sadang basumangaik dan
siap bakarajosamo, di bawah pimpinan pak Gubernur kito.
5. MAPPAS haruih mawakili kapentingan para wisatawan sebagai konsumen.
6. Untuak para wisatawan nan indak urang Rantau, paralukan dicarikan slogan
nan padek, nan dapek manarik hati urang lua datang ka kampuang kito itu. Kini
alah ado 20 saran nan masuak, tamasuak dari Menteri Parsenibud Jero Wacik.
7. Sampai tanggal 26 ko alah ado sakitar 17 urang nan basadio duduak dalam
kapangurusan MAPPAS ko, tamasuak Ajoduta dari Amrik dan Dunsanak Junaidi dari
kandang singo. Sekjennyo Dunsanak kito Ronal Chandra.
Jadi sabananyo MAPPAS iko alah bisa jalan ko mah. Tingga kito adokan rapek,
buek rencana dan jadwal, ambiak kaputusan, bagi karajo, dan laksanakan.
Untuak dunsanak Ronal, pak Sekjen kito, baa kok kito adokan rapek minggu
muko, misalnyo hari Jumat, tanggal 2 Februari, pukua 16.30 di ruang sidang
pleno Komnas HAM, Jl Latuharhari 4 B, Jakarta ?
Sampai di siko dulu.
Wassalam,
Saafroedin Bahar
.
---------------------------------
It's here! Your new message!
Get new email alerts with the free Yahoo! Toolbar.
Sukseskan Pulang Basamo se Dunia, Juni 2008.
-----------------------------------------------------------------
Website: http://www.rantaunet.org
============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email, DITOLAK atau DIMODERASI oleh system, jika:
1. Email ukuran besar dari >500KB.
2. Email dengan attachment, tidak dianjurkan.
3. Email dikirim untuk banyak penerima.
--------------------------------------------------------------
* Berhenti (unsubscribe), berhenti sementara (nomail) dan konfigurasi
keanggotaan, silahkan ke: http://rantaunet.org/palanta-setting
* Membaca dan Posting email lewat web, bisa melalui mirror mailing list di:
http://groups.yahoo.com/group/RantauNet/messages
http://groups.google.com/group/RantauNet?gvc=2
dengan mendaftarkan juga email anda disini dan kedua mirror diatas.
============================================================
