Assalamu'alaikum W W. Dunsanak di banyak lapau nan ambo hormati. Ketek dak basabuik namo gadang dak baimbau gala..... Sajak akhir Januari 2007 sampai tanggal 7-8 Februari, kota Batawi nan adolah pusek sagalo pusek nagari kito ko dilanda musibah. Aia gadang lah malendo Jakarta.
Buliah di kecek an ampia sado awak tau ttg bencana itu, baiak dari media cetak, elektronik maupun media maya sabantuak milist maupun website nan lain. Memang tak sagadang Tsunami di Aceh, 2 tahun nan lalu, atau gampo Yogya taun kapatang. pun bencana2 gadang nan lain. Namun toh nan namo no bencana maninggakan bakeh bagi urang nan jadi korban bencana. Nan pasti, musibah banjir kapatang ko dak pandang bulu. Ketek-gadang, tuo-mudo, rang kayo-rang bansaik, bahkan tampek ibadah spt mesjid sarato sarana pendidikan dari SD-SMP-SMA sampai bbrp perguruan tinggi pun di sosoh banjir. Disiko ambo dak akan berpolemik tentang penyebab bencana, kelambanan pemerintah mengatasi bencana, atau masalah lain nan akan mambuek urang berkomentar macam2. Dak paralu di komentari lah. Cukuik awak mauruik dado sarato manggurimik di muncuang. Sajak ari Jumaik, 9 Februari 07 Aia nan mangganang di ampia saluruah daerah di IBUKOTA nagari kito lah suruik, bahkan lah banyak nan kariang, kehidupan lah ampia pulih. Tapi................., bagaimanapun nan korban tersebut tetap indak bisa lansuang basanang-sanang. Di pasca bencana iko lah mereka semakin paniang mancaliak kondisi rumah dan lingkungan mereka nan porak-poranda. Fokus ambo untuak PASCA BENCANA ko indak banyak, mungkin hanya ciek atau duo. Dari pengamatan ambo di lapangan, ado suatu kebingungan dan keresahan di dunsanak awak nan jadi korban banjir. BAGAIMANA PENDIDIKAN ANAK jo KAMANAKAN MEREKA.????? Memang mereka tidak semua URANG AWAK, tapi toh mereka masih kerabat awak juo. Bacarito lah ambo saketek, namun carito ko mohon jan di anggap mambangga atau mambusuangkan dado, tidak terniat sama sekali. Ambo takuik apo nan lah dilakukan Warga RW 04 Karet Setia Budi dan IKA UNPAD nanti akan jadi RIA, mohon jan di anggap bantuak itu. Kebetulan warga tampek ambo acok beraktivitas RW 04 Karet Belakang, Setiabudi, Kuningan, Jakarta Selatan, bekerja sama dengan Ikatan Alumni Universitas Padjadjaran, agak saketek mancubo meringankan beban warga korban banjir nantun. Sejak ari Sinayan 5 Februari, warga RW 04 Karet Setiabudi, dan IKA UNPAD bagotong royong mambuek dapua umum dan mamasak alakadarnyo untuak mambantu pasokan makanan untuak korban banjir. Alhamdulillah sekitar 300-400 bungkuih sajak ari Sinayan sampai ari Sabtu 10 Febr 07, bantuan makanan siap santap itu alah disalurkan ka masyarakat Komplek Depag, Kalimati, Daan Mogot, Jakarta Barat. Daerah ko waktu hari Jum'at awal banjir Ketinggian aia sampai mancapai leher orang dewasa, dan baru hari sabtu aia benar2 suruik. Pun sajak hari Selasa malam sampai Sabtu malam jam 23.00, IKA UNPAD mendatangkan tim kesehatan sebanyak 3 orang dokter. Alhamdulillah, walau mungkin tidak terlalu banyak dan tidak keseluruhan nan tertangani, setidaknyo 500 urang masyarakat Warga Komplek Depag, Kalimati Daan Mogot alah barubek ka sinan. Muloi Minggu 11 Feb Posko bantuan Bencana IKA UNPAD sarato RW 04 Karet Setiabudi mungkin sudah berakhir, namun penderitaan mereka di Daan Mogot sana sepertinya belum berakhir. Dari sekadar ota-ota jo masyarakat sekitar, nan mereka khawatirkan kini adalah mengenai PENDIDIKAN anak-anak PASCA BANJIR. Banyak buku sakola nan abih dilendo banjir, banyak baju2 sakola nan indak bisa dipakai lai karano walau 5 taun nan lalu mereka juo jadi korban, tapi banjir kiniko memang benar2 dahsyat. Mereka tidak sempat menyelamatkan harta benda termasuk perlengkapan sekolah anak mereka. KASINAN FOKUS AMBO..... Buku pelajaran, buku tulih sarato perlengkapan sekolah anak-anak usia sekolah ikuik sato di lendo banjir. Bahkan buku2 nan ado di sekolah, termasuk di perpustakaan pun raso no sangat sakaciak nan masih bisa dipakai. Kini mereka dak punyo lai. Satu sisi mereka sadang konsentrasi membanahi rumah dan lingkungan nan porak poranda tadi. Dunsanak ambo sadono. Data nan pasti dan valid ambo memang indak punyo, tapi dari pengamatan nan ambo caliak, mungkin mencapai 50% penerbit buku di INDONESIA ko adolah urang MINANG (SUMBAR). Dan mungkin sebagian besar dari 50% tadi berasal dari SULIK AIA, atau Solok sekitarnya. Walau memang ado dari daerah lain. Mukasuik ambo.... Kok ado di antaro dunsanak nan adalah bagian dari PENERBIT tersebut, mungkin dunsanak bisa mambantu. Atau kalau mungkin indak ado di antaro awak nan punyo usao di bidang penerbitan, tapi bisa ma agiah tau ka dunsanak nan penerbit tersebut untuak sato maulurkan bantuan mambantu kondisi PASCA BANJIR khusus u masalah buku cetak dan juo buku tulis. Pendidikan adalah Bagian nan integral dengan SUMBER DAYA MANUSIA. Namun hal bantuak iko sangat sering terlupakan. Dari banyak kejadian bencana alam nan terjadi, hal bantuak iko sering indak takana di awak. Untuak tidak terulang baliak kondisi nangko, raso no iyo paralu sato pulo awak turun raso no. Bagaimana cara penanganannya?? Mulai dari pengumpulan dan pendistribusian??? Secara teknis menyeluruh memang alun tapikia di kapalo ambo. Tapi mungkin awak bisa mamakai lembaga nan ado. Ado GEBU MINANG (eeehhh masih ado kolah GEBU MINANG??), ado KOMUNITAS RANTAU NET, ado alumni sakola di SMA atau di kampus, ataupun apo sajolah, nan penting lai namuah sato menyengsengkan langan baju. Lembaga ko mungkin bisa awak pakai sebagai tenaga pengumpulan bantuan. Tentang distribusi?? Awak bisa minta data dari DIKNAS, atau pun PEMDA KOTA bahkan sampai ka KELURAHAN............ Nan sangat penting adalah............. ADO NAN BERNIAT UNTUAK MENGULURKAN TANGAN, ....................... Itu saketek uneg2 nan sadang manyumbua di kapalo ambo.... Namun sakali lai................, memang tidak semua mereka urang awak. Iko hanya sedikit kepedulian tentang PENDIDIKAN anak2 pasca bencana....... Mohon maaf sabalun no ka dunsanak2 nan manarimo postingan ambo ko.... Kok raso no badan diriko terlalu mengada-ada, tapi itu realita nan nampak di ambo... Kok ado nan dak berkenan dg pemikiran ko, juo dak usah berkomentar miring. Manyusun sapuluah jari ambo, sarato manunduak an kapalo.... Kok ado nan salah jo jangga.... Kok ado nan talantak ka naiak sarato talendo ka turun... Mohon rila jo maaf Billahi Taufiq wal Hidayah Wassalamu'alaikum W W ARIF, Rangkayo Mulia (ALUMNI SMA BIRUGO BUKITTINGGI)
Sukseskan Pulang Basamo se Dunia, Juni 2008. ----------------------------------------------------------------- Website: http://www.rantaunet.org ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >500KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
