Dunsanak nan terhormat. Ketek indak bapanggia namo, gadang indak baimbau gala.
Kito tantu pernah ikuik organisasi. Minimal organisasi pasukuan. Atau kutiko ado dunsanak kito baralek. Disitu biasonyo kito dapek tugeh dari mamak panitia. Kok maantakan undanganlah. Mangecekan urang lah. Pas di hari H, kito bakarajo sasuai posisi kito pulo. Baliak ka bakeh diri ambo. Kok organisasi nan diikuti, iyo lai banyak. Mulai dari zaman sakolah dulu sampai ka zaman karajo kini. Bahaso urang kininyo, aktivis lah. Kalau dibuek sacaro statistik. Dari sagitu banyak organisasi atau kepanitiaan nan ambo ikuti. Sambilan puluah persen adolah menjadi seksi perlengkapan. Siso 10 persen adolah untuak job di kepanitiaan lain. Biasonyo manjadi koordinator parkir wukatu baralek. Kadang-kadang manjadi sopir alias seksi transportasi. Hari jumaik duo minggu lalu, ambo hadir rapek MAPPAS. Subana santiang-santiang nan hadir di rapek tu. Sabana salut ambo. Hasia rapek tu adolah manyarahkan urusan perumusan organisasi sakaligus sabagai formatur panyusun panguruih. Antah baa progress tim 7 ko, ambo alun dapek info lai. Cuma, kok pintak buliah balaku ambo mangajukan diri di kapangurusan MAPPAS. Tantu sasuai jo pengalaman ambo salamo ko. Yaitu anggota departemen perlengkapan. Kok jabatan nan lain daripado itu, indak tajangkau dek utak ambo do. Bialah urang lain nan maisi. Apo lai kok jabatan nan agak dimuko tagaknyo. Iyo ndak takao do. Wassalam, UBGB (Mantari Sutan) Sukseskan Pulang Basamo se Dunia, Juni 2008. ----------------------------------------------------------------- Website: http://www.rantaunet.org ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >500KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-config * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
