Waalaikumsalam w.w. Dunsanak Azmi Dt Bagindo, Tarimo kasih Dunsanak alah marespons saran ambo. Memang marupakan suatu karajo gadang untuk mendidik nan mudo-mudo tantang adat sabagai warisan kultural Minangkabau, tautamo di Jakarta ko, sahinggo diparalukan konsolidasi, nan alhamdulillah sadang dilakukan dek Lembaga Adat Kebudayaan Minangkabau. Karya Dunsanak Yus Dt.Parpatiah -- disamping karya-karya para dunsanak kito nan lain -- jaleh merupakan suatu karya yang harus dipuji.
Sungguah menarik paratian ambo, bahaso kaset Dunsanak Yus Dt Parpatiah maambiak judul "Petiaruah Ayah", suatu tando bahaso adat kito mulai maagiah tampek nan samakin baiak kapado figur ayah sasuai jo ajaran syarak dan hukum negara. Sacaro indak langsuang hal itu manunjuakkan wujud pelaksanaan ABS SBK dalam iduik kito sahari-hari. Alhamdulillah. Dalam hubungan ABS SBK iko takana dek ambo, karya luar biasa dari almarhum H. Idrus Hakimy Dt Radjo Penghulu, nan sangat gigih manunjuakkan keterkaitan antaro adat jo syarak. Saparati kito katahui, baliau salain bana-bana manguasoi kaidah adat juo mahir dalam syarak, karano baliau lulusan Canduang. Ambo mengenal baliau sacaro pribadi, sawakatu ambo manjadi Sekretaris Umum Lembaga Kerapatan Adat Alam Minangkabau (LKAAM) Sumatera Barat, salamo anam tahun (1966-1972). Untuk mambantu sosialisasi adat jo kabudayaan Minangkabau dalam konteks ABS SBK ko ka nan mudo-mudo, tarutamo nan alah biaso basilanca di internet, rasonyo bisa dimanfaatkan jalur RantauNet iko, atau [EMAIL PROTECTED] nan [paranah] diasuah dek pak Darul Makmur. Wassalam, Saafroedin Bahar --- azmi abu kasim azmi abu kasim <[EMAIL PROTECTED]> wrote: > Wa'alaikum Salam w.w. > Angku Saaf St.Majolelo > > Tarimo kasih ambo sampaikan kapado Angku Saaf > St.Majolelo, tabo-bao namo ambo saketek tantang > masalah adat awak tu, sabananyo ambo juo indaklah > talalu manguasui tantang nantun, kok di adat ambo > mangapalang di Syarak mungkin jauah sakali. Namun > dek bisiak alah kadangaran, kok imbau alah > kalampauan, kileh baliung alah kakaki kilek camin > alah kamuko, kok tembaklah tibo dialamat umban alah > manuju tanggakai, aratinyo deklah tatuju kakami > sebagai niniak mamak, tantu kato biaso bajawab, > gayung biaso basambuik, namun dek kato surang > dibulehi kato basamo dipaiyokan, nak kami bao kato > jo mumfakat sasamo niniak mamak, manunggulah angku > jawabannyo, lai kadalam banatu angku Saaf > St.Majolelo. > Sebagai impormasi dapek ambo sampaikan, bahwah > kami alah mambantuak sebuah organisasi nan > banamo"LEMBAGA ADAT KEBUDAYAAN MINANGKABAU" (LAKM) > beliau angku Yus Dt.Parpatiah adalah salah satu > ketua, dan ketua umumnyo adolah angku Lym Campay > Sidi Marajo Lelo, dan ambo kebetulan sebagai > sekretaris Umum. Sekretariatnyo : Jl.Maramba no. 5 > Kelapa Gading Jakarta Utara. > > Tujuan organisasiko adolah untuk mamiliah nan > taserak, untuk manjapuik nan tacicia, kok taganang > diagiah bapamantang, kok tajun diagiak bahiliran, > kok talipek nak dikambang kok talamun nak samo kito > kakeh. > > Calak alah tajampun ado, > Tingga dibawa manyimpaikan, > Syarak alah adatpun ado, > Tingga diawak mamakaikan. > > Pada saat kini kami sedang mengadakan konsulidasi > kedalam, yaitu sesamo para niniak mamak panghulu > pemangkut adat Minangkabau nan barado di Jakarta, > beliau sebagai nanlah mandapek mandat dari dunsanak > kamanakan masing-masing dalam suku atau kaumnyo, > untuak didahulukan salangkah ditinggikan saranting, > kok kapai katampek batanyo kok kapulang kartampek > babarito.Sebagai ujuik dari lupo-lupo maingekkan, > kok takalok manjagokan, adat dipakai baru kok baju > dipakai usang. > > Dan kini nan alah terdaftar lebih kurang 150 > urang Niniak mamak Penghulu Pemangku Adat nan > batampek tingga di Jakarta dan sekitarnyo. > Sakitu sajolah dulu Angku Saaf St.Majolelo, ambo > mohon maaf dan tarimo kasih > > Wassalam, > > Azmi Dt.Bagindo. > > Koreksi saketek kapado Dunsanak2 Kasadonyo : Nan > Mambuek Kaset Petiaruah Ayah Adolah Angku Yus > Dt.Parpatiah, bukan namo lain, terima kasih. > > --- ambo kuduang disiko -- ____________________________________________________________________________________ Bored stiff? Loosen up... Download and play hundreds of games for free on Yahoo! Games. http://games.yahoo.com/games/front Sukseskan Pulang Basamo se Dunia, Juni 2008. ----------------------------------------------------------------- Website: http://www.rantaunet.org ============================================================ UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Email dengan attachment tidak dianjurkan, sebaiknya melalui jalur pribadi. - Posting email, DITOLAK atau DIMODERASI oleh system, jika: 1. Email ukuran besar dari >500KB. 2. Email dikirim untuk banyak penerima. -------------------------------------------------------------- * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-config * Membaca dan Posting email lewat web, bisa melalui mirror mailing list di: http://groups.yahoo.com/group/RantauNet/messages http://groups.google.com/group/RantauNet?gvc=2 dengan mendaftarkan juga email anda disini dan kedua mirror diatas. ============================================================
